काठमाडौं, माघ १२ गते । नाजिर हुसेन र सञ्चिता लुइँटेल अभिनीत फिल्म 'गुलाबी : एक रङ'को प्रदर्शन मिति घोषणा भएको छ । निर्माण कम्पनीले फिल्म वैशाख १५ गतेदेखि प्रदर्शनमा ल्याउने घोषणा गरेको हो ।
समुन्द्र भट्टले निर्देशन गर्नुभएको फिल्मको पोस्टरमा नाजिरलाई पारालैंगिक महिलाको लुक्समा देख्न सकिन्छ । नाजिरले यो लुक्सका लागि एक वर्षसम्म पारालिंगी महिलासँग सङ्गत गर्नुभएको हो ।
'द स्काइ ओसन इन्टरटेनमेन्ट'को ब्यानरमा निर्माण भएको फिल्ममा सञ्चिता लुइँटेल, सुशील सिटौला, राजकुमार घोष, अनुपम श्रेष्ठ र विशाल पहारीको अभिनय छ ।
