हवाई भाडा वृद्धिविरुद्ध नेविसङ्घको धर्ना
नेपाली कांग्रेस पार्टीको भ्रातृ सङ्गठन नेपाल विद्यार्थी सङ्घले काठमाडौँ–धनगढी हवाई भाडा बढाइएको प्रति विरोध जनाउँदै धनगढी विमानस्थलको मूलगेटमा शान्तिपूर्ण धर्ना दिएको छ । नेविसङ्घका कैलाली जिल्ला अध्यक्ष मनीष कुँवरको नेतृत्वमा रहेको विद्यार्थीको समूहले विमानस्थल गेटबाहिर उभिई हवाई भाडा वृद्धिको विरोध जनाएको छ ।
पञ्चेश्वर सडकमा कमसल सामग्रीको प्रयोग
बहुप्रतिक्षित पाटन–पञ्चेश्वर सडकखण्डको मेलौलीदेखि पञ्चेश्वर जोड्ने २५ किलोमिटर सडकखण्डमा कमसल निर्माण सामग्रीको प्रयोग भएको पाइएको छ । तल्लोस्वराड क्षेत्रका तीन वटा स्थानीय तह जोड्न मेलौली नगरपालिकाको काँडाबजारदेखि शिवनाथ गाउँपालिका हुँदै पञ्चेश्वर गाउँपालिकासम्मको उक्त सडक कालोपत्रे गर्न ४१ करोड रुपियाँको ठेक्का लागेको हो । पूर्वाधार विकास कार्यालय बैतडीबाट आर्थिक वर्ष २०७६/७७ मा ठेक्का आह्वान भई कनकाइ कन्स्ट्रक्सनले सडक निर्माण तथा कालोपत्रे कामको जिम्म्मा लिएको हो । गत वर्ष नै सडक कालोपत्रे र पर्खाल लगाउने काम सम्पन्न भइसक्नुपर्नेमा अझै पूरा हुन सकेको छैन ।
खाली भएका गाउँबस्ती दसैँमा भरिँदै
हिउँद तथा बर्खाको समयमा खाली भएका बाजुराका अधिकांश गाउँबस्ती दसैँतिहार लागेसँगै भरिन थालेका छन् । भोको पेट पाल्न रोजगारीका लागि भारत तथा विभिन्न सहरमा गएका स्थानीयवासी यति बेला दसैँ मनाउन गृह जिल्ला बाजुरा फर्किंदै छन् । नेपाल–भारत सीमानाका तथा राजधानी काठमाडौँ र धनगढीबाट धमाधम घर फर्किन थालेपछि बर्खाको समयमा खाली हुँदै गएका गाउँबस्ती अहिले भरिन थालेका हुन् ।
सरकारले सुदूरपश्चिमलाई विशेष प्राथमिकतामा राखेको छ : प्रधानमन्त्री प्रचण्ड
प्रधानमन्त्री पुष्पकमल प्रचण्डले सुदूरपश्चिम प्रदेशलाई विशेष प्राथमिकतामा राखेर सरकारले काम गरेको बताउनुभएको छ ।
प्रधानमन्त्री प्रचण्डद्वारा घोडाघोडी क्याम्पसको भवन शिलान्यास
प्रधानमन्त्री पुष्पकमल दाहाल ‘प्रचण्ड’ले घोडाघोडी बहुमुखी क्याम्पस सुखड, कैलालीमा शैक्षिक भवन शिलान्यास गर्नुभएको छ ।
-original-thumb.jpg)
प्रधानमन्त्री प्रचण्ड कैलालीमा
प्रधानमन्त्री एवम् नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ कैलाली आइपुग्नुभएको छ ।
सुदूरपश्चिममा भूकम्पको धक्का महसुस
बैतडीसहित सुदूरपश्चिमका पहाडी जिल्लामा आज बिहान भूकम्पको धक्का महसुस गरिएको छ
बैतडीमा असिनापानीले बालीनाली सखाप
असिनापानीले पाकेको धान, भटमास, कोदो, र तरकारी नष्ट गरेको डिलाशैनी–७ का मदन धामीले जानकारी दिनुभयो । पाकेर भित्र्याउन तयारी गरेको बाली नष्ट गरेपछि किसान चिन्तित बनेका छन् । धान र भटमासका साथै किसानले आफ्नो खेतमा लगाएको सबै तरकारीसमेत असिनापानीले नष्ट गरेको छ ।
आयुर्वेद उपचार सेवाप्रति आकर्षण बढ्दो
सुदूरपश्चिम प्रदेशमा आयुर्वेद उपचार सेवाप्रति सर्वसाधारणको आकर्षण बढ्दै गएको छ । प्रदेशस्थित प्रादेशिक आयुर्वेद चिकित्सालयसहित सबै जिल्लामा रहेको आयुर्वेद स्वास्थ्य केन्द्रको वार्षिक प्रतिवेदनले आयुर्वेदिक उपचार सेवाप्रति आकर्षण बढ्दै गएको देखाएको हो । दीर्घरोगी, ज्येष्ठ नागरिकले आयुर्वेदिक उपचार पद्धतिलाई रुचाउने गरेको जनाइएको छ । प्रादेशिक आयुर्वेद चिकित्सालयका अनुसार सो चिकित्सालयबाट आर्थिक वर्ष २०७९/८० मा छ हजार ७४४ जनाले सेवा लिएका छन् । तीन हजार ६३२ जनाले एकाङ्ग संवेदन, १४ जनाले सर्वाङ्ग संवेदन, १५६ जना शिरोधारा तथा अन्य र दुई हजार ९४२ जनाले अभयङ्ग सेवा लिएको चिकित्सालयका निमित्त सुपरिन्टेन्डेन्ट डा. सूर्य उपाध्यायले जानकारी दिनुभयो ।
प्रसूति केन्द्र बन्द हुँदा बाटोमै जन्मिन्छन् बच्चा
गाउँको प्रसूति केन्द्र एक वर्षदेखि बन्द हुँदा भारतसँग सीमा जोडिएको पञ्चेश्वरको विनायक गाउँका महिला अस्पताल पुग्न नपाई बिचबाटोमै बच्चा जन्माउन बाध्य छन्। प्रसूति बेथा लागेका महिलालाई भारतीय अस्पतालनजिक पर्ने भए पनि भारतीय सीमा सुरक्षा बलले महाकाली नदीको विनायकघाटमा नियमित डुङ्गा चल्न नदिँदा यस्तो समस्या भोग्न बाध्य हुने गरेका छन्। भारतसँग सीमा जोडिएको पञ्चेश्वर गाउँपालिका–४, विनायक गाउँमा ११२ घरधुरी रहेका छन्। गाउँमा स्वास्थ्य संस्थाको माग राख्दै स्थानीयले दुई रोपनी जग्गा दान गरेपछि गाउँपालिकाले छ लाख रुपियाँ खर्च गरेर दुई वर्षअघि प्रसूति केन्द्र स्थापना गरेको थियो।
बिप्लवद्वारा भूकम्प पीडितलाई राहत हस्तान्तरण
नेकपा (बिप्लव समूह) का महासचिव नेत्र बिक्रम चन्द (बिप्लव) ले बझाङका भूकम्प पीडितहरु लागि जिल्ला बिपद ब्यवस्थापन समिति नगदसहित राहत सामग्री हस्तान्तरण गर्नुभएको छ ।
सुदूरपश्चिममा डेङ्गु सङ्क्रमितको सङ्ख्या हजार नाघ्यो
सुदूरपश्चिम प्रदेशमा डेङ्गु सङ्क्रमित सङ्ख्या हजार नाघेको छ । प्रादेशिक स्वास्थ्य निर्देशनालयका अनुसार प्रदेशमा हालसम्म एक हजार १४२ जनालाई डेङ्गु सङ्क्रमण भएको छ ।
विपद्जन्य घटनाबाट साढे दुई करोडको क्षति
सुदूरपश्चिम प्रदेशमा विपद्जन्य घटनाका कारण दुई करोड ४९ लाख ३६ हजार रुपियाँ बराबरको क्षति भएको छ । बाढी, आगलागी, वर्षाजस्ता विपद्जन्य घटनाका कारण क्षति भएको आन्तरिक मामिला तथा कानुन मन्त्रालय अन्तर्गतको प्रदेश विपद् कार्य सञ्चालन केन्द्रले जानकारी दिएको छ ।
श्रमलाई मर्यादित बनाउन सकारात्मक सोच आवश्यक
संविधानले महिला वा पुरुषले गर्ने काम (श्रम) मा अन्तर नहुने व्यवस्था गरेको भए पनि समाजले महिलाले गर्दै आएका कतिपय श्रमलाई हेलाको दृष्टिले हेर्ने गरेको धनगढीमा आयोजित एक कार्यक्रमका सहभागीले गुनासो गर्नुभएको छ । श्रमिक महिला रक्षा सङ्घले शुक्रबार योगदानमा आधारित सामाजिक सुरक्षा ऐन र अनौपचारिक मनोरञ्जनात्मक क्रियाशील क्षेत्रमा महिलाको अवस्था विषयक सरोकारवाला निकायसँग गरेको अन्तव्रिर्mया कार्यक्रमका सहभागीले यस्तो बताउनुभएको हो ।
बजार पुग्यो बाजुराको अर्गानिक स्याउ
बाजुराको अर्गानिक स्याउ बिक्रीका लागि बजारमा लगिएको छ । बाजुरामा उत्पादन गरिएको अर्गानिक स्याउ स्थानीय रूपमा बिक्री नभएपछि किसानले सहर लगेका हुन् । कृषि ज्ञान केन्द्र बाजुराको ढुवानी अनुदान ग्रेप परियोजनाले गरेको कार्टोनको सहयोगमा बाजुराको स्वामिकार्तिक गाउँपालिकामा उत्पादन गरिएको स्याउ बिक्रीका लागि सहर लगिएको स्वामिकार्तिक गाउँपालिका–१, जोरुका स्याउ किसान धनबहादुर रावलले बताउनुभयो । उहाँले भन्नुभयो, “केही समयअघि बाटो बन्दका कारण बारीमै रहेको स्याउ यति बेला मार्तडी–कोल्टी सडक सञ्चालनमा आएपछि बिक्री लागि जिल्लाबाहिर लगिएको हो ।”
झुलाघाट नाका आंशिकरुपमा सञ्चालन
भारतीय सिमानाका झुलाघाट अझै पूर्णरुपमा सञ्चालनमा आएको छैन । झुलाघाटस्थित महाकाली नदीमा रहेको झोलुङ्गे पुल मर्मत भइरहेकाले असोज ९ गतेदेखि आंशिकरुपमा मात्रै आवतजावत भइरहेको बैतडीका प्रमुख जिल्ला अधिकारी सुरेश पन्थीले जानकारी दिनुभयो ।
-original-thumb.jpg)
पहिचानका लागि दसैँ मनाउँछन् बझाङवासी
हिन्दुहरूको महान् चाडका रूपमा रहेको बडादसैँ बझाङका स्थानीयले पहिचान संरक्षणका लागि मनाउँदैआएका छन् । जिल्लाका प्रायजसो सबै ठाउँमा मनाइने यो पर्व संस्कार र संस्कृतिको जगेर्नासँगै आपसी सदभावका रूपमा मनाउने गर्छन् ।
बाह्र हजार घरमा क्षति, पुनर्निर्माणको तयारी गर्दै प्राधिकरण
बझाङ भूकम्पका कारण जिल्लाका १२ हजार ३७६ वटा घर तथा भवनमा क्षति पुगेको छ । जिल्ला विपत् व्यवस्थापन समितिले जिल्लाका १२ वटै पालिकाबाट प्राप्त विवरण सार्वजनिक गर्दै सो जानकारी दिएको हो । जिल्लामा पूर्ण, आंशिक र सामान्य क्षति भएका १२ हजार ३७६ घर तथा भवन छन् । विवरण अनुसार जिल्लामा दुई हजार ४४५ घरमा पूर्ण क्षति पुगेको छ । छ हजार ८४ आंशिक र तीन हजार ५२४ घरमा सामान्य क्षति पुगेको छ । भूकम्पबाट १२३ वटा सरकारी भवन तथा कार्यालय पूर्ण क्षति र १५२ भवनमा आंशिक क्षति पुगेको प्रतिवेदनमा उल्लेख छ ।
बाजुराका बस्तीमा भूकम्पको त्रास
बर्खाको समय बाढीपहिरोबाट जोगिएका स्थानीयलाई अहिले फेरि भूकम्पको त्रास पसेको छ । बर्खाको समय बाढीपहिरोबाट जोगिँदै आएका यहाँका स्थानीयको अहिले फेरि भूकम्पले घर चर्किएपछि उनीहरू त्रसित बनेका हुन् । बर्खाको समय गाउँमाथिबाट आएको पहिरोले घर बगाउँछ कि भन्ने डरैडरमा बास बस्नु परेको थियो । अहिले फेरि भूकम्पको त्रासमा रात काट्नु परेको खप्तड छेडेदह गाउँपालिका–५, डोगडीका पदम सार्कीले बताउनुभयो । उहाँले भन्नुभयो, “एक दुई दिन भए कतै गएर त्रिपालमा बास गराैँ भन्नु, परिवार ठुलो छ । बर्खाको समय लेकमा गएर बास बस्यौँ । अब हिउँद लाग्यो, यहाँ धेरै चिसो हुन्छ । त्यो चिसोमा कहाँ गएर रात काट्ने निकै चिन्ता लागेको छ ।”
गणतन्त्र र संविधानमाथि आक्रमण भइरहेको छ : अध्यक्ष नेपाल
नेकपा (एकीकृत समाजवादी)का अध्यक्ष तथा पूर्वप्रधानमन्त्री माधवकुमार नेपालले मुलुकमा संविधान र गणतन्त्र मास्न षड्यन्त्र भइरहेको दाबी गर्नुभएको छ ।
थारु गाउँबस्तीमा सखिया नाचको रौनक
चाडपर्व नजिकिएसँगै थारु बस्तीमा सखिया नाचको रौनक छाएको छ । दसैं आउन थालेपछि कैलाली, कञ्चनपुरका थारुले आ–आफ्ना गाउँमा सखिया नाच नाच्न थालेका हुन् ।
धनगढी र गोदावरीका खाद्य उद्योगमा मन्त्रीको छड्के अनुगमन
चाडपर्वका बेला अखाद्य वस्तुको बिक्रीवितरण रोक्नका लागि सुदूरपश्चिम प्रदेशको उद्योग, पर्यटन, वन तथा वातावरण मन्त्रालयले कैलालीको धनगढी र गोदावरी नगरभित्र रहेका खाद्य उद्योग तथा गोदामहरुको अनुगमन थालेको छ ।
घर छोडेर टहराको बास गर्दै बाजुराबासी
बाजुराका अधिकांश स्थानीय यती बेला भूकम्पको डरले धमाधम घर छोडेर टहरामा बास बस्न थालेका छन् । जिल्लाका नौ वटै स्थानीय निकायका अधिकांश घर माटो र ढुङ्गाले मात्र निर्माण गरिएका छन् । असोज १६ गते आएको भूकम्पले यस्ता घरमा बढी क्षति गरेपछि अहिले यहाँका स्थानीय भूकम्पको डरले धमाधम घर छोडेर टहराको बास गर्न थालेका हुन् ।
विपिनका परिवार तनावमा
इजरायलमा हमासको आक्रमणपछि बेपत्ता हुनुभएका बैतडीका विपिन जोशी अझै सम्पर्कमा आउन सकेका छैनन् । बैतडीको दोगडाकेदार गाउँपालिका–१, रिमका विपिन जोशी भदौ अन्तिम साता इजरायल जानुभएको थियो । हमासको आक्रमणपछि उहाँ शनिबारदेखि सम्पर्कविहीन हुनुहुन्छ ।
बझाङ केन्द्रबिन्दु बनाएर ५१३ वटा पराकम्पन गए
असोज १६ गते बझाङ सदरमुकाम चैनपुर केन्द्रबिन्दु बनाएर गएको ६.३ रेक्टर स्केलको भूकम्पपछि यस क्षेत्र वरिपरि केन्द्रबिन्दु बनाएर ५१३ वटा पराकम्पन गएको भूकम्प राष्ट्रिय भूकम्प मापन तथा अनुसन्धान केन्द्रले जनाएको छ ।
