नदीले बगाएर पुलमा काम गर्ने मजदुर बेपत्ता

अमरराज नहर्की

तनहुँ, असोज १७ गते । नदीले बगाउँदा तनहुँमा निर्माणाधीन एक पुलमा काम गर्ने मजदुर बेपत्ता  भएका छन् । बर्दिया निवासी वर्ष १९ को नवीन चौधरी बेपत्ता भएको प्रहरीले जनाएको छ ।

पृथ्वी राजमार्ग अन्तर्गत व्यास नगरपालिकाको वडा नम्बर ३ र वडा नम्बर ५ जोड्ने पुलमा काम गरिसकेपछि बुधवार साँझ ६ः१५ बजे मादी नदीमा नुहाउने क्रममा बगाएर बेपत्ता बनाएको जिल्ला प्रहरी कार्यालय तनहुँका प्रहरी नायव उपरीक्षक अशोक थापाले जानकारी दिनुभयो ।

घटना लगत्तै खोजी गरिएको बुधवार साँझ फेला नपरे पछि बिहीबार बिहानदेखि खोजिभई रहेको र हालसम्म फेला पार्न नसकिएको थापाले बताउनुभयो । घटनाको बारे अनुसन्धान भइरहेको प्रहरीले जनाएको छ ।