काठमाडौँ (गोरखापत्र), फागुन ९ गते । चलचित्र ‘बिहे पास’को अफिसियल पोस्टर सार्वजनिक गरिएको छ । पोस्टरमा कलाकार दयाहाङ राई, प्रकृति श्रेष्ठ, बुद्धि तामाङ, शिशिर बाङ्देल, रवीन्द्र झा र रुषा न्यौपानेलाई देख्न पाइन्छ । निर्माण टिमले प्रदर्शन मितिलाई ‘जन्त जाने दिन’ भन्ने नारा दिएको छ ।
प्रवेश पौडेलको निर्देशन, रोहित कट्टेलको प्रस्तुति, रत्न श्रेष्ठ कार्यकारी निर्माता, रोजन श्रेष्ठ निर्माता तथा ग्याल्जेन लामा र बालकृष्ण पाख्रिन सहनिर्माता रहेको चलचित्र पूर्वी नेपालका विभिन्न रमणीय स्थलमा खिचिएको हो । चलचित्रमा श्याम राई, विशाल पहाडी, सुवास गजुरेल, हिउँवाला गौतम, नवीन शेरचन, उमा बानियाँ, प्रकाश भुजेललगायतका कलाकारको अभिनय छ ।
