पाँच दिनदेखि विष्णु सज्याल सम्पर्कविहीन

प्रेमराज सिम्खडा
कालीकोट, साउन २३ गते । कालीकोटको रास्कोट नगरपालिका–४ का एक वृद्ध पाँच दिनदेखि सम्पर्कविहीन भएका छन् । पाँच दिन अघि घरबाट निस्कनुभएका ६८ वर्षीय विष्णु सज्याल सम्पर्कविहीन हुनुभएको हो ।

सज्याललका आफन्त नाती पर्ने टिकाराज सज्यालले घरमा फिर्ता नभएको पाँच दिन भएको जानकारी दिनुभयो । पहिलादेखि सुस्तमनस्थितिका सज्याल हराएपछि परिवारका सदस्य चिन्तामा परेका छन् । नाती टिकारामले आसपासको वडा तथा गाउँपालिका र आफन्तहरु पर्ने सबै तिर फोन मार्फत खबर गर्दा कतैपनि नभएको जानकारी पनि सार्वजनिक सूचना गर्नु परेको बताउनुभयो ।

छोरा प्रेमका अनुसार विष्णु सज्याल पहिलादेखि नै सुस्त हुनुहुन्थ्यो ।
बुवाको खोजिका लागि सहयोग गरिदिन वडा तथा नगरपालिकामा निवेदन समेत दिएको छोरा प्रेमले जानकारी दिनुभयो ।

यता, वडा नम्बर ४ का वडा अध्यक्ष दिनेश सज्यालले सज्यालको खोजीका लागि वडा निवेदन परेको जानकारी दिनुभयो । उहाँले आफू काठमाडौँ भएकाले थप प्रक्रिया आजबाट अगाडि बढ्ने बताउनुभयो ।

उहाँले आजै प्रहरीसमक्ष सम्पर्कविहीन व्यक्तिको हुलिया पठाउने र खोजिका लागि अनुरोध गर्ने जानकारी दिनुभयो ।

पाँच दिनसम्म पनि घरमा नफर्किदा शङ्काको विषय भएको अध्यक्ष सज्यालको भनाइ छ । सज्यालका एक छोरा, बुहारी र दुई नाती छन् ।