काठमाडौँ, चैत २२ गते । काठमाडौँ उपत्यकामा बुधबार र बिहीबारको तुलनामा वायु प्रदूषण शुक्रबार केही कम भएता पनि वायु प्रदूषण कायमै रहेको छ। हावाको गुणस्तर मापन गर्ने आइक्यू एअरका अनुसार हिज काठमाडौँ विश्वकै सबैभन्दा प्रदूषित सहर बनेको थियो। काठमाडौँको वायु प्रदूषण बढेपछि स्वास्थ्य तथा जनसङ्ख्या मन्त्रालयले उच्च सतर्कता अपनाउन आग्रह गरेको थियो।
मन्त्रालयले बिहीबार विज्ञप्ति जारी गर्दै उपत्यकामा वायु प्रदूषण अत्यधिक बढेको र यसले स्वास्थ्यमा गम्भीर असर पार्न सक्ने भएकाले उच्च सतर्कता अपनाउन आग्रह गरेको हो ।
सरकारबाट स्वीकृत वायु गुणस्तर सूचकाङ्क अनुसार ०.५० हुँदा राम्रो, ५१-१०० हुँदा मध्यम, १०१-१५० हुँदा संवेदनशील समूहका लागि अस्वस्थ, १५१-२०० अस्वस्थ, २०१-३०० निकै अस्वस्थ तथा ३०१ भन्दामाथि भएमा खतरनाक तह पुगेको सङ्केत गर्छ ।
प्रदूषण बढेसँगै विभिन्न सरकारी निकायदेखि वातावरण विज्ञ तथा चिकित्सकले विषेश चाँसो दिँदै सतर्कता अपनाउन र अत्यावश्यक कामबाहेक घरबाहिर ननिस्कन अनुरोध गरेका छन् ।
केशब गुरुङ गोरखापत्र अनलाइनको फोटो तथा भिडियो रिपोटिङ गर्नु हुन्छ ।
