तीन मिनेटको फरकमा जाजरकोटमा भूकम्प

कुलबहादुर शाही

जाजरकोट चैत, २२ गते । जाजरकोटमा ३ मिनेटको फरकमा दुई वटा भूकम्प गएको छ । शुक्रबार राति ८ः०७ मा ५.२ म्याग्निच्युडको भूकम्प गएको ३ मिनेटमै ५.५ म्याग्निच्युडको अर्को भूकम्प गएको हो । 

भूकम्प कुशे गाउँपालिका पैक केन्द्रबिन्दु भएर गएको राष्ट्रिय भूकम्प मापन तथा अनुसन्धान केन्द्रले जनाएको छ । भूकम्पको धक्का सुर्खेत, दैलेख, सल्यान, कालिकोट, चितवन तथा बाग्लुङ लगायतका जिल्लामा महसुस गरिएको छ । 

भूकम्प गएपछि नागरिकहरु सडकमा निस्किएका थिए । हिजो (बिहीबार) साँझ ५ बजेर ४ मिनेटमा दार्चुलामा पनि भूकम्प गएको थियो ।