काठमाडौँ, भदौ १२ गते । बार्सिलोनाले स्पेनिस ला लिगामा रोमाञ्चक जित निकालेको छ । मङ्गलबार राति भएको प्रतिस्पर्धात्मक खेलमा बार्सिलोनाले रायो भालेकानोलाई उसैको मैदानमा २–१ गोलले हरायो ।
बार्सिलोनालाई पुनरागमन जित दिलाउन पेड्री र ड्यानी ओल्मोले गाेल गर्नुभयो । रायो भालेकानोका युनाइ लोपेजले गरेको सुरुवाती गोल सान्त्वना बन्यो । खेलमा रायो भालेकानोले नवौँ मिनेटमा युनाइको गोलका सुरुवाती अग्रता लिएको थियो ।
त्यसपछि ६०औँ मिनेटमा पेड्रीले गोल गर्दै खेललाई बराबरीमा ल्याउनुभयो । ८२औँ मिनेटमा ओल्मोले गोल गर्दै बार्सिलोनालाई रोमाञ्चक पुनरागमन जित दिलाउनुभयो । लगातार तेस्रो जितसँगै नौ अङ्क बनाएको बार्सिलोना शीर्षस्थानमा उक्लिएको छ । पराजित रायो भालेकानोको चार अङ्क छ । एजेन्सी
