अविनाश चौधरी
धनगढी, कात्तिक ४ गते । नेपाल रानाथारु समाजको केन्द्रीय अध्यक्षमा कमलसिंह राना निर्वाचित हुनुभएको छ । धनगढीमा भएको सातौं महाधिवेशनबाट उहाँ लोकप्रिय मतका साथ अध्यक्षमा निर्वााचित हुनुभएको हो ।
निर्वाचित रानाका निकटतम प्रतिद्वन्द्वी ओमप्रकाश रानाले १० मत प्राप्त गर्नुभयो । अध्यक्षमा सात जनाको उम्मेदवारी परेको थियो । यसैगरी, उपाध्यक्षमा कन्दकला राना, डिठ्ठा राना, महासचिवमा तीर्थराज राना, सचिवमा साहेब राना, भजना राना निर्वाचित हुनुभएको छ ।
कोषाध्यक्षमा चन्द्रकिरण राना र सदस्यहरुमा अम्लेस राना, गोदावरी राना, दानसिंह राना, रमित राना, लालमणि राना, शिवचरण राना, सरिता राना, सामु राना निर्वाचित हुनुभएको छ ।
कैलाली, कञ्चनपुरमा रानाथारु समुदायको बसोबास छ । महाधिवेशनमा सर्वसम्मतका साथ नयाँ कार्यसमिति चयनको प्रयास भए पनि सहमति हुन नसकेपछि निर्वाचन भएको थियो ।
