काठमाडौं महानगरपालिका–४ मा एमालेका महर्जन विजयी
काठमाडौं महानगरपालिका – ४ को वडा अध्यक्षमा नेकपा ९एमाले० का दिनेश महर्जन विजयी हुनुभएको छ । उहाँले चार हजार ६०४ मत प्राप्त गर्नुभएको हो । उहाँको निकटतम प्रतिद्वन्द्वी नेपाली कांग्रेसका राम प्रसाद न्यौपानेले दुई हजार २८९ मत ल्याउनुभयो ।
सुनकोशीमा एमालेका टपिन्द्र र काँग्रेसकी कान्छीमाया विजयी
सुनकोशी गाउँपालिका अध्यक्षमा नेकपा एमालेका टपिन्द्र तिमल्सिना र उपाध्यक्षमा काँग्रेसकी कान्छीमाया तामाङ विजयी भएका छन् । अध्यक्ष तिमल्सिनाले ५ हजार ९३२ मत र उहाँका निकटतम प्रतिद्वन्द्वीकाँग्रेसका श्रवणकुमार जिसीले ५ हजार ७९१ मत ल्याउनु भएको छ ।
काठमाडौं महानगरपालिका प्रमुखमा बालेन्द्र शाहको अग्रता कायमै
काठमाडौं महानगरपालिकाको प्रमुखमा स्वतन्त्र उम्मेदवारले अग्रता कायमै राख्नुभएको छ । केही समय अघि प्राप्त मत परिणामअनुसार प्रमुख पदका स्वतन्त्र उम्मेदवार बालेन्द्र शाहले नौ हजार ५६३ मतान्तरका साथ आफ्नो अग्रता कायम राख्नुभएको छ ।
सूर्यविनायकमा एमाले विजयी
भक्तपुरको सूर्यविनायक नगरपालिकामा नेकपा (एमाले) विजयी भएको छ । नेपाली कांग्रेस र नेकपा (एकीकृत समाजवादी) गठबन्धनका उम्मेदवार एमालेसँग पराजित भएका छन् । प्रमुखमा वासुदेव थापा र उपप्रमुखमा सरिता भट्टराई निर्वाचित भएको सहायक निर्वाचन अधिकृत सरिता खतिवडाले जानकारी दिनुभयो । थापा १४ हजार ७५८ मतका साथ निर्वाचित हुनुभएको छ । उहाँका निकटतम प्रतिद्वन्द्वी कांग्रेसका निशान ढुङ्गेलले १३ हजार २३२ मत प्राप्त गर्नुभयो ।
लिसंखुपाखरमा माओबादी विजयी
सिन्धुपाल्चोक, जेठ ५ गते । लिसंखुपाखर गाउँपालिकामा नेकपा (माओबादी केन्द्र) का अध्यक्ष पदका उम्मेदवार राजु लामा निर्वाचित हुनुभएको छ । त्यस्सै गरी उपध्यक्षमा भने नेकपा (एमाले) की उम्मेदवार मिठुदेवी लामा निर्वाचित हुनु भएको छ ।अध्यक्ष लामाले तीन हजार ९२५ मत ल्याउनु भएको थियो भने उहाँको निकटतम प्रतिदन्द्धी काँगे्रसका जोगलाल तामाङले तीन हजार १९ मत ल्याउनु भएको छ । एमालेका अध्यक्ष उम्मेदवार सूर्यबहादुर लामाले दुई हजार ७२७ मत ल्याउनु भएको थियो । उपाध्यक्ष निर्वाचित मिठुदेवीले तीन हजार २५१ मत र उहाँकी निकटतम प्रतिदन्द्धी एमाओबादी केन्द्रकी राममाया तामाङले तीन हजार १०६ मत र काँगे्रसकी बबिता योञ्जनले दुई हजार ८३० मत ल्याउनु भएको छ ।
गठबन्धनका उम्मेदवार अग्रस्थानमा
वैशाख ३० गते सम्पन्न स्थानीय तह निर्वाचनको मत परिणाम आउने क्रम जारी रहेको छ । निर्वाचनको हालसम्म बागमती प्रदेशका विभिन्न जिल्लामा सार्वजनिक भएको मत परिणाममा सत्तारूढ गठबन्धन अगाडि रहेको छ भने नेकपा एमाले दोस्रो स्थानमा रहेको छ ।
खैरहनी नगरपालिकामा मेयर काँग्रेस, उपमेयरमा एमाले विजयी
शालिग्राम नेपाल चितवन, जेठ ४ गते । चितवनको खैरहनी नगरपालिकामा गठवन्धनबाट नेपाली काँग्रेसका उम्मेदवार शशीकुमार खनिया निर्वाचित हुनुभएको छ । उहाँले नेकपा (एमाले) का उम्मेदवार लालमणि चौधरीलाई ८५० मतले पराजित गर्दै निर्वाचित हुनुभएको हो । खनियाले १४ हजार ५४५ मत प्राप्त गर्नुभएको छ । उहाँका निकटतम प्रतिष्पर्धी चौधरीले १३ हजार ६९५ मत प्राप्त गर्नुभयो । नगरपालिकाको उपमेयरमा एमालेका उम्मेदवार कविता उप्रेती विजयी हुनुभएको छ । उप्रेतीले १४ हजार १६४ मत प्राप्त गरी विजयी हुनुभयो । उहाँको निकटतम प्रतिष्पर्धी गठवन्धनबाट माओवादी केन्द्रका उपमेयरका उम्मेदवार लक्ष्मी ढकाल ९ हजार ६७० मत प्राप्त गर्नुभयो । खैरहनी नगरपालिका वडा १ मा काँग्रेसका नवराज भुसाल, वडा २ मा काँग्रेसका रोहीणीप्रसाद उप्रेती, वडा ३ मा काँग्रेसकै पूर्णवहादुर गुरुङ, वडा ४ मा एमालेका वेदवहादुर अधिकारी, वडा ५ मा एमालेका छत्रनाथ सुेवेदी निर्वाचित हुनुभयो ।त्यस्तै, वडा ६ मा एमालेका कमलप्रसाद न्यौपाने, वडा ७ मा एमालेका मनेजर महतो, वडा ८ मा काँग्रेसका शंकर कँडेल, वडा ९ मा एमालेका वन्धुराम महतो, वडा १० मा काँग्रेसका चन्द्रविक्रम चौधरी, वडा ११ मा एमालेका दीपेन्द्रकुमार दरै, वडा १२ मा काँग्रेसका केदारनाथ पन्त र वडा १३ मा एमालेका कुलप्रसाद भुसाल निर्वाचित हुनुभयो । यसअघि खैरहनी नगरपालिकाको मेयरमा एमालेका लालमणि चौधरी, उपमेयरमा एमालेकै सुनिता थपलिया निर्वाचित हुनुभएको थियो ।
इच्छाकामना गाउँपालिकामा एमालेका उम्मेदवार निर्वाचित
शालिग्राम नेपाल चितवन, जेठ ४ गते । चितवनको एक मात्र इच्छाकामना गाउँपालिकाको अध्यक्षमा एमालेका उम्मेदवार दानबहादुर गुरुङ र उपाध्यक्षमा एमालेकै माया सिलवाल निर्वाचित हुनु भएको छ । चण्डीभन्ज्याङका स्थायी बासिन्दा गुरुङले नेपाली कांग्रेसकी अध्यक्ष उम्मेदवार गीताकुमारी गुरुङलाई फराकिलो मत अन्तरले पछाडि पार्दै विजयी हुनुभएको हो ।एमालेका दानबहादुरले छ हजार ११० मत ल्याउँदा कांग्रेसकी गीताकुमारीले चार हजार ६०८ मत ल्याउनुभयो । वुधबार वडा नम्बर ७ को मतगणना सकिएसँगै विजय घोषणा गरिएको छ ।सरकारी विद्यालयको प्रधानाध्यापक बनेका दानबहादुर पेन्सन पाक्न चार वर्ष मात्रै बाँकी रहँदा स्थायी जागिर छाडेर चुनावी मैदानमा उत्रनु भएको हो । एमाले निकट शिक्षक संगठन चितवनको निवर्तमान जिल्ला अध्यक्षसमेत रहनुभएका गुरुङ सो क्षेत्रमा निकै लोकप्रिय नेताका रुपमा चिनिनुहुन्छ । अध्यक्षका प्रतिस्पर्धी गीताकुमारी पनि शिक्षा क्षेत्रबाट नै राजनीतिमा आउनु भएको हो । त्यसैगरी उपाध्यक्षमा एमालेकी माया सिलवालले पाँच हजार ३४४ मत प्राप्त गर्दै विजयी हुनुभयो । मुग्लिनकी स्थायी बासिन्दा उहाँले माओवादी केन्द्रका प्रताप गुरुङलाई ३०० मतले पछााडि पार्दै निर्वाचित हुनुभयो । प्रतापले पाँच हजार ४४ मत ल्याउनुभयो । यसअघि २०७४ सालमा कांग्रेसले विजय हासिल गरेको इच्छाकामनामा अहिले एमालेले राम्रो मत ल्याएको हो । गाउँपालिकाको वडा १ को अध्यक्षमा माओवादी वडा २, ३, ४ र ५, ६ मा एमाले विजयी भएको छ । वडा नम्बर ७ मा कांग्रेसले विजय हासिल गरेको छ ।
ललितपुरको बागमती र महांकाल गाउँपालिका अध्यक्षमा कांग्रेस
ललितपुरको तीन गाउँपालिकामध्ये बागमती गाउँपालिका अध्यक्षमा नेपाली कांग्रेसका बीरबहादुर लोप्चन र महांकाल गाउँपालिका अध्यक्षमा कांग्रेसका गणेश केसी विजयी हुनुभएको छ । कोन्ज्योसोम गाउँपालिका अध्यक्षमा भने नेकपा (एमाले) का कृष्णमान लामा विजयी हुनुहुन्छ ।
टोखा नगरप्रमुखमा एमालेका अधिकारी र उपप्रमुखमा कांग्रेसका तामाङ विजयी
काठमाडौं टोखा नगरप्रमुखमा नेकपा (एमाले) का प्रकाश अधिकारी विजयी हुनुभएको छ । अधिकारीले दश हजार ३४० मत ल्याउनुभएको हो । उहाँको निकटतम प्रतिद्वन्द्वी नेपाली कांग्रेसकी रजनी थापाले दश हजार १६६ मत पाउनुभएको छ ।
काठमाडौंको फोहोर पाँच दिनभित्र उठिसक्ने महानगरको दाबी
काठमाडौंको सडमा थुप्रिएको फोहोर तत्काल कुनै अवरोध सृजना नभए पाँच दिनभित्र उठिसक्ने काठमाडौं महानगरपालिकाले जनाएको छ । स्थानीय निर्वाचन अघिदेखि सडकमा थुप्रिएको फोहोर मंगलबारबाट उठाउन थालिएको छ ।
चरिकोटको वैतेश्वरमा काँग्रेसका लामा र उप्रेती विजयी
पछिल्लो मत परिणाम अनुसार दोलखाको वैतेश्वर गाउँपालिकाको अध्यक्ष र उपाध्यक्षमा नेपाली काँग्रेसका छवि लामा र कल्पना उप्रेती विजयी हुनुभएको छ ।
लिखुतामाकोसीको अध्यक्षमा काँग्रेस र उपाध्यक्षमा एमाले विजयी
जिल्लाको लिखुतामाकोसी गाउँपालिका अध्यक्षमा नेपाली काँग्रेस र उपाध्यक्षमा एमाले विजयी भएको छ ।
चितवनको कालिका नगर प्रमुख र उपप्रमुखमा एमाले विजयी
चितवनको कालिका नगरपालिकामा नेकपा (एमाले) का उम्मेदवार विनोद रेग्मी निर्वाचित हुनुभएको छ । उहाँले गठबन्धनबाट नेपाली काँग्रेसका उम्मेदवार शिवराम केसीलाई १४३ मतले पराजित गर्नुभएको हो ।
बूढानीलकण्ठ नगरपालिका प्रमुख र उपप्रमुखमा एमाले विजयी
काठमाडौं बुढानीलकण्ठ नगरप्रमुखमा नेकपा (एमाले) का मिठाराम अधिकारी विजयी हुनुभएको छ । अधिकारीले १४ हजार २५० मत प्राप्त गर्नुभएको हो । उहाँका निकटतम प्रतिद्वन्द्वी नेपाली कांग्रेसका विनोद चालिसेले ११ हजार ५१२ मत प्राप्त गर्नुभयो ।
काभ्रेको खानीखोला गाउँपालिकामा गठबन्धनका उम्मेदवार विजयी
काभ्रेको डाँडापारी क्षेत्रमा पर्ने खानीखोला गाउँपालिकामा गठबन्धनका उम्मेदवार विजयी भएका छन् । गठबन्धनका तर्फबाट गाउँपालिकाको अध्यक्ष पदमा नेकपा माओवादी केन्द्रका इन्द्रबहादुर थिङ चार हजार ४८५ मत ल्याएर विजयी हुनु भएको हो । उहाँले नेकपा एमालेका उम्मेदवार शेखर लामालाई एक हजार ३२९ मतान्तरले पराजित गर्नुभएको हो । एमालेका लामाले तीन हजार १५६ मत ल्याउनु भएको हो ।
मेलम्ची नगर प्रमुखमा आइतमान र उपप्रमुखमा उमा विजयी
मेलम्ची नगरपालिकाको प्रमुखमा काँगे्रसका आइतमान तामाङ र उपप्रमुखमा एमालेकी उमा प्रधान निर्वाचित भएका छन् । मेयर तामाङले ११ हजार २५८ मत ल्याउनु भएको छ । उहाँको निकटतम प्रतिद्वन्द्वी एमालेको बालकृष्ण देउजाले ११ हजार १६५ मत ल्याउनु भएको छ ।
धुलिखेलको मत गणना कार्य रोकियो
केदार तिमल्सिना बनेपा, जेठ ४ गते । स्थानीय तह निर्वाचन अन्तर्गत काभ्रेको धुलिखेल नगरपालिकाको मतगणना गर्ने क्रममा निर्वाचन आयोगले जारी गरेको मतगणना निर्देशिका अनुसार नभएको भन्दै विरोध भएपछि धुलिखेलमा जारी मतगणना कार्य रोकिएको छ । स्थानीय तह निर्वाचन मतगणना (पहिलो संशोधन) निर्देशिका २०७९ अनुसार मत गणना कार्य नहुँदा मतगणना कार्य बीचैमा रोकिएको बताइएको छ । धुलिखेल नगरपालिका–९ को मत गणना सुरु हुनुअघि मुख्य निर्वाचन अधिकृत समेत रहनुभएका निर्वाचन अधिकृत मोहनराज भट्टराईले मतपत्रको छैटौँ नम्बरमा रहेका खुल्ला सदस्यको मत सदर हुने विषयमा सर्वदलीय बैठक बोलाएपछि गणना कार्य रोकिएको हो । मंगलबार साँझदेखि रोकिएको मतगणना कार्य अझै सुचारु हुन सकेको छैन । स्थानीय तह निर्वाचन मतगणना (पहिलो संशोधन) निर्देशिका २०७९को परिच्छेद २६ (छ) मा उल्लेख भएअनुसार सुरुदेखि नै मतगणना नगरेका कारण समस्यमा आएको बताइएको छ । उक्त बुँदामा एकभन्दा बढी उम्मेदवारको निर्वाचन चिन्ह भएको कोठामा मत सङ्केत चिन्ह पर्नेगरी मत सङ्केत गरिएमा उक्त मत बदर हुने उल्लेख छ । सो बुँदाअनुसार मतगणना नहुँदा मत गणनाका क्रममा समस्या आएको गणनामा सहभागीको भनाइ छ । आयोगको बैशाख ३० गतेको थप निर्देशनमा मतपत्रको छैटौँ नम्बरमा रहेको खुला सदस्य पदमा उम्मेदवारी दिएको र उम्मेदवारी नदिएको पार्टीमा छाप लगाएको खण्डमा उम्मेदवारी दिएको पार्टीको मत सदर हुने व्यवस्था छ । तर धुलिखेलमा खुल्ला सदस्यमा मात्रै नभई सबै पदमा सोही अनुसार मत गणना गरिएपछि विवाद चुलिएको छ ।धुलिखेलका सहायक मतदान अधिकृत शेषराज दाहालले आयोगको थप निर्देशनको बारेमा सर्वदलीय बैठकमा कुरा राखिएको भएपनि त्यस बारेमा कुनै दलका प्रतिनिधिले प्रश्न नगरेका कारण सोहीअनुरुप सबै पदमा मतगणना गरिएको बताउनुभयो । ‘हामीले सबै पदमा यसरी नै मतगणना गरेका थियौँ, जुन निर्देशिका विपरित रहेछ, हिजो (मङ्गलबार) पाँचखालमा पनि सोहीअनुरुप मतगणना गर्न लागेपछि नियम विपरित भएको थाहा पाएपछि हामीले सर्वदलिय बैठक राख्न खोजेका हौँ, दलहरु आउनुभएको छैन’ सहायक मतदान अधिकृत दाहालले भन्नुभयो, ‘हामीले आयोगलाई पत्र लेखेर धुलिखेलको समस्या समाधानको अनुरोध गरेका छौँ’ । गठबन्धनमा रहेका दलहरुले यसअघि सर्वदलीय बैठकअनुसार धुलिखेल वडा नम्बर–१ देखि ८ सम्म मतगणना गरेअनुरुप नै मत गणना हुनुपर्ने माग राखेका छन् । नेकपा (एमाले) धुलिखेल नगर कमिटिका अध्यक्ष दयाराम महतले निर्वाचन अधिकृतले आफुहरुलाई आयोगको थप निर्देशनको बारेमा छलफल गर्न बोलाए पनि निर्देशनको बारेमा कुनै जानकारी नदिइएको गुनासो गर्नुभयो । एमाले विधि र कानुनअनुसार चल्ने भन्दै कानुन अनुसार नै मतगणना हुनुपर्ने पक्षमा आफुहरु रहेको उहाँले बताउनुभयो । निर्देशिकामा सम्बन्धित मतदान अधिकृतको दस्तखत नभएको, औँठाछाप लगाई वा आयोगद्वारा निर्धारित स्वस्तिक चिन्ह बाहेक अन्य चिन्ह वा छाप लगाई मत सङ्केत गरिएको, मत सङ्केत चिन्ह नबुझिने गरी लतपतिएको वा च्यातिएको, उम्मेदवारको निर्वाचन चिन्ह रहेको कोठामा मत सङ्केत नगरी अन्यत्र मत सङ्केत गरिएको, उम्मेदवार नरहेको निर्वाचन चिन्हमा मात्र मत सङ्केत गरिएको, निर्वाचित गर्नुपर्ने सङ्ख्याभन्दा बढी उम्मेदवारको निर्वाचन चिन्ह भएको कोठामा छुट्टाछुट्टै मत सङ्केत गरिएको, एकभन्दा बढी उम्मेदवारको निर्वाचन चिन्ह भएको कोठामा मत सङ्केतको चिन्ह पर्नेगरी मत सङ्केत गरिएको अवस्थामा मत बदर हुने उल्लेख छ ।
फिक्कलमा एमाले, मरिणमा गठबन्धन विजयी
सिन्धुली जिल्लामा बुधबार थप फिक्कल गाउँपालिका र मरिण गाउँपालिकाको अन्तिम मतगणना परिणाम आएको छ । फिक्कल गाँउपालिकामा सत्तारुढ गठबन्धन (नेपाली काँग्रस र नेकपा माओवादी केन्द्र)का उम्मेदवारलाई पछि पार्दै नेकपा एमालेका उम्मेदवार पार्वती सुनुवार गाउँपालिकामा अध्यक्षमा निर्वाचित बन्नु भएको छ । त्यस्तै गाउँपालिका उपाध्यक्षमा पनि नेकपा एमालेकै राजु बराल जित्नुभएको छ ।
भक्तपुर चाँगुनारायण प्रमुखमा काँग्रेस र उपप्रमुखमा एमाले विजयी
भक्तपुरको चाँगुनारायण नगरपालिका प्रमुखमा नेपाली कांँग्रेसका जीवन खत्री नौ हजार ५५० मतसहित विजयी हुनुभएको छ । नगर उपप्रमुखमा नेकपा एमालेका रमेश बुढाथोकी ११ हजार १०७ मतसहित निर्वाचित हुनुभयो ।
जुगलमा गठबन्धनका रेशम र हिमाल विजयी
सिन्धुपाल्चोक, जेठ ४ गते । जुगल गाउँपालिकाको अध्यक्षमा नेकपा (माओवादी केन्द्र) का रेशम स्याङ्बो र नेपाली कांग्रेसका हिमाल श्रेष्ठ विजयी भएका छन् । उक्त गाउँपालिकामा नेपाली कांग्रेस र माओवादी केन्द्रको गठबन्धन भई नेकपा एमालेसँग निर्वाचनमा प्रतिस्पर्धा गरेको थियो । एकिकृत समाजवादीका उम्मेदवार स्याङ्बोले पाँच हजार ५७२ मत ल्याउनु भएको छ भने उहाँको निकटतम प्रतिदन्द्धी एमालेका जयबहादुर लामाले चार हजार ४१५ मत ल्याउनु भएको छ ।गठबन्धनका उपाध्यक्ष उम्मेदवार हिमाल कुमार श्रेष्ठले चार हजार ७६८ मत ल्याई विजयी हुनु भएको छ । उहाँको निकटतम प्रतिदन्द्धी एमालेकी सुनिता थापा लामाले तीन हजार ७०७ मत ल्याई पराजित हुनु भएको छ ।
धमाधम आउँदै निर्वाचन परिणाम
गत शुक्रबार सम्पन्न स्थानीय तह सदस्यको निर्वाचनको मत परिणाम धमाधम आइरहेको छ । उम्मेदवारहरू धेरै भएका स्थानमा मतगणनाको परिणाम आउन समय लागेको पाइएको छ । बागमती प्रदेशका विभिन्न जिल्लाबाट प्राप्त मत परिणामअनुसार सत्तारूढ गठबन्धनले अग्रता लिएको छ भने दोस्रो स्थानमा नेकपा (एमाले) रहेको छ ।
चाँगुनारायणको प्रमुखमा काँग्रेस र उपप्रमुखमा एमाले विजयी
चाँगुनारायण नगरपालिकाको प्रमुखमा नेपाली काँग्रेसका उम्मेदवार जीवन खत्री विजयी हुनुभएको छ । एमालेका बिणा बाँस्तोलालाई झिनो मतान्तरले पराजित गर्दै उहाँ विजयी हुनुभएको हो । नगरप्रमुखमा कांग्रेसका उम्मेदवार खत्रीले नौ हजार ५५० मत प्राप्त गरी विजयी हुनुभएको छ भने उहाँको निकटतम् प्रतिद्वन्द्वी एमालेका उम्मेदवार बाँस्तोलाले नौ हजार १६० मत प्राप्त गर्नुभयो । यसपटकको निर्वाचनमा ३९० मतले कांग्रेससँग पराजय भोग्नुभएकी बाँस्तोला यसअघि चाँगुनारायण नगरपालिकाको उपप्रमुख हुनुहुन्थ्यो ।
भरतपुरमा मतान्तर बढाउँदै दाहाल
भरतपुर महानगरपालिकामा जारी मतगणनामा पाँचदलीय गठबन्धनका उम्मेदवारको मन्तान्तर बढ्दै गएको छ । गठबन्धनबाट प्रमुख पदका उम्मेदवार बन्नुभएकी नेकपा(माओवादी केन्द्र)का रेनु दाहाल र नेकपा (एमाले)का विजय सुवेदीबीचको मतान्तर एक हजार ३९३ पुगेको छ । दाहाल नौ हजार ४४७ मतका साथ अग्रस्थानमा हुनुहुन्छ भने सुवेदी आठ हजार ५४ मतका साथ पछ्याइरहनुभएको छ । यस्तै स्वतन्त्र उम्मेदवार जगन्नाथ पौडेल चार हजार २६५ मतका साथ तेस्रो स्थानमा हुनुहुन्छ । उपप्रमुखमा नेपाली कांग्रेसका चित्रसेन अधिकारीले ११ हजार २६५ र राप्रपाका हिमला गुरुङले छ हजार ५७७ मत प्राप्त गर्नुभएको छ ।
काठमाडौंको शंखरापुर नगर प्रमुखमा राप्रपाका नापित, उपप्रमुखमा कांग्रेसका श्रेष्ठ विजयी
काठमाडौंको शंखरापुर नगरपालिका प्रमुखमा राष्ट्रिय प्रजातन्त्र पार्टीका रमेश नापित चार हजार सात सय मतसहित विजयी हुनुभएको छ ।
