कोकिला ढकाल
इलाम, फागुन ६ गते । पहिरो खसेर मङ्गलबार बेलुकादेखि अवरुद्ध बनेको मेची राजमार्गको कोल्बुुङ सडक खण्डमा एक तर्फी रूपमा यातायात सञ्चालनमा आएको छ ।
मेची राजमार्ग चौडा बनाउने क्रममा खनिएको स्थानमा माथिबाट ढुुङ्गासहितको पहिरो खसेर हिजो राति ९ बजेदेखि राजमार्ग अवरुद्ध भएको थियो । बुधबा बिहान स्काभेटर प्रयोग गरेर ढुुङ्गा र पहिरो हटाइएपछि एकतर्फी रूपमा राजमार्ग खुलाइएको सडक डिभिजन कार्यालय इलामका इन्जिनियर अर्जुन घिमिरेले जानकारी दिनुुभयो ।
एकतर्फी रूपमा सडक सुुचारु गरिएपछि हिजोदेखि राजमार्गमा रोकिएर रहेका सयौं सङ्ख्याका यातायातका सवारी आफ्नो गन्तव्र्य तर्फ लागेका छन् । अझै पूर्ण रूपमा सवारी आवागमन गराउन केही समय भने लाग्ने घिमिरेले जानकारी दिनुुभयो ।
साँघुुरो सडक भएकाले मेची राजमार्गलाई चौडा गरेर फराक बनाउन अहिले इलाम र झापाको सिमाना जोर कलशदेखि कोल्बुुङसम्मको काम भइरहेको सडक डिभिजन कार्यालय इलामले जनाएको छ ।
