बौद्धिकाली नवलपुरलाई भलिबल उपाधि

अर्जुन काफ्ले 

स्याङ्जा, माघ ६ गते । कारिकोट स्पोर्टस् क्लबले माघे सङ्क्रान्तीमा आयोजित पालिका स्तरीय तेस्रो वडाध्यक्ष कप पुरुष भलिबल प्रतियोगिताको उपाधि बौद्धिकाली गाउँपालिका नवलपुरले जितेको छ । 

कालीगण्डकी गाउँपालिका–१ धगौती बगर, तीन मुखे पुलमा आयोति भलिललमा निसीखोला गाउँपालिका बाग्लुङलाई ३–२ को सेटमा २५–१६, २५–१७, २४–२६, २३–२५, १५–९ ले जितेको हो । 

बौद्धिकालीले उपाधिसहित एक लाख ५० हजार रुपियाँ हात पारेको गण्डकी प्रदेश भलिबल क्याप्टेन हरि पाण्डेले बताउनुभयो । उपविजेता बनेको निसीखोलाले एक लाख रुपियाँमा चित्त बुझाएको हो । 

तेस्रो कालीगण्डकी गाउँपालिकाले ५० हजार र सान्त्वना भीरकोटले २५ हजार रुपियाँ पायो । प्रतियोगितामा सर्वोत्कृष्ट खेलाडी बौद्धिकालीका अशोक श्रेष्ठ, उत्कृष्ट ब्लकर हिमाल सुनारी, उत्कृष्ठ कोच योगस ठाडामगर, उत्कृष्ठ सेटर कालीगण्डककी सुदीप राना, उत्कृष्ठ सर्भर निसीखोलका नकुल शाही, उत्कृष्ठ स्पाइकर प्रकाश सुनार र उत्कृष्ठ लिब्रो भीरकोटका जित शाहीलाई पुरस्कृत गरिएको थियो । 

प्रतियोगितामा विजेता तथा उपविजेतालाई गण्डकी प्रदेशका पर्यटन मन्त्री मित्रलाल बस्यालले पुरस्कार वितरण गर्नुभयो ।