• गोरखापत्र अनलाइन
• १५ फागुन २०८१, बिहिबार

मोटरसाइकलको ठक्करबाट पैदल यात्रीको मृत्यु

अनिल पराजुलीहेटौँडा, फागुन १५ गते । हेटौँडामा मोटरसाइकलले ठक्कर दिँदा पैदल यात्रीको मृत्यु भएको छ । हेटौँडा उपमहानगरपालिका–६ मा मोटरसाइकलको ठक्करबाट हेटौँडा–६ रामनगर बस्ने ६१ वर्षीय कमलबहादुर बोहोराको मृत्यु भएको हो ।हेटौँडा उपमहानगरपालिका–६ सल्लाघारी नजिकै भित्री सडक खण्डमा रामनगरतर्फबाट हात्तिलेटतर्फ आउँदै गरेको ना ५४ प १८७६ नम्बरको मोटरसाइकलको ठक्करबाट उहाँको मृत्यु भएको हो । ठक्करबाट गम्भीर घाइते हुनुभएका उहाँको उपचारका क्रममा चितवन मेडिकल कलेजमा बिहीबार बिहान मृत्यु भएको जिल्ला प्रहरी कार्यालय मकवानपुरका प्रहरी नायब उपरीक्षक श्यामु अर्यालले जानकारी दिनुभयो । ठक्कर दिने चालक र मोटरसाइकललाई प्रहरीले नियन्त्रणमा लिएको छ ।