काठमाडौँ, भदौ २४ गते । गायक योगेश्वर अमात्यको म्युजिक भिडियो ‘कुनै दिन’ सार्वजनिक भएको छ । सुव्रत आचार्यको निर्देशन रहेको भिडियोमा प्रवीण खतिवडा, करुणा श्रेष्ठ र विकास लामिछानेको अभिनय छ । शनिबार सार्वजनिक भिडियोको निर्माण व्यवस्थापन दीपेन्द्र गौतम ‘माइकल’ ले गर्नुभएको छ ।
उत्सव दाहालको छायाङ्कन, विकास दाहालको सम्पादन रहेको भिडियाको गीतमा गोपाल रसाइलीको सङ्गीत संयोजन रहेको छ । गायक अमात्यका गायनमा विशिष्ट रक शैली पाइन्छ । उहाँका ‘जब सन्ध्या हुन्छ’, ‘लैजा चरी’, ‘सिन्धुली गढी’, ‘म मरे पनि मेरो देश’, ‘मलाई प्यारो लाग्छ’ जस्ता गीत लोकप्रिय छन् ।
