राधा लुइटेल
फिदिम,असोज १७ गते । पेट्रोलबाट शरीरमा आगो सल्किदा २ जना बालबालिका घाइते भएका छन् । घाइते हुनेमा फिदिम –४ का ११ वर्षीय बादल र १३ वर्षीय सोनिया पौडेल रहेको जिल्ला प्रहरी कार्यालय पाँचथरका सूचना अधिकारी बेनिलाल साहले जानकारी दिनुभयो ।
उहाँका अनुसार घाइते हुनुभएका दिदीभाइ हुन् । हिजो राति मैनबत्ती सल्काएर जर्किले ट्याम्पोमा पेट्रोल भर्दै गर्दा शरीरमा लटपटिएको पेट्रोलमा आगो सल्केको थियो । घाइते दुवैलाई विराटनगरको न्युरो अस्पताल लगेर भर्ना गरिएको प्रहरीले जनाएको छ ।
