गणेश खनाल
अर्घाखाँची, चैत १३ गते । अर्घाखाँचीको शितगंगामा भएको बस दुर्घटनामा मृत्यु भएकाहरुको संख्या चार पुगेको छ । मृतक सबैको पहिचान भएको प्रहरीले जनाएको छ । शितगंगा नगरपालिका –२, भुवनपाटामा बस दुर्घटना हुँदा चार जनाको मृत्यु भएको हो । २७ जना घाइते भएका छन् ।
मृत्यु हुनेमा बुटवल उपमहानगरपालिका –८ निवासी ५५ वर्षीय जमुना वस्याल, नवलपरासी पश्चिम भुमही बस्ने ४५ वर्षीया उमा न्यौपाने, न्यौपानेकी ६५ वर्षीय सासु आमा (नाम नखुलेको) र पश्चिम बर्दघाट बस्ने ५० वर्षीय चालक मदनकुमार विक रहेको प्रहरीले जनाएको छ ।
घाइतेहरुमा नवलपरासी पश्चिम बर्दघाट वडा –१२ बस्ने वर्ष ३६ को सन्तोष कँडेंल, सोही ठाउँका वर्ष ४ को अमर कडेंल, वर्ष १९ को अरुण भट्टराई, वर्ष ३१ को आशिष अधिकारी, वर्ष २७ की लक्ष्मी अधिकारी, वर्ष ४ की आन्दा अधिकारी, वर्ष १४ को आयान्स अधिकारीलाई लुम्बिनी प्रादेशिक अस्पताल बुटवल रिफर गरिएको छ ।
यस्तै वर्ष ४० की चन्द्रकला भट्टराई, रुपन्देहीको देवदह बस्ने वर्ष १७ को सक्षम चापागाई, बर्दघाट–१५ बस्ने वर्ष ४५ को मित्रबन्दु अधिकारी, बर्दघाट–१४ बस्ने वर्ष ५५ को कलम सापकोटा, वर्ष ४८ को लक्ष्मण पंगेनी, वर्ष ४० मनकुमारी घिमिरे, वर्ष २९ को दिपक अधिकारी, बुटवल बस्ने वर्ष ५० का दण्डपानी बस्याल, बर्दघाट –१४ वर्ष ३६ की झविकला पाण्डे, बुटवल बस्ने वर्ष २५ को गणेश बस्याल, बुटवल उमनपा –१३ बस्ने वर्ष ३२ को रामु अधिकारीको प्राथमिक उपचार केन्द्र ठाडामा उपचार भइरहेको छ ।
अन्य केही घाइतेको परिचय खुल्न बाँकी रहेको प्रहरीको भनाइ छ । उद्धार पछि घाइतेहरुलाई उपचारका लागि प्राथमिक उपचार केन्द्र ठाडा र ७ जनालाई लुम्बिनी प्रादेशिक अस्पताल बुटवल पठाइएको जिल्ला प्रहरी कार्यालय अर्घाखाँचीका प्रहरी निरीक्षक विष्णुप्रसाद पौडेलले जानकारी दिनुभयो ।
बस नवलपरासीको बर्दघाटबाट अर्घाखाँची भ्रमणमा आएको थियो । लु २ ख ३०३ नम्बरको पश्चिम नेपालको बस फर्किने क्रममा दुर्घटनामा परेको थियो ।
