रेसम फिलिलीको ‘फेरि जालमा’

गोरखापत्र समाचारदाता

काठमाडौँ, माघ १८ गते । चलचित्र ‘फेरि रेसम फिलिली’ को ‘फेरि जालमा’ बोलको गीत सार्वजनिक गरिएको छ । बिहीबार काठमाडौँमा आयोजित कार्यक्रमबिच ‘फेरि जालमा’ बोलको गीत सार्वजनिक गरिएको हो ।

कालीप्रसाद बाँस्कोटाको सङ्गीतमा तयार भएको गीतको शब्द मानस राजले लेख्नुभएको छ । गीतमा काली र सोमिया बराइलीको स्वर रहेको छ । गीतमा चलचित्रका मुख्य कलाकार विनय श्रेष्ठ र सुपुष्पा भट्ट देखिनुभएको छ । 

चलचित्रको लेखन तथा निर्देशन नीरज महर्जनको रहेको छ । चलचित्रमा कामेश्वर, नीर शाह, प्रकाश घिमिरे, शिशिर बाङदेल, रवीन्द्र झा, लक्ष्मी गिरी, महेश त्रिपाठी, एवनराज उप्रेती, मेक्सम गौडेल, प्रकाश घिमिरे, सजन थापालगायतको अभिनय रहेको छ ।