महेन्द्रनगर (धनुषा), वैशाख ६ गते । मधेस प्रदेशका मुख्यमन्त्री सरोजकुमार यादवले आज मन्त्रिपरिषद् विस्तार गर्नुभएको छ । चौथो पटक विश्वासको मत लिएपछि मुख्यमन्त्री यादवले तीन मन्त्री र एक राज्यमन्त्री थप गरी मन्त्रिपरिषद् विस्तार गर्नुभएको हो ।
नवनियुक्त मन्त्रीमा भरतप्रसाद साह विनाविभागीय, युवराज भट्टराई उद्योग वाणिज्य तथा पर्यटन, बेची लुङ्गेलीले विनाविभागीय मन्त्रीको जिम्मेवारी प्राप्त गर्नुभएको छ । त्यस्तै गृह, सञ्चार तथा कानुन मन्त्रालयको राज्यमन्त्रीको जिम्मेवारी शारदा थापाले प्राप्त गर्नुभएको छ ।
साह र भट्टराई नेपाल कम्युनिष्ट पार्टी माओवादी केन्द्रका हुनुहुन्छ भने लुङ्गेली नेपाल कम्युनिष्ट पार्टी (एकीकृत समाजवादी) र थापा नेपाल कम्युनिष्ट पार्टी एमालेका प्रदेशसभा सदस्य हुनुहुन्छ । नवनियुक्त मन्त्रीहरूले प्रदेश प्रमुख सुमित्रा सुवेदी भण्डारीबाट आजै पद तथा गोपनीयताको शपथ लिनुभएको छ । राज्यमन्त्री थापाले भने मुख्यमन्त्री यादवबाट शपथ लिनुभएको छ । रासस
