काठमाडौँ, चैत २५ गते । जेबी दर्लामीको उपन्यास ‘मारीखोलाको ढुङ्गो’ लोकार्पण भएको छ । शनिबार लेखक दर्लामीले आफ्नो उपन्यास ‘मारीखोलाको ढुङ्गो’ को कथा कालमा जन्मिएकी इभा काफ्लेलाई पुस्तक हस्तान्तरण गरेसँगै उपन्यास लोकार्पण गरिएको हो ।
इभाले सशस्त्र द्वन्द्वबारे आफू र आफ्नो पुस्ताको बुझाइका साथै ‘मारीखोलाको ढुङ्गो’ पढ्दाको आफ्नो अनुभूति विमोचन कार्यक्रममा सुनाउनुभयो । सो अवसरमा लेखक जेबी दर्लामीले पब्लिकेसन नेपालयको आरशालामा आफ्नो बाल्यकाल र लेखन यात्राको अनुभव बाँड्नुभयो ।
