जनावरको आक्रमण वृद्धि : दुई वर्षमा सैँतीस जनाको मृत्यु
चितवन राष्ट्रिय निकुञ्जबाट बाहिर निस्केका जनावरको आक्रमणबाट २६ महिनामा ३७ जनाको मृत्यु भएको छ । निकुञ्ज कार्यालयका सूचना अधिकारी गणेशप्रसाद तिवारीका अनुसार यो अवधिमा सबैभन्दा धेरै बाघको आक्रमणबाट १७ जनाको मृत्यु भएको छ । बाघपछि गैँडाको आक्रमणबाट आठ र हात्तीको आक्रमणबाट चार जनाको मृत्यु भएको हो । पछिल्लो तीन महिनायता मात्रै बाघको आक्रमणबाट नौ जनाको मृत्यु भएको पाइएको छ ।
दोलखा–नागदह सडक कालोपत्रे सुरु
दोलखाको भीमेश्वर नगरपालिका–२ मा रहेको दोलखा–नागदह सडकखण्डमा कालोपत्रे गर्न सुरु गरिएको छ । नगरपालिकाका इन्जिनियर राजुनारायण श्रेष्ठले एक करोड ७१ लाख ५८ हजार रुपियाँ (भ्याटबाहेक)को लागतमा सडक स्तरोन्नतिसहित कालोपत्रे गर्ने गरी गत मङ्सिर मसान्तमा सीएबी–नाति जेभीले ठेक्का सम्झौता गरेको जानकारी दिनुभयो । हालसम्म सडक स्तरोन्नतिको कामको करिब ८० प्रतिशत भौतिक प्रगति भएको छ । अहिले ५५७ मिटर सडकमा प्रिमिक्स पिच हाल्ने काम भइरहेको छ । चालू आर्थिक वर्षभित्रै सक्ने गरी काम भइरहे तापनि मौसमको कारण काममा समस्या भइरहेको छ ।
ठूलो पार्टी बन्न गठबन्धन गरेका होइनौँ : उपसभापति खड्का
नेपाली कांग्रेसका उपसभापति पूर्णबहादुर खड्काले नेपाली काँग्रेसले निर्वाचनमा ठूलो पार्टी बन्नका लागि मात्रै पाँच दलीय गठबन्धन नगरेको बताउनुभएको छ । काभ्रेको बनेपामा शुक्रबार भएको जनप्रतिनिधीको बधाई तथा सम्मान कार्यक्रममा उहाँले सो कुरा बताउनुभयो ।
पालिकामा सेवा विस्तार गर्दै भरतपुर आँखा अस्पताल
झण्डै ४० वर्षदेखि आँखा उपचारको क्षेत्रमा सेवा दिँदै आएको नेपाल नेत्रज्योति सङ्घले चितवनसहित छिमेकी जिल्लाका पालिकामा सेवा विस्तार अभियानलाई तीव्रता दिएको छ । सङ्घले सुरुआत गरेको मुख्य अस्पताल भरतपुर आँखा अस्पतालको मातहतमा रहने गरी सेकेण्डरी अस्पतालसँगै आँखा उपचार केन्द्र सञ्चालन गर्दै आएको छ ।
मध्यभोटेकोसी जलविद्युत् आयोजना : ढुङ्गा–माटोले स्थानीयलाई समस्या
सिन्धुपाल्चोक समाचारदातासिन्धुपाल्चोक, जेठ २७ गते । सिन्धुपाल्चोकको बाह्रबिसे नगरपालिका–५ स्थित जम्बुमा निर्माणाधीन १०२ मेगावाटको मध्यभोटेकोसी जलविद्युत् आयोजनाको सुरुङ निर्माणको क्रममा निस्केको ढुङ्गा–माटो भोटेकोसी नदी र बस्तीमा अव्यवस्थित रूपमा फाल्दा स्थानीयवासीलाई समस्या भएको छ । सुरुङ खन्ने क्रममा ब्लास्टिङ गरेर निस्केको ढुङ्गा–माटो नदीमा फाल्दा नदी आसपास क्षेत्रमा बसोबास गर्ने स्थानीयवासीले सास्ती बेहोर्नुपरेको हो । सुरुङमा विस्फोट गर्दा निस्कने रासायनिक पदार्थसमेत मिसिएको ढुङ्गा–माटोेले नदी प्रणाली प्रभावित भएको छ । बाह्रबिसे नगरपालिका प्रमुख बालकृष्ण बस्नेतले ब्लास्टिङको रासायनिक दुर्गन्धले जम्बु, बाह्रबिसे, चाकु, लामोसाँघुलगायतका नदी आसपासका स्थानीयवासीमा विभिन्न जटिल रोग देखिन थालेको सुनाउनुभयो । “जथाभावी नफाल्न पहिलेदेखि आग्रह गरिएको छ तर निर्माण कम्पनी र आयोजना पक्षले आग्रह अटेर गर्दै आएका छन्,” उहाँले भन्नुभयो । नेपाली कांग्रेसका केन्द्रीय सदस्य तथा पूर्वमन्त्री मोहनबहादुर बस्नेत, प्रमुख जिल्ला अधिकारी वेदनिधि खनाल, चरीकोट सडक डिभिजन प्रमुख अर्जुन सुवाल, प्रहरी उपरीक्षक रामेश्वरप्रसाद यादवसहित नगरप्रमुख बस्नेत, उपप्रमुख मञ्जु तामाङ, भोटेकोसी गाउँपालिका अध्यक्ष पासाङनुर्पु लामा, उपाध्यक्ष दिछेन शेर्पालगायतले प्रभावित क्षेत्रको निरीक्षण गर्नुभएको थियो । नदी र बस्ती छेउमा जथाभावी फालिएको सामग्री सुरक्षित स्थानमा डम्पिङ गर्न पूर्वमन्त्री बस्नेतले आग्रह गर्नुभएको छ । आयोजनाका जनसम्पर्क व्यक्ति रामकृष्ण अधिकारीले मकिङ डम्पिङका लागि चाकु, जम्बु, चिप्लिङडाँडा, बोर्डरल्यान्ड क्षेत्रमा मन्त्रिपरिषदबाट स्वीकृत गरी सञ्चालनमा ल्याइएको बताउनुभयो । ठेकेदार चिनियाँ कम्पनी ग्वाङ्सी कन्स्ट्रक्सन प्रालिका कामदारले मकिङ तोकिएभन्दा फरक केही स्थानीय व्यक्तिको जग्गामा फालेकोले यस्ता समस्या आएको र यसबारे आयोजनालाई खबर पुगेको उहाँले उल्लेख गर्नुभयो ।
पहिरोले घर पुरिँदा एक बेपत्ता
त्रिपुरासुुन्दरी गाउँपालिका वडा नं ५ मा पहिरोले घर पुरिदा एक जना वेपत्ता भएका छन् ।
मोतीबिन्दुको समस्या बढ्दै
नेपालका पछिल्लो समय आँखामा दृष्टिदोष र मोतीबिन्दुको समस्या बढ्दै गएको पाइएको छ । खस्रेरोगका कारण हुने अन्धोपन निवारणमा नेपालले फड्को मारे पनि दृष्टिदोष, मोतीबिन्दु, जलबिन्दु, अल्छी आँखा, नवजात शिशुमा आँखा पाक्ने रोगलगायत आँखामा लाग्ने चोट पटकबाट आँखाको सुरक्षामा चुनौती बन्दै गएको छ ।
चितवन हत्या प्रकरणमा सम्लग्न तीन जना पक्राउ
शालिग्राम नेपाल चितवन, जेठ २६ गते । नेपाली कांग्रेस बागमती प्रदेश प्रतिनिधि अनिल परियार (कान)को हत्या प्रकरणमा सम्लग्न तीन जनालाई चितवन प्रहरीले पक्राउ गरेको छ ।पक्राउ पर्नेमा भरतपुर महानगरपालिका १५ का ३५ वर्षीय हेमन्त बास्तोला (विश्व), भरतपुर १२ का २३ वर्षीय राहुल परियार र माडी घर भई हाल भरतपुर १५ मा बस्दै आएका रोहित सिलवाल रहेका छन् । जिल्ला प्रहरी कार्यालय चितवनका प्रवक्ता डिएसपी नरहरि अधिकारीका अनुसार बास्तोलालाई काठमाडौंबाट पक्राउ गरिएको हो । अन्य दुई जना चितवनबाटै पक्राउ परेको डिएसपी अधिकारीले जानकारी दिनुभयो । पक्राउ परेकाहरुलाई थुनामा राखी थप अनुसन्धान भइराखेको प्रहरीले जनाएको छ । वैशाख २५ गते साँझ ७ः३० बजेको समयमा भरतपुर महानगरपालिका वडा नं.७ कृष्णपुरस्थित पन्चेश्वर नगर प्लटिङ्गको बाटोमा मोटरसाइकलमा आएका व्यक्तिहरूले अनिल परियारलाई धारिलो हतियार प्रहार गरी हत्या गरेका थिए ।
बानेश्वरमा विष्फोट गराउने चार जना पुर्पक्षका लागि थुनामा
काठमाडौं जिल्ला अदालतले सिलिण्डर ग्यास विष्फोट गराएको अरोपमा पक्राउ परेका चार जनालाई पुर्पक्षका लागि थुनामा पठाइएको छ।
बिहीबार काठमाडौंमा दुई शव भेटिए
काठमाडौं उपत्यकामा बिहीबार दुई वटा शव भेटिएका छन्।
पहिरोले अवरुद्ध मुग्लिन-नारायणगढ सडक (फोटो फिचर)
शालिग्राम नेपालचितवन, जेठ २६ गते। चितवनको मुग्लिन नारायणगढ सडकखण्डको दुई ठाउँमा पहिरो खसेपछि उक्त सडकखण्ड अवरुद्ध छ। बुधबार राति ११ बजेदेखि अवरुद्ध राजमार्ग अझसम्म पूर्ण रुपमा सञ्चालन हुन सकेको छैन। अविरल वर्षाका कारण इच्छाकामना गाउपालिका वडा नम्बर ५ को नाग्दी खोलामा राति ११ बजे र सोही सडक खण्डको कालीखोलामा बिहान ४ बजे पहिरो खसेर उक्त सडकखण्ड अवरुद्ध भएको हो। पहिरो पन्छाएर सडक खुलाउने प्रयास सफल हुन सकेको छैन। आंशिक रुपमा सञ्चालन भए पनि राजमार्ग पूर्ण रुपमा सञ्चालन हुन नसकेको हो। पहिरो पन्छाएर बाटो खुलाउने प्रयास भइराखेको जिल्ला प्रहरी कार्यालय चितवनका प्रहरी नायव उपरीक्षक नरहरि अधिकारीले जानकारी दिनुभयो।
नारायणगढ–मुग्लिन सडकखण्ड सुचारु
पहिरोका कारण अवरुद्ध नारायणगढ–मुग्लिन सडकखण्ड सञ्चालनमा आएको छ । जिल्ला ट्राफिक प्रहरी कार्यालयका अनुसार मध्याह्नदेखि सो खण्ड सुचारु भएको हो ।
११ वर्षीया बालिका बलात्कार गर्ने पक्राउ
झापाकी ११ वर्षीया बालिकालाई जबरजस्ती करणी गरेको अभियोगमा अर्जुनधारा नगरपालिका ११ बस्ने २८ वर्षीय विपिन राईलाई बुधबार प्रहरीले पक्राउ गरेको छ ।
बहुसङ्ख्यक उपत्यकावासी नगरजन्य फोहाेरको अन्तिम विसर्जनस्थल बारे अनभिज्ञ
सरसफाइ व्यवस्थापन गर्न नसक्दा जताततै फोहाेरले दुर्गन्धित हुँदै गएको काठमाडौं उपत्यकाका बहुसंख्यक मानिसहरुलाई यहाँ उत्पादन हुने फोहोर कहाँ व्यवस्थापन गरिन्छ भन्ने बारेमा जानकारी नभएको पाइएको छ ।
रिट्ठेभीरको भित्तो ऐनाले भरियो
बीपी राजमार्गअन्तर्गत सिन्धुलीको सुनकोसी गाउँपालिका–५, रिट्ठेभीरस्थित सेतीदेवी मन्दिरमा ऐना चढाउनेको सङ्ख्या बढ्दै गएको छ ।बीपी राजमार्गमा ठूल्ठूला सवारी दुर्घटना हुन थालेपछि दुर्घटनालाई टार्न भन्दै उक्त राजमार्गका यात्रुले सेतीदेवीलाई खुसी पार्न ऐना चढाउन थालेका हुन् । यतिखेर यात्रुले चढाएको ऐनाले मन्दिर वरपर रहेको बीपी राजमार्गको किनारमा रहेको रिट्ठेभीरको भित्तो टपक्कै भरिएको छ । अहिले भित्तामा सयौँको ऐना झुण्डिएको देखिन्छ ।
ट्यांकी सफा गर्दा दुई युवाको मृत्यु
सेफ्टी ट्याङ्की सफा गर्ने क्रममा दुई जनाको मृत्यु भएको छ । भरतपुर महानगर पालिका वडा नम्वर १९ स्थित तमु टोलकी रामप्यारी गुरुङ्गको घरमा सेफ्टी ट्याङ्की सफा गर्ने क्रममा चिप्लिएर एक र उनको उद्धार गर्ने क्रमममा दोस्रोको मृत्यु भएको हो ।
भारतीय गाडी दुर्घटना हुँदा पाँच जना घाइते
पूर्वी चितवनको रत्ननगरमा भारतीय नम्वरको स्कार्पियो जीप रोकिराखेको ट्रकमा ठोक्किदाँ जीपमा चढेका पाँचजना घाइते भएका छन् ।
चितवनमा भेटियो छिमेकी चरा
चीन र भारतमा पाइने ‘चाइनिज पोन्ड हेरोन’ प्रजातिको चरा चितवनमा पनि भेटिएको छ । चरा विज्ञहरूले भेटेको यो चरा नेपालमा पहिलो पटक देखिएको चराका क्षेत्रमा लामो समयदेखि अध्ययन अनुसन्धान गर्दै आउनुभएका वासु बिडारीले जानकारी दिनुभयो ।
चितवनमा दुइ महिनादेखि वन्धक बनाएर सामुहिक बलात्कार
दुई महिनादेखि एउटा कोठामा बन्धक बनाई जबरजस्ती करणी गरेको अभियोगमा चितवनमा एक जना पक्राउ परेका छन् ।
मुग्लिन–नारायणगढ सडक अवरुद्ध
चितवनको मुग्लिन नारायणगढ सडकखण्डको दुइ स्थानमा पहिरो खसेपछि बुधबार राति ११ बजेदेखि राजमार्ग अवरुद्ध भएको छ ।
स्थानीयवासीको अवरोधका कारण हुन सकेन फोहोर व्यवस्थापन
स्थानीयवासीको अवरोधका कारण आज पनि काठमाडौँ उपत्यकाको फोहोर अन्तिम व्यवस्थापनस्थल बञ्चरेडाँडामा विसर्जन हुन सकेन।
काठमाडौं महानगर प्रमुख र फ्रान्सका राजदूतबीच शिष्टाचार भेट
काठमाडौं, जेठ २५ गते। काठमाडौं महानगरपालिका प्रमुख बालेन्द्र शाह र फ्रान्सेली राजदूत जील बुर्वाओबीच बुधबार शिष्टाचार भेट भएको छ। प्रमुखको कार्यकक्षमा उहाँहरुबीच मुख्यगरी, नगर व्यवस्थापनका लागि सेवा, सुविधा वितरणका विषयमा छलफल भयो।बजेट नीति तथा कार्यक्रमको तयारीमा लागेको बताउनु हुँदै साहले फोहोरमैलाको दिगो व्यवस्थापन, स्वास्थ्य, शिक्षा र सामाजिक क्षेत्रसँगै शहरी यातायातको सुधारका कार्यक्रमलाई प्राथमिकतामा राखिएको बताउनुभयो। “सांस्कृतिक तथा प्राचीन सम्पत्तिको सम्मान, संरक्षण तथा प्रवद्र्धनलगायतका क्षेत्रलाई प्राथमिकतामा राखेका छौं। अल्पकालीन, मध्यकालीन र दीर्घकालीन योजनाबाट भविष्यको कार्यक्रम तय गर्ने प्रणालीको विकास गर्दैछौं”, उहाँले भन्नुभयो।भेटमा महानगरका प्रमुख प्रशासकीय अधिकृत लोकनाथ पौड्यालले फ्रान्समा सामाजिक विकासका कार्यक्रम बलिया भएको उल्लेख गर्नुहुँदै यस क्षेत्रमा महानगरसँग सहकार्य हुनसक्ने बताउनुभयो। क्रममा राजदूत बुर्वाओले, शहरी विकास र व्यवस्थापनका लागि दिगो आर्थिक प्रस्तावका आधारमा काठमाडौंलाई सहयोग गर्न आफू इच्छुक रहेको बताउनुभयो। उहाँले फोहोरमैला व्यवस्थापन, पानीको प्रशोधन तथा शुद्धिकरण, स्वास्थ्य र शिक्षामा सहयोग हुनसक्ने आश्वासनसमेत दिनुभएको छ।
टुकुचा खोलाले मोटरसाइकल बगायो
काठमाडौं, जेठ २५ गते । बुधबार परेको पानीले लाजिम्पाटस्थित निल सरस्वतीस्थान नजिक रहेको टुकुचा खोलाले मोटरसाइकल बगाएको छ ।खोलामा बढेको बहाबले काठमाडौं महानगरपालिका धापासीका २१ वर्षीय सुरज अर्याल सवार मोटरसाइकल बगाएको हो । बागमती प्रदेश–०२–०१३ प २५८८ नम्बरको मोटरसाइकलसहित चालकलाई पनि बगाउँदा तत्काल चालकको उद्धार भएको छ । मोटरसाइकल फेला नपरेकाले खोजी कार्य जारी रहेको महानगरीय प्रहरी परिसर, टेकुका प्रवक्ता दिनेशराज मैनालीले जानकारी दिनुभयो ।
ल्याण्डफिल साइटमा फोहोरकोभन्दा मिथेन ग्यासको गन्ध बढी : नास्ट
काठमाडौँ, जेठ २५ गते। नेपाल विज्ञान तथा प्रविधि प्रज्ञा प्रतिष्ठानले ओखरपौवास्थित ल्याण्डफिल साइटमा फोहोरभन्दा मिथेन ग्यासको गन्ध धेरै भेटिएको जनाएको छ। नास्टको दोस्रो प्रारम्भिक अध्ययनले उक्त ल्याण्डफल साइटको माथिल्लो भागको पूर्व, पश्चिम, मध्य र दक्षिणतर्फ अलसेक्टोमिटर उपकरण प्रयोग गरेर गन्ध मापनको क्रममा सो क्षेत्रमा वातावरणीय समस्या देखाएको हो। साइटको पूर्वतर्फ खोल्सोमा फोहोरको गन्ध अलि बढी र अन्य ठाउँमा फोहोरकोभन्दा मिथेन ग्यास धेरै भेटिएको नास्टका वरिष्ठ वैज्ञानिक डा. भोजराज पन्तले बताउनुभयो। त्यसो त, अध्ययन गरिएको समय हावाको वहावले पनि गन्धलाई फरक पार्ने उहाँको भनाइ छ। सो क्षेत्रमा ग्यास बाहिर ल्याउन भेन्ट नभएको र यसलाई ड्रिल गरेर बाहिर ल्याइने जनाइएको छ। छिमेकी गाउँमा खाना पकाउने प्रयोजनका लागि यो वितरण गर्न सकिने अर्को विकल्पको रुपमा हेरिएको छ। तर, साइटमा कति परिमाण ग्यास छ र यसलाई कसरी निकालेर वितरण गर्ने भन्ने विषयमा थप अध्ययन गर्नुपर्ने जनाइएको छ। नास्टले यसअघि पनि २०७८ असार १ गतेको सम्झौताबमोजिम अध्ययन गरेर माघ १४ गते अध्ययन प्रतिवेदन बुझाएको थियो। गन्धमुक्त बनाउने काम तीन दिनभित्र सुरु हुनेअध्ययनबाट प्राप्त विवरण उल्लेख गर्नुहुँदै महानगर प्रमुख बालेन्द्र शाहले गन्धसँगै पानी र मोटोको पनि अध्ययन गर्नुपर्ने बताउनुभयो। महानगरले नास्टलाई पत्राचार गरेको आधारमा डा. रविन्द्र ढकाल, डा. टिस्टा प्रसाई जोशी, डा. सौरभ भट्टराई, अनिता पन्थी र सुनिता श्रेष्ठ सहभागी टोलीले प्रारम्भिक अध्ययन गरेको उहाँले भन्नुभयो।“लिचेड मिसिनु भन्दा अगाडि, लिचेड मिसिएको ठाउँ र लिचेड मिसिएको ठाउँभन्दा ९२० मिटर पर गरेर ३ फरक फरक बिन्दुबाट पानीको नमूना संकलन गरेर प्रारम्भिक अध्ययन गरिएको छ। यी ठाउँबाट संकलन गरिएका तीन वटा नमूनाको तुलनात्मक अध्ययनबाट स्रोतबाट एक किलोमिटर परसम्मको पानीमा लिचेडको मात्रा धेरै देखिएको छ। यहीकारण जलमा बस्ने जीवजन्तुमा नकारात्मक असर परेको अध्ययनले देखाएको छ”, उहाँले बताउनुभयो।पानी प्रदूषण र लिचेड सम्बन्धी अन्तिम रिपोर्ट आएपछि अल्पकालीन मध्यकालीन र दीर्घकालीन समाधानका उपाय खोजिने प्रमुख शाहको भनाइ छ।
काठमाडौं महानगर र नबिल बैंकबीच सार्वजनिक शौचालय सञ्चालन गर्ने सम्झौता
काठमाडौं, जेठ २५ गते। काठमाडौं महानगरपालिका र नबिल बैंकबीच सार्वजनिक शौचालय सञ्चालन गर्ने विषयमा सम्झौता भएको छ। काठमाडौंको सुन्धरास्थित महानगरको कार्यालयमा प्रमुख प्रशासकीय अधिकृत लेखनाथ पौड्याल र नबिल बैंकका प्रमुख कार्यकारी अधिकृत अनिल केशरी शाहले १८ वटै शाखामा सार्वजनिक शौचालय सञ्चालन गर्ने विषयमा लिखित सम्झौता गर्नुभएको हो।दरबारमार्गस्थित नबिल बैंकको केन्द्रीय कार्यालयसहित, जोरपाटी, महाराजगञ्ज, नयाँ बानेश्वर, क्षेत्रपाटी, चाबहिल, कुलेश्वर, कान्तिपथ, बसुन्धरा, सिनामंगल, कलंकी, भाटभटेनी, धुम्बाराही, न्यूरोड, कालीमाटी र शंखमूलसहित सबै शाखामा सो सेवाप्रवाह गरिने सम्झौतामा उल्लेख छ।शाहले उपत्यकामा केही गर्न सकिन्छ कि भनेर महानगरसँग यसखाले साझेदारी गरिएको बताउनुभयो। “काठमाडौं मेयरज्यूको मात्रै होइन, हामी सबैको हो। झन् सुन्दर बनाउन सक्छौं भने किन नगर्ने भनेर हो”, उहाँले संक्षिप्त प्रतिक्रिया दिनुभयो।यसैगगरी, महानगरका प्रशासकीय अधिकृत पौड्यालले पनि संक्षिप्त रुपमा बोल्नुहुँदै सानो र महत्वपूर्ण काम हासिल गर्ने, संस्थागत जिम्मेवारीबाट सरकार र नागरिकलाई सिकाइ अभ्याससँग जोड्ने, नागरिक चेतनास्तर अभिवृद्वि एवम् सहरी सेवाको खुड्किलो बढाउन यो सेवा प्रवाह गरिएको बताउनुभयो।उक्त सम्झौताको समयावधि अबको पाँच वर्षको हुनेछ। सम्झौतापत्रमा आवश्यकता अनुसार अवधि थप गर्न सकिने व्यवस्था छ।
