जैमिनीका घरविहीन आठ परिवारलाई नयाँ घर
बागलुङको जैमिनी नगरपालिकाले आठ घरविहीन परिवारलाई नयाँ घर बनाएर हस्तान्तरण गरेको छ । जैमिनीले आर्थिक रुपमा विपन्न परिवारलाई ओत लाग्न नयाँ घर हस्तान्तरण गर्नुका साथै प्राकृतिक विपतबाट प्रभावित तेह्र घर परिवारलाई घर निर्माण गरेको हो ।
विपद् न्यूनीकरण तथा व्यवस्थापनका लागि स्वयंसेवक खटाइने
राष्ट्रिय विपद् जोखिम न्यूनीकरण तथा व्यवस्थापन प्राधिकरणका कार्यकारी निर्देशक इन्जिनियर दिनेश भट्टले विपद् न्यूनीकरण तथा व्यवस्थापनका लागि देशभर स्वयंसेवक खटाउने कार्यलाई अभियानका रुपमा अघि बढाइएको बताउनुभएको छ ।
जिपसँग मोटरसाइकल ठोक्किँदा चालकको मृत्यु
लमजुङको मर्स्याङ्दी गाउँपालिका–३, खुदीमा जिप र मोटरसाइकल एक आपसमा ठोक्किँदा गम्भीर घाइते भएका मोटरसाइकल चालकको उपचारको क्रममा मृत्यु भएको छ ।
ताकुकोट–हुँडीखोला सडक अनिश्चितकालका लागि बन्द
गोरखाको बारपाक सुलिकोट गाउँपालिका–६ ताकुकोटदेखि हुँडीखोला जोड्ने सडक अनिश्चियतकालको लागि बन्द भएको छ । गाउँपालिकाले सडक कालोपत्रे गर्र्न भन्दै ताकुकोट–हुँडीखोलासम्म पुग्ने सडक अर्को सूचना नआएसम्म लागि बन्द रहने बारपाक सुलीकोट गाउँपालिकाका अध्यक्ष विष्णु भट्टले जानकारी दिनुभयो ।
एमाले सचिवालय बैठक बस्दै
सत्तारुढ दल नेकपा (एमाले)को सचिवालय बैठक आज बस्दै छ । बैठक आइतबार दिउँसो २ बजे पार्टी केन्द्रीय कार्यालय च्यासलमा बस्ने छ ।
अठारौँ गणतन्त्र दिवस : राससमा हिमालका तस्बिर
सञ्चार तथा सूचना प्रविधिमन्त्री पृथ्वीसुब्बा गुरुङ र संस्कृति, पर्यटन तथा नागरिक उड्डयनमन्त्री बद्रीप्रसाद पाण्डेले राष्ट्रिय समाचार समिति ९रासस०ले गणतन्त्र दिवस–२०८२ का अवसरमा आयोजना गरेको तस्बिर प्रदर्शनीको उद्घाटन गर्नुभएको छ ।
फालिएको शिशु रोइरहेको अवस्थामा भेटियो
कृतबहादुर विष्टकैलाली, जेठ ११ गते। कैलालीको धनगढी १४ एच गाउँ स्थित साईनोचोक नजिकै एक नवजात शिशु बेवारिसे अवस्थामा फेला पारिएको छ । रोइरहेको अवस्थामा सडक छेउको नालामा सालनाल सहित शिशु फेला परेको हो । स्थानीयले रोइरहेको अवस्थामा शिशुलाई देखेपछि इलाका प्रहरी कार्यालय बहुलियालाई खबर गरेका थिए । नवजात शिशुलाई प्रहरीले सकुशल उद्धार गरी सेती प्रादेशिक अस्पताल धनगढी पठाइएको इलाका प्रहरी कार्यालय बहुलियाका वरिष्ठ प्रहरी नायब निरीक्षक लोकेन्द्र चन्दले जानकारी दिनुभयो। शिशुलाई कोले जन्माएर बेवारिसे अवस्थामा छोड्यो भन्ने विषयमा अनुसन्धान भइरहेको चन्दले बताउनुभयो ।
पानी भन्दा सस्तो मूल्यमा तरकारी
बिहान सबेरै थाकेका आँखामा सपना सजाउँदै कपिलवस्तु बुद्धभूमि नगरपालिकाका कृषक बृज मोहन केवट एक पिक अप तरकारी राखेर हाट बजार तर्फ लाग्नु भयो । भिण्डी, टमाटर, काँक्रो, बन्दा, लौका र बोडीले गाडी भरिएको थियो । हाट बजार पुगे पछि उहाँको सपना भने चकना चुर भयो । बजारमा तरकारीलाई १० रुपैयाँ किलोको भाउमा समेत बेच्न मुस्किल थियो ।
ऐतिहासिक टाकुरामा हराउँदै ‘कोट’
प्युठानका अग्ला टाकुरामा अहिले मन्दिरहरू छन् तर यी स्थलहरू पहिले राजा र उनका सेनाहरू बस्ने ‘कोट’ थिए । ती किल्ला जस्ता संरचनाहरूमा भाला, खुकुरी र तोपसहित सैनिक तैनाथ हुन्थे। कोटहरू शासन, सुरक्षा र युद्ध रणनीतिका केन्द्र थिए । तर आज यी ऐतिहासिक गढहरू हराउँदै गएका छन् ।
गोसाइँकुण्डमा स्नान गर्न भक्तजनको आगमन सुरू
पवित्र तीर्थस्थल गोसाइँकुण्डमा स्नान गर्नका लागि भक्तजनको आगमन सुरू भएको छ । यही जेठ १३ गतेदेखि सुरू हुने गोसाइँकुण्डको विशेष मेलाका लागि भक्तजन आउन थालेका हुन् ।
नाच्न हुरुक्कै मेचे
आदिवासी जनजाति उत्थान राष्ट्रिय प्रतिष्ठान ऐन, २०५८ अनुसार सूचीकृत ५९ जातिमध्ये लोपोन्मुख समूहमा मेचे जाति रहेको छ ।
तीनचुली कपको उपाधि बीरु र अर्जुनको कब्जामा
निकै अनुभवी खेलाडी नारायण र पासाङको जोडीसँग प्रतिस्पर्धा गर्नु बीरु लिम्बु र अर्जुन श्रेष्ठलाई सहज थिएन । नारायणको वेश र पासाङको ट्रिकले नयाँ रणनीति बनाउनुको विकल्प थिएन विपक्षीलाई । तर दुवै जनाको उत्कृष्ट स्म्याच । तर अर्जुन र बीरुले हानेर मात्र पार नलाग्ने भन्दै खेललाई अर्को ट्रीक लगाउन थाले ।
बगैँचा मासेर बनाइएको मार्ग
काठमाडौँ उपत्यकाको कान्छो व्यवस्थित र आधुनिक बजार हो दरबारमार्ग । नारायणहिटी दरबार (सङ्ग्रहालय) को मुख्य प्रवेशद्वारअगाडि सिधा देखिने यो बजार स्थापनाको दृष्टिकोणले कान्छो भए पनि आमउपभोक्तामाझ चर्चित एवं लोकप्रिय छ ।
विपन्नको सहारा सामुदायिक वन
केही वर्ष पहिलेसम्म तनहुँको म्याग्दे गाउँपालिका–१, गुणादीकी राममाया सुनारलाई वर्षभरि काम गर्दा पनि बेसाएर खानुपर्ने बाध्यता थियो ।
मकैमा फौजी किराको समस्या देखिएपछि किसान चिन्तित
मकैबालीमा फौजी किराको समस्या बढ्न थालेपछि यहाँका किसान चिन्तित भएका छन् । फौजी किराले मकैबालीमा क्षति गर्न थालेपछि किसान चिन्तामा परेका हुन् ।
-original-thumb.jpg)
प्राकृतिक स्रोत तथा वित्त आयोगद्वारा प्रतिवेदन पेस
गण्डकी प्रदेश प्रमुख डिल्लीराज भट्टसमक्ष राष्ट्रिय प्राकृतिक स्रोत तथा वित्त आयोगले छैटौँ वार्षिक प्रतिवेदन पेस गरेको छ ।
‘स्थानीय तहले अवैध अस्पताल खुलाए’
मधेश प्रदेशका मुख्यमन्त्री सतीशकुमार सिंहले आफूले बन्द गराएको अवैध अस्पताल स्थानीय तहले खुलाइदिएको आरोप लगाउनुभएको छ ।
मिथिलामा डिप ट्युबेल विस्तार
धनुषाको मिथिला नगरपालिका–६, ढल्केबरका युवा किसान रोशन सिंहलाई सिँचाइ अभावमा खेत बाँझो राख्नुपर्ने समस्या हटेको छ । नगरपालिकाले हालै मात्र सिँचाइका लागि खेतनजिकै नयाँ डिप ट्युबेल गाडेपछि उहाँलाई आकासे पानीका भरमा खेती गर्नुपर्ने बाध्यता हटेको हो ।
बाँकेखोलामा ल्याइयो खानेपानी
सर्लाहीको उत्तरपूर्वी चुरे भेगमा पर्ने ईश्वरपुर नगरपालिका–१२, घारीबथानस्थित बाँकेखोलामा खानेपानी खसालिएको छ ।
कार्यालय भवन बनेपछि सेवा सहज
रौतहटको माधवनारायण नगरपालिका–८ मा वडा कार्यालयको भवन बनेपछि सेवा प्रवाह सहज भएको छ ।
आठ वर्ष भयो, बनेन भत्केको पुल
बारबर्दिया नगरपालिका–११, जब्दी गाउँका ५८ वर्षीय भग्गु थारू आफ्नो घरअगाडिबाट यातायात सञ्चालन हुने भएपछि निकै खुसी हुनुभएको थियो तर उहाँको खुसी धेरै दिन टिक्न पाएन ।
स्वास्थ्यजन्य फोहोरको सङ्क्रमण, सरसफाइकर्मी निकै जोखिममा
नेपालगन्जमा रहेका विभिन्न अस्पताल तथा स्वास्थ्य संस्थाले स्वास्थ्यजन्य फोहोर जथाभाबी फाल्दा र सामान्य फोहोरमा सो फोहोर मिसाउँदा सरसफाइकर्मी सङ्क्रमणको अत्यधिक जोखिममा रहेका छन् । नेपालगन्ज उपमहानगरका विभिन्न शाखाका संयोजक र अस्पताल तथा स्वास्थ्य संस्थाको सहभागितामा सम्पन्न भएको सार्वजनिक निजी साझेदारी मञ्चको बैठकका सहभागीले सो जोखिम औँल्याएका हुन् ।
नमुना थारूग्राम अलपत्र
सानो सानो एकैनासका घर लहरै एउटै लाइनमा छन् । खरले छाएको तर छाना कुहिएर पानी चुहिने भएको छ । माटाको भित्ताले बेरिएको घरका भित्ता भ्वाङ परेका छन् । आँगन घाँस र झाडीले भरिएको छ ।
सडक निर्माणमा ढिलासुस्ती, सहयोग गुम्ने खतरा
विश्व बैङ्कको सहयोगमा सञ्चालित गाईघाटस्थित त्रियुगा नगरपालिका क्षेत्रका विभिन्न १३ वटा सडक निर्माणको काममा ढिलासुस्ती भएको छ । पछिल्लो तीन महिनायता सडक निर्माणको काम ढिलो हुँदा आफूहरूले दैनिक धुलो र धुवाँको सास्ती खेप्नु परेको भन्दै स्थानीय आक्रोशित भएका छन् ।
‘विदेशमा दुःख गर्नुभन्दा रुद्राक्षका सामग्री बनाएर बिक्री गर्न सजिलो’
धरान उपमहानगरपालिका–१४ का सन्तोष लामिछाने रुद्राक्षको व्यवसायबाट राम्रो आम्दानी गरिरहनुभएको छ । उहाँले धरान–१४ स्थित पिण्डेश्वरी मन्दिर परिसरमा विगत पाँच वर्षदेखि रुद्राक्षको बिक्री गर्दै आउनुभएको छ ।
