• १४ भदौ २०८२, शनिबार

विच्छ्यामा बाढीको वितण्डा, स्थानीयकाे उठिबास

blog

विच्छ्यामा बाढीले गरेको क्षति । तस्बिर सौन्जय : उमेश रोकाया

शेरबहादुर सार्की

बाजुरा, साउन २९ गते । जिल्लाको पूवीउत्तर क्षेत्रमा रहेको हिमाली गाउँपालिका–१, विच्छ्यामा बुधबार राति आएको बाढीपहिरोले यहाँका स्थानीयकाे उठिबास भएको छ । 

गत बुधबार राति साढे छ बजे विच्छ्या खोलामा एक्कासि आएको बाढी सिँधै घर भित्र पसेपछि विच्छ्यावासी उठिबास भएको हो ।

बाढीका कारण अहिले यहाँका एक दर्जनभन्दा बढी घर एक स्वास्थ्य चौकी वडा कार्यालय र विच्छ्या माविको भवन समेत पूर्णरूपमा क्षति गरेको हिमाली गाउँपालिकाले जनाएको छ । हिजो राति विच्छ्या खोलामा माथिबाट एक्कासि आएको बाढी सिँधै गाउँ पसेपछि अहिले यहाँका स्थानीयको नै उठिबास भएको हिमाली गाउँपालिकाका स्थानीय उमेश रोकायाले बताउनुभयो ।

उहाँले भन्नुभयो, “बाढीले यहाँका दर्जनौ घर बगाएको र अन्य घर पनि जोखिममा परेका छन् । साथै विच्छ्या खोलामा हालेको झोलुङ्गे पुलमा क्षति गर्दा अहिले यहाँका स्थानीयलाई समेत आउजाउमा समस्या भएको छ ।”

बाढीपहिरोले मानवीय क्षति नभए पनि भौतिक रूपमा भने यहाँ निकै क्षति गरेको छ । यहाँका घर विद्यालय पुल बाटो लगायतका भौतिक पुर्वाधारमा निकै क्षति भएको छ । अहिले बाढीले के कती धनको क्षति गरेको हो भन्ने कुराको मुल्याङ्कन भने खासै एकिन नभएको रोकायाले बताउनुभयो । 

हिमाली गाउँपालिका–१, विच्छ्यामा हिजो राति आएको बाढीले यहाँका मानवीय क्षति नभए पनि यहाँ घर विद्यालय स्वास्थ्य र वडा कार्यालयको भवनमा भने ठुलो क्षति गरेको हिमाली गाउँपालिकाका अध्यक्ष गोविन्द्रबहादुर मल्लले बताउनुभयो ।

उहाँले भन्नुभयो, “विच्छ्या हिमाली गाउँपालिकाको निकै दुर्गम ठाउँ पर्छ । यहाँ चाँडो जान सकिँदैन । त्यस कारण अँझै यसका बारेमा के कती क्षति भएको भन्ने कुरा जानकारीमा आएको छैन् । त्यसका अहिले त्यहाँ पालिकाबाट टोली घटना स्थलमा खटाएको छ । ”

त्यो टोली त्यहाँ पुगेपछि मात्र के कती धनजनको क्षति भएको भन्ने कुरा पछि मात्र एकिन हुने हिमाली गाउँपालिकाका अध्यक्ष मल्ले बताउनुभयो ।

बुधबार राति साढे छ बजे विच्छ्या खोलामा एक्कासि आएको बाढीले विच्छ्याका एक दर्जन भन्दाबढी घर एक स्वास्थ्य चौकी वडाकार्यालयमा र पुलमा ठुलो क्षति गरेको जिल्ला प्रहरी कार्यालय बाजुराले जनाएको छ । अहिले त्यहाँ प्रहरीको टोली खटाएको छ । त्यो टोली त्यहाँ पुगेपछि मात्र यहाँ के कती धनजनको क्षति भएको भन्न्ने बारेमा मुचुल्का तयार भएपछि मात्र जानकारी हुने जिल्ला प्रहरीका कार्यालय बाजुरा प्रमुख इकवाल हवारीले बताउनुभयो ।