राममणि दाहाल
हेटौँडा, मङ्सिर १३ गते । हेटौँडा उपमहानगरपालिका –४ स्थित नेपालचोकस्थित घरको दुई तलामाथिबाट खसेर एक मिस्त्रीको काम गर्ने एक जनाको मृत्युभएको छ ।
नेपालचोकस्थित युवराज बिडारीको घरमा दुई तला माथिजस्ता लगाउने काम गर्ने मिस्त्री हेटौँडा १३ स्थित पदमपोखरीका वर्ष ४१ को सविन दुलालको बिहीबार खसेर मृत्युभएको मकवानपुरका प्रहरी नायव उपरीक्षक श्यामु अर्यालले जानकारी दिनुभयो ।
प्रहरीका अनुसार घरको दुई तला माथिबाट एक्कासी खस्न गई टाउको लगायत शरीरको विभिन्न भागमा चोट लागेर गम्भीर घाइते भएका दुलालको हेटौँडा अस्पतालमा उपचारपछि थप उपचारका लागि चितवन मेडिकल कलेज भरतपुर लगेकोमा साँझ १९ः०३ बजे उपचारको क्रममा चितवन मेडिकल कलेज भरतपुरमा मृत्यु भएको छ ।
