सुन्दा त लागिरहेछ है यो तिम्रो आफ्नै पो कथा जस्तो
सुनायौ कि बनाएर मलाई कोही अरूकै व्यथा जस्तो
सहज देख्तिनँ म त चलाउन हाम्रो घरगृहस्थी पनि
बानीबेहोरा हेर्दा जो छ तिम्रो एकदमै बच्चा जस्तो
कसरी स्विकारूँ म अब तिम्रो यो प्रेमप्रस्ताव फेरि
विगत कोट्याउँदा दिन्छौ जवाफ केही न’भा जस्तो
छोड्न पनि सक्तिनँ म सधैँका लागि यो साथ तिम्रो
सम्मोहक लागिरहन्छ रूप तिम्रो मलाई नसा जस्तो ।
