अमरराज नहर्की
तनहुँ, भदौ १६ गते । प्रथम मेयर कप पुरुष खुला फुटबल प्रतियोगिताको उपाधि व्यास नगरपालिका–१ स्थित नव युवा क्लब ‘ए’ हाइस्कुलटारले जितेको छ । दमौलीमा सञ्चालित प्रतियोगितामा बुधबारको फाइनल खेलमा नवयुवाले न्यु बुद्ध एफसी भानु–१ लाई ३–० गोलले हरायो ।
उपाधिसँगै नव युवाले दुई लाख दुई हजार २२२ रुपियाँ पुरस्कार पायो । उपविजेता न्यु बुद्धले एक लाख ११ हजार १११ रुपियाँ पायो ।
विजेतालाई नेपाली कांग्रेसका केन्द्रीय सदस्य एवं पूर्वमन्त्री शङ्कर भण्डारी, जिल्ला समन्वय समिति तनहुँका प्रमख शान्तिरमण वाग्ले, व्यास नगरपालिकाका प्रमुख वैकुण्ठ न्यौपानेलगायतले पुरस्कार प्रदान गर्नुभयो ।
व्यास नगरपालिका–४ स्थित शितलचोक युवा क्लबद्धारा आयोजित प्रतियोगितामा ४२ टिमको सहभागिता थियो ।
