हाइड्रोजन प्रविधि प्रयोग गर्न सम्झौता
काठमाडौँ विश्वविद्यालय (केयू) र नेपाल विद्युत् प्राधिकरणबीच नेपालमा हरित हाइड्रोजन प्रविधिको प्रवद्र्धन गर्ने विषयमा सहमति भएको छ । काठमाडौँ विश्वविद्यालयका उपकुलपति प्रा.डा. भोला थापा र प्राधिकरणका प्रबन्ध निर्देशक कुलमान घिसिङबीच शुक्रबार एक कार्यक्रमबीच धुलिखेलमा सम्झौतापत्रमा हस्ताक्षर भएको हो ।
गणतन्त्र दिवस मूल समारोहमा राष्ट्रपति
राष्ट्रपति विद्यादेवी भण्डारी १५औँ गणतन्त्र दिवसका अवसरमा आज सैनिक मञ्च टुँडिखेलमा आयोजना गरेको कार्यक्रममा सरिक हुनुभयो ।
‘संविधानको स्वीकार्यतालाई अझै फराकिलो र विश्वसनीय बनाऔँ’: प्रमुख शेरचन
लुम्बिनी प्रदेशका प्रदेश प्रमुख अमिक शेरचनले गणतान्त्रिक संविधानको स्वीकार्यतालाई अझै फराकिलो र विश्वसनीय बनाउन स्वरोजगारको व्यावहारिक सुनिश्चितता गर्न सकिए मात्र संविधानको सही कार्यान्वयन हुनसक्ने बताउनुभएको छ ।
संविधानको भावनाअनुसार समृद्ध राष्ट्रको निर्माण गर्नु सबैको दायित्व
संविधानको मर्म र भावनालाई आत्मसात गर्दै समृद्ध राष्ट्रको निर्माण गर्नु हामी सबैको दायित्व भएको प्रदेश प्रमुख यादवचन्द्र शर्माले बताउनुभएको छ ।
पाठ्यपुस्तकबिनै पढाइ सुरु
सिन्धुली जिल्लामा अधिकांश सामुदायिक विद्यालयले नयाँ शैक्षिक सत्रमा पाठ्यपुस्तकबिना नै पढाइ सुरु गरेका छन् । नयाँ शैक्षिक सत्र सुरु भएसँगै सिन्धुली जिल्लामा सामुदायिक विद्यालय सञ्चालनमा आएका भए पनि विद्यार्थी पाठ्यपुस्तकको पर्खाइमा बसेका विद्यालयले जनाएका छन् ।
दक्षिणी रसुवामा चोरीका घट्ना बढ्दै
व्यक्तिगत घर तथा वित्तीय संस्था फुटाली धनमाल चोर्ने घटना दिन प्रतिदिन बढेपछि दक्षिणी रसुवाका बासिन्दा अहिले त्रसित भएका छन् । उनीहरुले गाउँको सुरक्षार्थ टोलटोलमा पहरा दिनेकार्य गर्न योजनासमेत बनाएका छन् ।
जग्गा कीर्ते गरी ठगी गर्ने आरोपमा भक्तपुरबाट पक्राउ
भक्तपुर, जेठ १४ गते । सार्वजनिक जग्गासहित व्यक्तिको जग्गा कीर्ते गरी बिक्री गर्न रु पाँच करोड २० लाख बैना लिएर ठगी गरेको अभियोगमा प्रहरीले भक्तपुरबाट दुई जनालाई पक्राउ गरेको छ । प्रहरीले चाँगुनारायण नगरपालिका–७ का ७२ वर्षीय केशवप्रसाद अधिकारीलाई कमल विनायकबाट र भक्तपुर नपा–८ बस्ने ईश्वर गाइजुलाई भक्तपुरस्थित मालपोत कार्यालयको गेटबाट पक्राउ गरिएको जनाएको छ । उनीहरुलाई महानगरीय प्रहरी परिसर भक्तपुरको हिरासतमा राखेर अनुसन्धान सुरु गरिएको हो । परिसरका प्रहरी नायब उपरीक्षक राजु केसीका अनुसार खोटाङ बुईपा–३ घर भई हाल दिक्तेल रुपाकोट मझुवागढी नपा–१४ बस्ने धनीराम राईसमेतको जाहेरीका आधारमा काठमाडाैँ उपत्यका अपराध अनुसन्धान कार्यालयबाट खटिएको प्रहरी टोलीले शुक्रबार पक्राउ गरी प्रहरी परिसर भक्तपुरलाई बुझाएको हो । महाशाखाले पक्राउ परेका व्यक्ति र मिसिल भक्तपुर परिसरलाई बुझाएको तथा भक्तपुर प्रहरीले आजैबाट थप अनुसन्धान गरि कानुनी प्रक्रिया अगाडि बढाएको केसीले बताउनुभयो । पक्राउ परेका अधिकारी र गाइजुले भक्तपुर साविक सुडाल गाविस–४ ‘क’ मा रहेको विभिन्न कित्ता नम्बरका अरुकै नामको जग्गा सम्बन्धित जग्गाधनीसँग अनुमति नलिई अनुमति लिएको छाँै भन्दै झुक्याएको र त्यससँगै रहेको कि.नं. ३९९ को ०–४–०–० क्षेत्रफल सरकारी जग्गासमेत बिक्री गर्न करारनामा गरी बैनाबापत रु पाँच करोड २० लाख लिएर ठगी गरेको अभियोग छ ।
काठमाडौँ विश्वविद्यालयका एक हजार ७१२ विद्यार्थी दीक्षित हुँदै
काठमाडौँ विश्वविद्यालयका २७औँ दीक्षान्त समारोह (दोस्रो चरण)मा विभिन्न सङ्कायका गरी एक हजार ७१२ जना दीक्षित हुने भएका छन् । आगामी जेठ २० गते विश्वविद्यालयमा स्नातक र स्नातकोत्तर तहमा अध्ययन गर्ने स्वदेशी र विदेशी विद्यार्थी दीक्षित हुने भएका हुन् । कार्यक्रममा कला, शिक्षा, इन्जिनियरिङ, व्यवस्थापन, विज्ञान र चिकित्सा विज्ञान विधाका गरी ११ जना पीएचडी तथा एमफिल ४३ सहित स्नातक र स्नातकोत्तर तहका विद्यार्थी दीक्षित हुनेछन् । दीक्षित हुने विद्यार्थीमध्ये पुरुषको प्रतिशत ६०.२८ (१०३२) जना र महिलाको प्रतिशत ३९.७२ (६८०) जना रहेको छ । दीक्षित हुने विदेशी विद्यार्थी भारत, श्रीलङ्का, माल्दिभ्स, अमेरिका, अष्ट्रेलिया, चीन, बङ्गलादेश, नेदरल्यान्ड र जर्मनी गरी नौ देशका १५७ रहेका छन् ।
‘विकास आयोजनाका काम अपेक्षाकृत भएन’ : मन्त्री झाँक्री
सहरी विकासमन्त्री रामकुमारी झाँक्रीले आवश्यक अध्ययन अनुसन्धान तथा बजेटको सुनिश्चितताको अभावमा विकास आयोजनाका काम अपेक्षा गरिए अनुरुप अगाडि बढ्न नसकेको बताउनुभएको छ । उहाँले सहरबासीको स्वस्थ्य र सुन्दर जीवनका लागि सफा र सुन्दर सहर अपरिहार्य रहेको स्पष्ट पार्नुभयो ।
सात वर्षपछि हुने भयो सडक निर्माण सम्पन्न
निर्माण सुरु भएको करिब सात वर्षपछि काठमाडौँ–दोलखा जोड्ने मुख्य मार्गका रूपमा रहेको लामसाँघु–जिरी सडकखण्डअन्तर्गतको ३० किलोमिटर मुढे–चरीकोट सडकको कालोपत्रेको काम अन्तिम चरणमा पुगेको छ ।
‘नगरवासीले अनुभूत गर्ने गरी काम गर्छु’
दोलखाको भीमेश्वर नगरपालिकाका नवनिर्वाचित प्रमुख ईश्वरनारायण मानन्धरले अघिल्ला जनप्रतिनिधिले गरेको पाँच वर्षे विकासको अस्तव्यस्ततालाई छिचोलेर नगरवासीलाई अनुभूत हुने गरी काम गर्ने बताउनुभएको छ ।
विद्युत् महसुल भुक्तानीमा समस्या
सिन्धुली जिल्लाको गोलन्जोर गाउँपालिका–५ का बासिन्दाले एक वर्षभन्दा बढी समयदेखि बिजुली बत्तीको महसुल नियमित तिर्न पाएका छैनन् । विद्युत् उपभोेग गरेको लामो समय बित्दा पनि नेपाल विद्युत् प्राधिकरणले मिटर रिडिङ गर्न कर्मचारी नपठाउँदा नियमित महसुल तिर्नबाट उपभोक्ता वञ्चित हुनुपरेको हो ।
प्रदेश सभाको दसौँ अधिवेशन सुरु : स्वतन्त्रको विजय दलका लागि चुनौती
बागमती प्रदेश सभाका सदस्यले स्थानीय तहको निर्वाचनमा स्वतन्त्र उम्मेदवारको विजयले दलहरूमाथि चुनौती थपिएको बताएका छन् । प्रदेश सभाको शुक्रबारबाट सुरु भएको दसौँ अधिवेशनको सफलताको शुभकामना व्यक्त गर्दै प्रदेश सभा सदस्यले काठमाडौँमा वालेन्द्र साहसहित धरान, धनगढीलगायतका स्थानीय तहमा स्वतन्त्र उम्मेदवार विजयी बन्नुले महत्त्वपूर्ण सन्देश दिएको भन्दै दलहरूलाई यसबाट शिक्षा लिन आग्रह गर्नुभयो । दलहरूको बीचमा क्रम भङ्गता भएर स्वतन्त्र उम्मेदवार विजयी भएको भन्दै अहिलेको निर्वा
कीर्तिमानी महिला आरोही लाक्पालाई फाउण्डेशनबाट सम्मान
१० औं पटक सगरमाथाको आरोहण गर्नुहुने विश्वकै एक मात्र साहसी महिला आरोही गाइड लाक्पा शेर्पालाई पासाङ ल्हामु फाउण्डेशनले सम्मान गरेको छ । पहिलो नेपाली सगरमाथा आरोही तथा राष्ट्रिय विभूति पासाङ ल्हामु शेर्पाको सम्मानमा स्थापित फाउण्डेशनले लाक्पा सहित विभिन्न क्षेत्रमा आवद्ध रहेर पर्वतारोहणमा सकृय महिलाहरुलाई विहीबार सम्मान गरेको छ ।
महानगरवासीको शिर झुक्ने काम गर्दिनँ
प्रथमतः नेपाली कांग्रेसका सभापति शेरबहादुर देउवा, केन्द्रीय कार्यसमितिदेखि जिल्ला कार्यसमितिसम्मका साथीहरूले मलाई विश्वास गर्नुभयो र उम्मेदवार बनाउनुभयो । दोस्रोमा म विजयी हुने कारण प्रस्ट छ । पाँच वर्ष ललितपुर महानगर प्रमुख र त्यसअघि तीन पटक वडाध्यक्ष भएर काम गरेको छु । ज्यापू समाजको अध्यक्ष भएर काम गरेँ । जिम्मेवारीमा रहे पनि, नरहे पनि सामाजिक काममा दत्तचित्त भएर लागिरहेको छु ।
शुक्रबार प्रदेश सरकारले प्रि–बजेट प्रस्तुत गर्ने
बागमती प्रदेश सरकारले शुक्रबार प्रदेश सभामा विनियोजन विधेयक २०७८ का सिद्धान्त र प्राथमिकता प्रस्तुत गर्ने भएको छ । आर्थिक मामिला तथा योजनामन्त्री शालिकराम जम्कट्टेलले प्रदेश सभामा आगामी आर्थिक वर्ष २०७९/०८० का लागि विनियोजन विधेयक २०७८ का सिद्धान्त र प्राथमिकता (प्रि–बजेट) प्रस्तुत गर्ने कार्यतालिका तय भएको हो ।
काठमाडौं महानगरका प्रमुख वालेन्द्र साहको विजयी र्याली (फोटो फिचर)
स्थानीय तहको निर्वाचनमा स्वतन्त्र तर्फबाट उम्मेदवारी दर्ता गर्नुभएका वालेन्द्र साह काठमाडौं महानगरपालिकाको प्रमुखमा निर्वाचित हुनु भएको छ । निर्वाचित अधिकृतको कार्यालयले उहाँ निर्वाचित भएको घोषणा गरेसँगै प्रमुख वालेन्द्र साहको विजयी उत्सव मनाइएको छ ।
काठमाडौं महानगर–१५ मा एकीकृत समाजवादीका डङ्गोल विजयी
काठमाडौं महानगरपालिका–१५ को वडाअध्यक्षमा नेकपा (एकीकृत समाजवादी)का ईश्वरमान डङ्गोल विजयी हुनुभएको छ । उहाँले तीन हजार ४७४ मत ल्याउनुभयो ।
गोकर्णेश्वरको कार्यपालिका निर्वाचन शुक्रबार
गोकर्णेश्वर नगरपालिकाको कार्यपालिकाको निर्वाचन जेठ १३ गते शुक्रबार हुने भएको छ । नगर कार्यपालिकाको निर्वाचनका लागि दुई दलले उम्मेदवारी दर्ता गराएको निर्वाचन अधिकृत रञ्जु गौतमले जानकारी दिनुभयो ।
एम्बुलेन्सको ठक्करबाट वृद्धाको मृत्यु
एम्बुलेन्सको ठक्करबाट एक वृद्धाको मृत्यु भएको छ । बुधबार राती ९ः२५ बजे बिरामी पुर्याएर फर्केको एम्बुलेन्स अनियिन्त्रत भई दुर्घटना हुदाँ घरभित्र सुतिरहेकी ८९ बर्षीया मनमाया खड्काको मृत्यु भएको प्रहरीले जनाएको छ ।
काठमाडौं महानगरपालिका १३ मा एमालेका मानन्धर विजयी
काठमाडौं महानगरपालिका १३ मा नेकपा (एमाले) का ध्रुव नारायण मानन्धर विजयी हुनुभएको छ । उहाँले तीन हजार १२४ मत ल्याउनुभयो ।
काठमाडौं १७ मा कांग्रेसका मानन्धर विजयी
काठमाडौं महानगरपालिका वार्ड नम्बर १७ को वडाअध्यक्षमा नेपाली कांग्रेसका नवीन मानन्धर विजयी हुनुभएको छ । उहाँले दुई हजार ७०८ मत ल्याउनुभयो ।
काठमाडौं प्रमुखमा वालेन्द्रको मत ५९ र उपप्रमुख सुनिताको ६६ हजारभन्दा बढी
काठमाडौं महानगरपालिकाको भृकुटीमण्डपस्थित राष्ट्रिय सभा गृहमा जारी मतगणना अन्तिम चरणमा छ । मुख्य निर्वाचन अधिकृत राजुकुमार खतिवडाका अनुसार बिहीबार बिहान ७ः४५ बजेसम्म एक लाख ८३ हजार ६७९ मतगणना हुँदा महानगर प्रमुखमा स्वतन्त्र उम्मेदवार वालेन्द्र साहले मत ५९ हजार १४९ मत ल्याउनुभएको छ ।
‘कीर्तिपुरको कला–संस्कृति संरक्षणमा जोड दिनेछु’
कीर्तिपुर नगरपालिकाको प्रमुखमा निर्वाचित राजकुमार नकर्मीले पदवहाली गरेसँगै कीर्तिपुर नगरवासीको स्वास्थ्योपचारमा ५० प्रतिशत सहुलियत दिने घोषणा गर्नुभएको छ । उहाँले आधारभूत आवश्यकताअन्तर्गत पर्ने स्वास्थ्योपचारलाई प्राथमिकतामा राखेर छुट गर्नेगरी कीर्तिपुरस्थित कीर्तिपुर मोडेल अस्पतालमार्फत नगरवासीको उपचारमा ५० प्रतिशत छुट दिने व्यवस्था गर्न लागिएको बताउनुभयो ।
४० वटा विद्युतीय बसबाट साझाले सेवा विस्तार गर्दै, सडकको अवस्था परीक्षण सुरु
साझा यातायातले काठमाडौं उपत्यकामा विद्युतीय वस सञ्चालनका लागि सडकको अवस्था परीक्षण गरेको छ । व्यवसायिक रुपमा बस सञ्चालनका लागि एक साता अघि तीनवटा बस खरिद गरी रात्रीकालिन अवस्थामा सडकको अवस्था परीक्षण सुरु गरेको जनाएको हो ।
