वीरगञ्ज महानगरपालिकाको मतगणना सुरु
पर्सामा मधेस प्रदेशको एकमात्र महानगरपालिका, वीरगञ्ज महानगरपालिकासहित अन्य तीन वटा नगरपालिका र १० वटा गाउँपालिका रहेका छन् । १४ वटा पालिकामध्ये हालसम्म सात वटा पालिकामा मात्र मतगणना सुरु भएको हो ।
जनकपुरधाम महानगरमा मतगणना सुरु
धनुषास्थित जनकपुरधाम उपमहानरपालिकामा मतगणना सुरु भएको छ । जनकपुरधास्थित निधि भवनमा शनिबार बिहानदेखि मतगणना सुरु भएको हो ।
वीरगञ्ज महानगरपालिकाको मतगणना सुरु हुँदै
स्थानीय तहको निर्वाचनअन्तर्गत मधेस प्रदेशको एकमात्र महानगरपालिकाका वीरगञ्ज महानगरपालिकाको मतगणना आज बिहान १० बजेदेखि सुरु गरिने भएको छ । वीरगञ्ज महानगरपालिका–१४ पिपरास्थित नृसिंह माध्यमिक विद्यालय हुने मतगणनाको कार्यका लागि अहिले सर्वपक्षीय तथा सर्वदलीय छलफल जारी छ । छलफलपश्चात् मतगणनाको अघि बढाइने तयारी गरिएको मुख्य निर्वाचन अधिकृत धर्मराज पौडेलले जानकारी दिनुभयो । मतगणनाको तयारीका लागि उक्त विद्यालयको ‘सी’ ब्लकमा मतगणना कक्षमा आवश्यक फलामे तारजालीसहित सिसिटिभी जडान गरिएको हो ।
बारामा ५५ प्रतिशत मतदान
बारागढी सिम्रौनगढ प्रचरौटा मतदान केन्द्रमा मतदान सुरु हुन लाग्दा दुवै पक्षबीच झडप भएकामा अनुगमन टोलीले दुवै पक्षलाई सम्झाइ मतदान सुरु गराएको मुख्य निर्वाचन अधिकृत रेग्मीले बताउनुभयो ।
हावाहुरीले मतदान स्थलको टेन्ट भत्कायो
हावाहुरीले सिरहाको विभिन्न मतदनस्थलमा लागेको टेन्ट भत्काएको छ।
हावाहुरीका कारण मधेश प्रदेशमा मतदान प्रभावित
मधेश प्रदेशको धनुषामा हावाहरी र वर्षाले केही मतदान स्थल प्रभावित बनेको छ । धनुषालगायत मधेशका विभिन्न स्थानमा हावाहुरी र वर्षा भएको केही समयका लागि मतदान रोकिएको हो ।
लक्ष्मीपुरको झडपमा १५ घाइते
मतदानकै क्रममा लक्ष्मीपुरस्थित खरिदी प्राथमिक विद्यालय भवनमा रहेको मतदान स्थलमा दुई पक्षबीच विवाद भएपछि अवस्था नियन्त्रणमा लिन प्रहरीले बल प्रयोग गरेको छ । झडपमा अहिलेसम्म १५ जनाको टाउकोमा चोट लागेको जनाइएको छ ।
-original-thumb.jpg)
छात्रछात्राद्वारा मतदातालाई स्वच्छ पिउने पानी वितरण
मतदान गर्न लाममा बसेका तथा मतदान स्थल बाहिर रहेका मतदाताको प्यास मेटाउन चन्द्रपुर–३ स्थित जीवनज्योति इङ्गलिस बोर्डिङ् स्कुलका छात्र छात्रा तथा शिक्षकले स्वच्छ पिउने पानी वितरण गरेका हुन् ।
पूर्वराष्ट्रपति डा. यादवद्वारा धनुषामा मतदान
स्थानीय तह निर्वाचनअन्तर्गत आज बिहानदेखि जारी मतदानमा नेपालका पूर्वराष्ट्रपति डा. रामवरण यादवले पनि मतदान गर्नुभएको छ ।
दुधे बालक च्यापेर मतदात
रौतहटको विभिन्न मतदानस्थलमा पुगेका महिला मतदान गर्न निकै उत्सुक देखिएका छन् । स्थानीय तह निर्वाचनअन्तर्गत शुक्रबार साना–साना बालबच्चा च्यापेर मतदानस्थल पुग्नुभएका महिला उत्साहका साथ मतदान गर्नुभएको छ ।
मतदान गर्न तम्तयार मतदाता
विराटनगर–८, अरुणमार्गमा चिया–नास्ता पसल सञ्चालन गर्दै आउनुभएका डिल्लीराम कोइराला शुक्रबार हुने स्थानीय तह निर्वाचनमा मतदान गर्न बिहानै पुग्ने योजनामा हुनुहुन्छ । सप्तकोसी बोर्डिङ स्कुल केन्द्रबाट मतदान गर्नुहुने कोइराला आफ्नो मताधिकार प्रयोगमा उत्साही हुनुहुन्छ ।
सर्लाहीका मतगणनास्थलमा तारजाली र सीसी क्यामेराको व्यवस्था
सर्लाहीमा मतगणना हुने २० वटै पालिकामा तारजाली हालेर मतगणनास्थल तयार पारिएको छ । शुक्रबार सम्पन्न हुने स्थानीय तह निर्वाचन पश्चिात जिल्लाको ११ वटा नगरपालिका र नौ वटा गाउँपालिकाको कार्यालय रहेको भवनमा मतगणना हुने भएको छ ।
रौतहटमा निर्वाचन तयारी सम्पन्न
शुक्रबार हुने स्थानिय तह निर्वाचनको लागि रौतहट जिल्लामा मतदान कार्यको सम्पूर्ण तयारी पूरा भएको छ ।
मुस्लिम आयोगका अध्यक्ष अन्सारीलाई पक्राउ गरेको कुरा गलत : प्रहरी प्रवक्ता
मुस्लिम आयोगका अध्यक्ष समिम मियाँ अन्सारीलाई प्रहरीले पक्राउ गरेको समाचार झुठो रहेको धनुषाका प्रहरी प्रवक्ता प्रदीप क्षेत्रीले जानकारी दिनुभयो ।
महोत्तरीमा निर्वाचनको तयारी पूरा, सुरक्षा व्यवस्थामा कडाइ
महोत्तरीमा शुक्रबार हुने स्थानय तह निर्वाचनको सम्पूर्ण तयारी पूरा भएको छ । महोत्तरीमा १० नगरपालिका र पाँच गाउँपालिकासहित १५ वटै पालिकामा रहेको २५८ मतदान स्थल र ४९७ मतदान केन्द्रमा निर्वाचनको तयारी पूरा भएको मुख्य निर्वाचन अधिकृतको कार्यालय महोत्तरीले जनाएको छ ।
जग्गाको विषयमा झडप हुँदा पाँचजना घाइते
महोत्तरीको औरहीमा बिहीबार बिहान दुई पक्षबीच झडप भएको छ । झडपमा दुवै पक्षका गरी पाँच जना घाइते भएको इलाका प्रहरी कार्यालय गौशालाका प्रहरी निरीक्षक रञ्जन मिश्र जानकारी दिनुभयो । उहाँका अनुसार घाइतेमध्ये दुई जनाको अवस्था गम्भीर छ भने तीनजना समान्य घाइते भएका छन् ।
मुसहर समुदायको गुनासो : जनप्रतिनिधि फर्किएर आएनन्
“मुसहर समुदायमा स्थानीय तहको निर्वाचन नजिकै आउँदा पनि कुनै उत्साह छैन,” हरिपुर नगरपालिका–५, मजुर्बाका विष्णु माझीले भन्नुभयो । यसअघिका निर्वाचित जनप्रतिनिधिले मुसहर समुदायको उत्थानमा वास्ता नगरेपछि उहाँको चित्त दुखेको छ ।
सप्तरीमा आगलागीबाट लाखौँको क्षति
सप्तरीमा भएको आगलागीमा करिब २५ लाख बराबरको क्षति भएको छ । राजविराज नगरपालिका वडा नम्बर १० मट्टीगढीमा आइतबार दिउँसो ३ः०० बजे अचानक भएको आगलागीमा चार वटा गोठ जलेर नष्ट भएको छ ।
मङ्लगबार रातिदेखि सीमानाका बन्द हुने
सप्तरीमा स्थानीय तहको निर्वाचनलाई मध्यनजर गर्दै मङ्गलबार रातिदेखि भारतसँग जोडिएको सीमानाका बन्द गर्ने निर्णय गरिएको छ ।
मधेसका उपलब्धि
संविधान सभाबाट नेपालको संविधान जारी भएपछि मुलुकमा एकात्मक तथा केन्द्रीकृत राज्य प्रणालीबाट सङ्घीय राज्य प्रणालीको अभ्यासमा गएको चार वर्षभन्दा बढी समय व्यतित भएको छ । सङ्घीयता कार्यान्वयनको क्रममा सङ्घ, प्रदेश र स्थानीय तहको निर्वाचनबाट तीनै तहको सरकार क्रियाशील छन् । स्थानीय तहमा निर्वाचित जनप्रतिनिधिको समयावधि समाप्त भएकोले अर्को कार्यकालको लागि जनप्रतिनिधि छनोट गर्न निर्वाचन प्रक्रिया सुरु भएको छ ।
प्रदेश १ मा चुनावी सरगर्मी बढ्दै : उम्मेदवारद्वारा घरदैलोलाई तीव्रता
प्रदेश १ मा स्थानीय तहको चुनावी सरगर्मी बढेको छ । चौध जिल्लामा पर्ने एक महानगरपालिका, दुई उपमहानगरपालिका, ४६ नगरपालिका र ८८ गाउँपालिकामा एकसाथ चुनावी सरगर्मी बढेको हो ।
उनन्तीस बुँदे सङ्कल्पपत्र सार्वजनिक
लोकतान्त्रिक समाजवादी पार्टीबाट जनकपुरधाम उपमहानगरपालिकाका प्रमुख पदका उम्मेदवार मनोज चौधरीको २९ बुँदे सङ्कल्पपत्र सार्वजनिक गर्नुभएको छ ।जनकपुरधामस्थित शुक्रबार लोसपाको पार्टी कार्यालयमा पत्रकार सम्मेलन मार्फत सङ्कल्पपत्र सार्वजनिक गर्नुभएको हो ।
मधेस प्रदेश कोरोनामुक्त : ८२ प्रतिशतले लगाए पूर्ण खोप
मधेस प्रदेश कोरोना सङ्क्रमणमुक्त प्रदेश बनेको छ । मधेस प्रदेशका आठवटै जिल्लामा सङ्क्रमितको सङ्ख्या शून्यमा झरेपछि प्रदेश सङ्क्रमणमुक्त बनेको हो ।
निर्वाचन स्वच्छ, भयरहित तथा निष्पक्ष गराउँछौँ : गृहमन्त्री खाण
निर्वाचन आचारसंहिताको पालन गर्न‘ सरकारको दायित्व रहेको गृहमन्त्री बालकृष्ण खाणले बताउनुभयो । स्थानीय तह निर्वाचन नजिकिँदै गर्दा सुरक्षा अवस्थाबारे जानकारी लिन जिल्ला दौडाहामा रहनुभएका गृहमन्त्री खाणले बिहीबार सप्तरीको राजविराजमा सुरक्षा संयन्त्रको गोष्ठीलाई सम्बोधन गर्दै यस्तो बताउनुभएको हो ।
प्रतिस्पर्धामा तीन उम्मेदवार
वीरगञ्ज महानगरपालिकाको नगरप्रमुख पदमा ३० जनाको उम्मेदवारी परे पनि मुख्य तीन जनाबीच प्रतिस्पर्धा हुने आँकलन गरिएको छ । सत्ता साझेदार पाँचदलीय गठबन्धनका तर्फबाट उम्मेदवार बन्नुभएका जनता समाजवादी पार्टीका राजेशमान सिंह, नेकपा एमालेका तर्फबाट उम्मेदवार बन्नुभएका निवर्तमान नगरप्रमुख विजयकुमार सरावगी र पत्रकार गिरीश गिरीबीच प्रतिस्पर्धा हुने देखिएको छ ।
