अन्तर्राष्ट्रिय क्रिकेटलाई फिन्चको बाइ बाइ

काठमाडौं, माघ २४ गते । अष्ट्रेलियाका चर्चित क्रिकेटर आरोन फिन्चले अन्तर्राष्ट्रिय क्रिकेटबाट सन्यास लिनुभएको छ । ३६ वर्षीय फिन्चले सोमबार राति अन्तर्राष्ट्रिय क्रिकेटबाट सन्यास लिनुभएको हो ।

ओपनर एवं कप्तानको रुपमा फिन्चले अष्ट्रेलियालाई पहिलो पटक सन् २०२१ मा टी-२० विश्वकप उपाधि जिताउनुभएको थियो । उहाँले टेस्ट र एकदिवसीय क्रिकेटबाट यसअघि नै बिदा लिनुभएको थियो ।

फिन्चले पाँच टेस्ट, एक सय ४६ एकदिवसीय र एक सय तीन वटा टी-२० खेल खेल्नुभएको छ । उहाँ टी-२० मा सर्वाधिक कप्तानी गर्ने खेलाडी पनि हुनुहुन्छ । फिन्चले टी-२० मा दुई शतक, १९ अर्धशतकसहित कुल तीन हजार एक सय २० रन बनाउनुभएको छ ।

उहाँले सन् २०११ देखि अष्ट्रेलियाबाट खेल्दै आउनुभएको थियो । उहाँले अन्तर्राष्ट्रिय क्रिकेटबाट सन्यास लिएपनि अन्य घरेलु लिगहरु खेल्ने बताउनुभएको छ । एजेन्सी