काठमाडौं, फागुन ९ गते । नेपाली पंक रक ब्याण्ड झिल्के एण्ड दि कम्पनीले नयाँ गीत ‘पन्छीहरू’को म्युजिक भिडियो सार्वजनिक गरेको छ । तीन वर्षदेखि नेपाली रक सङ्गीत क्षेत्रमा सक्रिय झिल्के एण्ड दि कम्पनी’को भिडियोमा प्रनब केसीको निर्देशन र पीभीइ नेटवर्कको प्रवर्द्धन छ ।
गीतमा स्टिभ देवानको स्वर छ भने ब्याण्डमा ड्रम्समा दिप्सन केसी र बेस गितारमा विशाल हाङ राई पनि देख्न सकिन्छ ।
यस्तै, भिडियोमा प्रणव केसी र शुभेच्छा पौडेल फिचर्ड हुनुहुन्छ । सङ्गम राईको छायाङ्कन रहेको भिडियोमा रवी गुभाजुको सहायक छायाङ्कन, गणेश सिंह ठकुरीको गाफर, शङ्कर दाहाल, गोरे लिम्बूको प्रकाश सहायक, सहयोग राज अधिकारीको प्रोडक्सन, प्रनभ केसीको सम्पादन, सन्जीव रत्न शाक्यको कलर, अनमोल थापाको ब्याकग्राउण्ड स्कोर र दिभेस मुल्मीको मिक्सिङ तथा मास्टरिङ छ ।
