.jpg)
अनिल पराजुली
हेटौँडा, असोज १६ गते । बागमती प्रदेश सरकारले मदन भण्डारी स्वास्थ्यविज्ञान प्रतिष्ठानको उपकुलपतिमा पाल्पाका डा. प्रदीप ज्ञवालीलाई नियुक्त गरेको छ ।
बुधबार बसेको प्रदेश मन्त्रिपरिषद बैठकले ज्ञवालीलाई चार वर्षका लागि प्रदेशले स्थापना गरेको प्रतिष्ठानको उपकुलपति नियुक्त गर्ने निर्णय गरेको सरकारका प्रवक्ता एवम् आन्तरिक मामिला तथा कानुनमन्त्री सुरजचन्द्र लामिछानेले जानकारी दिनुभयो ।
पाल्पाका ज्ञवालीसहित सर्लाहीका डा. हरिबहादुर खड्का र काठमाडौँका डा. सुजन मानन्धरको नाम सिफारिस भएको थियो । चारवर्षे कार्यकाल पूरा गरी प्रतिष्ठानको उपकुलपति डा. विश्वराज जोशी बिदा हुनु भएपछि गत साउन १५ गतेदेखि रिक्त रहेको पदमा ज्ञवालीलाई नियुक्त गर्ने निर्णय गरिएको प्रवक्ता लामिछानेले जानकारी दिनुभयो ।
