काठमाडौँ, मङ्सिर १४ गते । नेपाल प्रिमियर लिग (एनपिएल) अन्तर्गत अहिले कर्णाली याक्स र काठमाण्डु गोर्खाजबिच प्रतिस्पर्धा हुँदैछ ।
त्रिवि क्रिकेट मैदान कीर्तिपुरमा कर्णालीले टस जितेर पहिले ब्याटिङ गरिरहेको छ । टस हारेको काठमाण्डु बलिङ गर्दैछ । हाल कर्णालीले दुई विकट गुमाइसकेको छ ।
सोमपाल कामीको कप्तानीमा रहेको कर्णाली याक्सले चार खेलमा एउटा मात्र जितेको छ । अहिले दुई अङ्कका साथ कर्णाली छैटौँ स्थानमा छ । प्लेअफको यात्रामा रहिरहन उसलाई आज जित्नैपर्ने बाध्यता छ ।
यस्तै करण केसीको नेतृत्वमा रहेको काठमाण्डु पाँच खेलमा विजयी भएर तेस्रो स्थानमा छ । प्लेअफमा पुग्न काठमाण्डुका लागि आजको खेल पनि महत्त्वपूर्ण रहेको छ ।
