अविनाश चौधरी
धनगढी, मङ्सिर ६ गते । कैलालीमा मोटरसाइकल अनियन्त्रित भएर पुलमा ठोक्किँदा एक जनाको मृत्यु भएको छ ।
गए राति धनगढी उपमहानगरपालिका–७ स्थित बेली पुलमा ठोक्किएर चालक कैलारी गाउँपालिका–७ रतनपुरका ३४ वर्षीय मनोज चौधरीको ज्यान गएको हो । सुदूरपश्चिम प्रदेश प्रहरी कार्यालय धनगढीका अनुसार चौधरीले चलाएको सुप प्र ०१–०११ प ७८९७ नम्बरको मोटरसाइकल आफैँ अनियन्त्रित भई पुलमा ठोक्किएको थियो ।
दुर्घटनामा गम्भीर घाइते चौधरीलाई उपचारका लागि धनगढीस्थित निसर्ग अस्पतालमा लगिएकोमा चिकित्सकले चेकजाँच गरेर मृत्यु भएको घोषणा गरेका थिए ।
