श्रेष्ठलाई अभिनन्दन, ओलीलाई दीर्घ साधना सम्मान

गोरखापत्र समाचारदाता

काठमाडौँ, पुस १८ गते । वरिष्ठ कलाकार मदनकृष्ण श्रेष्ठलाई अभिनन्दन तथा वरिष्ठ लोक गायिका कोमल ओलीलाई दीर्घ साधना सम्मान अर्पण गर्दै, राप्ती समाज काठमाडौँद्वारा आयोजित नवौँ राष्ट्रिय राप्ती म्युजिक अवार्ड–२०८२ काठमाडौँमा सम्पन्न भएको छ । 

कार्यक्रममा ४२ विधाका  विभिन्न अवार्डहरू प्रदान गरिएको थियो । कार्यक्रममा राप्ती सांस्कृतिक सम्मानबाट यागेश्वर बस्नेत, राप्ती सांस्कृतिक प्रतिभा पुरस्कारबाट नायक आकाश श्रेष्ठ, राप्ती डायस्पोरिक सांस्कृतिक सम्मानबाट गायक बसन्त लम्साल, राप्ती पत्रकारिता पुरस्कारबाट भोजराज थापा, राप्ती बाल प्रतिभा पुरस्कारबाट बाल कलाकार स्वयं केसी, र उद्यमशीलता सम्मान–२०८२बाट दीपक कार्की सम्मानित हुनु भएको थियो ।

यसैगरी, नारायण पाण्डेय लोकदोहोरी प्रतिभा पुरस्कारबाट शान्ता ओली र प्रेमप्रसाद शर्मालाई पुरस्कृत गरिएको थियो। यसका साथै समाजको सर्वाङ्गीण विकासमा दीर्घकालीन योगदान पु¥याउँदै आउनुभएका राप्ती समाज काठमाडौँका पूर्व अध्यक्ष, समाजसेवी तथा अधिवक्ता शशि शर्मा मजगैयाँलाई राप्ती सामाजिक सम्मान–२०८२ अर्पण गरिएको थियो ।

कार्यक्रममा गायक तथा सङ्गीतकार अर्जुन मिलन संविधानविद् डा. भीमार्जुन आचार्य, वरिष्ठ अधिवक्ता शेरबहादुर केसी, वरिष्ठ सङ्गीतकार दीपक जङ्गम, वरिष्ठ कलाकार निर शाह, वरिष्ठ गायिका चन्द्रकला शाह, नायक पल शाह, गायक प्रमोद खरेललगायत सयौँ प्रतिष्ठित कलाकारहरूको उपस्थिति रहेको थियो ।

अवार्डका विजेताको नामावली 

सर्वोत्कृष्ट राष्ट्रिय भावको गीत – हेमराज लामिछाने (हिमाल पहाड तराई)

सर्वोत्कृष्ट चलचित्र गीतकार – सुरेन्द्र राणा (रुकुम मैकोटा)

सर्वोत्कृष्ट चलचित्र संगीतकार – थानेश्वर गौतम (रात किन हुन्छ–चलचित्र एन्जिला)

सर्वोत्कृष्ट चलचित्र गायिका – शान्ति श्री परियार (रुकुम मैकोटा)

सर्वोत्कृष्ट चलचित्र गायक – एस.डी. योगी (रुकुम मैकोटा)

सर्वोत्कृष्ट नवगायिका – रेखा पोख्रेल (माया साह्रै छ)

सर्वोत्कृष्ट नवगायक – सुरज भुसाल (मसंग जान्छौ होला नि)

सर्वोत्कृष्ट सुगम संगीत गीतकार – डा. रमिल अधिकारी (आऊ एउटा वाचा गरौं)

सर्वोत्कृष्ट सुगम संगीत संगीतकार – रोशन सिंह (बस्छौ भने दिल)

सर्वोत्कृष्ट सुगम संगीत गायिका – मेलिना मैनाली (रित्ति जाने बैसको)

सर्वोत्कृष्ट सुगम संगीत गायक – प्रमोद खरेल (बस्छौ भने दिल)

सर्वोत्कृष्ट संगीत संयोजक – एच.बी.एन. किस्मत (मायालाई पानको पात)

सर्वोत्कृष्ट भिडियो निर्देशक – रामजी लामिछाने (बस्छौ भने दिल)

सर्वोत्कृष्ट भिडियो मोडेल (महिला) – कविता न्यौपाने (कलेजि कटाउने माया)

सर्वोत्कृष्ट भिडियो मोडेल (पुरुष) – विक्रम बुढाथोकी (भाग्य लेख्ने भगवान)

सर्वोत्कृष्ट मौलिक लोकगीत – मिना लामा (आकाशको जुन)

सर्वोत्कृष्ट लोकदोहोरी शब्द – नेत्र अर्याल (पानको पसल)

सर्वोत्कृष्ट लोकदोहोरी भाका – रमेश परियार (यो ओठमा)

सर्वोत्कृष्ट लोकदोहोरी गायिका – देवी घर्ती (खोली सलल)

सर्वोत्कृष्ट लोकदोहोरी गायक – प्रकाश दूतराज (रेशम)

सर्वोत्कृष्ट भिडियो सम्पादक – पदम सुवेदी (मन्दिर छ र)

सर्वोत्कृष्ट भिडियो छायाङ्कन – विजय भण्डारी (रातो किताब)

सर्वोत्कृष्ट लोकदोहोरी भिडियो मोडेल (महिला) – नारायणी खत्री (करिमैले)

सर्वोत्कृष्ट लोकदोहोरी भिडियो मोडेल (पुरुष) – पल शाह (करिमैले)

सर्वोत्कृष्ट लोकदोहोरी भिडियो निर्देशक – विक्रम चौहान (मायालाई पानको पात)

सर्वोत्कृष्ट ध्वनि मिश्रण – बिमल छिनाल (दुश्मन हेरेको हेरै)

सर्वोत्कृष्ट लोकपप शब्द – सुरेश शिवाकोटी (केलाई हतार)

सर्वोत्कृष्ट लोकपप संगीतकार – बी.पी. वाग्ले (म म नै रहन्न)

सर्वोत्कृष्ट लोकपप गायिका – सिम्रन परियार (नजरमा नजर)

सर्वोत्कृष्ट लोकपप गायक – चक्र बम (सौराई लागि)

सर्वोत्कृष्ट डायस्पोरा – मञ्जु कोइराला (ए कान्छा)

सर्वोत्कृष्ट चर्चित वर्ष गीत – दुर्गेश थापा (दुश्मन हेरेको हेरै)

सर्वोत्कृष्ट देउडा गायिका – रेखा जोशी (सुनौँ कि चाँदी हौ)

सर्वोत्कृष्ट देउडा गायक – सुनिल नेपाली (इशाराले बोला)

इनकरेजमेन्ट अवार्ड – सन्जु पाठक (किन यस्तो भो जिन्दगी)

पब्लिक च्वाइस अवार्ड – अंश बर्मा (सिन्दुर फेर्न मिल्छ)

रापती बालप्रतिभा अवार्ड – रिदम गन्धर्व

एप्रिसिएसन अवार्ड – किस्ना आचार्य (रोशनी निरीमायाको)

रापती नवप्रतिभा अवार्ड – नमराज खड्का

ज्यूरी अवार्ड – उत्साह घिमिरे (पोखरामा साइली)

ज्यूरी अवार्ड – अर्जुन पोख्रेल (कसम बत्तीको)

ज्यूरी अवार्ड – मिन गुरुङ (तिमीसँगै)