काठमाडौँ, फागुन १२ गते । फागुन १९ बाट प्रदर्शनमा आउन लागेको चलचित्र ‘छड्के २’को ट्रेलर सार्वजनिक भएको छ । ट्रेलरमा अनमोल केसीलाई समूहको नाइकेका रूपमा प्रस्तुत गरिएको छ । हिमाली जिल्ला मनाङको कथामा बनेको यो चलचित्रमा उहाँ ‘ग्याङस्टार’ बन्नुभएको छ । अनमोल चलचित्रभित्रका तीनवटा ग्याङमध्ये एउटा ग्याङको नाइके हुनुहुन्छ ।
चलचित्रमा रोविन तामाङ, कमलमणि नेपाल, देवकुमार श्रेष्ठ, सिर्जना सुब्बा, देवु श्रेष्ठ, रेशा आलेमगर, इयान स्कट क्लेमेन्ट, सन्तोष मिजार, अफरान अलिलगायतका कलाकारको अभियन छ । चलचित्र निगम श्रेष्ठले निर्देशन गर्नुभएको हो भने निर्मातामा प्रशान्त गिरी र देवकुमार श्रेष्ठ रहनुभएको छ ।
