विनय कर्ण
कल्याणपुर (सप्तरी), पुस ६ गते । सप्तरीको कञ्चनरुप नगरपालिका वडा नम्बर ११ गोरपारमा आगलागी र त्यसपछि उत्पन्न विवादका क्रममा खुकुरी तथा चुलेसी प्रहार हुँदा दुई जना घाइते भएका छन् । शनिबार साँझ स्थानीय मो. दाबुदको फुसको गोठमा राखिएको परालको टालमा अचानक आगलागी भएको थियो ।
स्थानीय मो. जमिलले आगो लगाएको भनी मो. दाबुदले आरोप लगाएपछि दुबैबिच विवाद झै–झगडा हुँदा जमिलले कुटपिट र अहमदले चुलेसी प्रहार गर्दा दाबुदको दाहिने तिघ्रा चोट लागि घाइते हुनुभएको छ भने उहाँका आमा मरियम खातुनको हातको चोरी औलामा सामान्य चोट लागेको बताइएको छ ।
दुबैजनाको स्थानीय धर्मेश्वर अस्पताल ठेलिया सप्तरी उपचार भइरहेको इलाका प्रहरी कार्यालय सप्तरीका प्रहरो नायब उपरीक्षक माधवप्रसाद काफ्लेले जानकारी दिनुभयो ।
चुलेसी हान्ने र कुटपिटमा संलग्न स्थानीय ४० वर्षीय मो. जमिल, २६ वर्षीय सुलतान र सलाम, २५ वर्षीय ऐजरायल तथा अहमद फरार रहेकोमा उहाँहरुको खोजतलास भइरहेको प्रहरी उपरीक्षक काफ्लेले बताउनुभयो ।
विवाद हुनु अघि दाबुदको गोठमा भएको आगलागीबाट एक लाख ५० हजार रुपियाँ मूल्य बराबरको क्षति भएको प्रहरीले जनाएको छ ।
