दुई तिहाइ सदस्यको विश्वासको मत पाउने मुख्यमन्त्री शाहको दाबी
सुदूरपश्चिम प्रदेशका मुख्यमन्त्री कमलबहादुर शाहले आफूलाई दुईतिहाइ प्रदेश सभा सदस्यले विश्वासको मत दिने विश्वास व्यक्त गर्नुभएको छ ।
डडेल्धुरामा जिप दुर्घटना हुँदा एकको मृत्यु, ११ घाइते
डडेल्धुराको परशुराम नगरपालिकामा आज सोमबार जिप दुर्घटना भएको छ । दुर्घटनामा परी एक जनाको घटनास्थलमै मृत्यु भएको छ । ११ जना घाइते भएका छन् ।
तौलाहा तालको सौन्दर्यीकरण
धनगढी उपमहानगरपालिका–८ स्थित धनगढी गाउँको प्राकृतिक तौलाहा ताल व्यवस्थापन गरिएको छ। सो ताल बेवारिस अवस्थामा रहेको थियो। वडा नम्बर ८ का अध्यक्ष जुगराम चौधरीका अनुसार पर्यटन प्रवद्र्धनको उद्देश्यसहित प्राकृतिक तालको व्यवस्थापन गरिएको हो। यो ताल अब पर्यटकीय गन्तव्य बन्ने अपेक्षा पालिकाको छ। सो व्यवस्थित तालबाट सङ्कलन हुने राजस्वको केही प्रतिशत वडा कार्यालयले पाउने छ।
मेलामा स्थानीय उत्पादन खरिद–बिक्री
महाशिवरात्रि (फागुन ६ गते)का अवसरमा आयोजना गरिएको दार्चुलाको गोकुलेश्वर मेलामा स्थानीय उत्पादनको राम्रो कारोबार भएको छ । दार्चुलाको सबभन्दा ठूलो गोकुलेश्वर मेला हरेक वर्ष महाशिवरात्रिदेखि एक हप्तासम्म लाग्ने गर्छ । शिवरात्रिको दिन पूजाआजामा सहभागी हुने दर्शनार्थीले पूजाआजापछि स्थानीय उत्पादन खरिद–बिक्री गरी लैजाने गरेका छन् । स्थानीय उत्पादनको बजार प्रवद्र्धनमा गोकुलेश्वर मेलाले महत्वपूर्ण योगदान पु-याएको स्थानीय व्यापारी तोयराज जोशीले बताउनुभयो ।
व्यवसायीद्वारा थप आन्दोलनको कार्यक्रम घोषणा
बैङ्क तथा वित्तीय संस्थाले बढाएको ब्याजदरविरुद्ध आन्दोलनमा उत्रेका कैलालीका व्यवसायीले आन्दोलनका थप कार्यक्रम घोषणा गरेका छन्।
बाटो काट्दा आलोचना
कैलालीको धनगढीस्थित छ लेनको सडकमा लगाइएको तारजाली नाघेर मान्छेले बाटो काट्ने कार्यको व्यापक आलोचना भएको छ। जान्ने बुझ्ने मान्छेले त्यस्तो किसिमको लाजमर्दो हर्कत गर्न नहुने भन्दै धेरैले आलोचना गरेका हुन्। छ लेनको सडकको मेडियनमा लगाइएको बोटबिरुवा जोगाउन र जथाभावी बाटो काट्नमा रोक लगाउनका लागि
अस्पतालमा न औषधि न चिकित्सक
संविधानमा स्वास्थ्य उपचारको हकलाई मौलिक हकका रूपमा राखिएको छ। आधारभूत स्वास्थ्य सेवा निःशुल्कसमेत भनिएको छ। यद्यपि ग्रामीण भेगका सरकारी अस्पतालमा न चिकित्सक भेटिन्छन् न औषधि पाइन्छ। सङ्घीय सरकार मातहत रहेका देशभरका १२ वटा अस्पतालमध्ये डडेल्धुरा अस्पताल एक हो तर सो अस्पतालमा मनोचिकित्सक र औषधि पाउन मुस्किल छ। मनोचिकित्सक र औषधि नहुँदा मानसिक रोगीको उपचारमा समस्या हुँदै आएको छ।
हराउँदै ऐतिहासिक ढुङ्गे धर्मशाला
सडक नहुँदा पैदल यात्राका लागि बनाइएका कट्या बाटा (सबलको प्रयोग गरेर हातले काटेर बनाइएका बाटा)मा बास बस्न बनाइएका ढुङ्गे धर्मशालाहरू मासिँदै र नासिँदै गएका छन्। सुदूरपश्चिमका पहाडी जिल्लाहरूमा बजार नहुँदा वर्षभरि खानलाई पुग्ने गरेर नुन, गुँड, तेललगायतका दैनिक उपभोग्य वस्तु खरिद गर्न स्थानीय एक हप्तासम्म पैदल हिँडेर नेपाल–भारतका सीमा बजार ब्रह्मदेव र टनकपुर पुग्थे। करिब तीन दशक अघिसम्म पनि यो क्रम चलिरहेको थियो।
-original-thumb.jpg)
सङ्घमा बनेको समीकरणले मुख्यमन्त्रीलाई राहत
राष्ट्रपति निर्वाचनका लागि राजनीतिक दलहरूबीच सङ्घमा बनेको नयाँ समीकरणले सुदूरपश्चिम प्रदेशका मुख्यमन्त्री कमलबहादुर शाहलाई राहत भएको छ। पदमा रहिरहनका लागि उहाँले बहुमत प्राप्त गर्न सक्ने आधार सुनिश्चित भएपछि मुख्यमन्त्री शाहलाई राहत भएको हो।
प्रधानमन्त्रीको पहलमा आगलागीका घाइतेलाई हेलिकोप्टरमार्फत काठमाडौं ल्याइयो
आगलागीमा परेर सिकिस्त भएका अछामको पञ्चदेवल विनायक नगरपालिका–८ कोसेडीका दुईजना युवालाई प्रधानमन्त्रीको पहलमा थप उपचारका लागि नेपाली सेनाको हेलिकोप्टरबाट काठमाडौं ल्याइएको छ ।
भूकम्पपीडित पालमुनि
भूकम्पले घर भत्काएपछि हिमाली गाउँपालिका–७ का विष्णुप्रसाद तिमिल्सेना त्रिपालकै सहारामा रात कटाउँदै आउनुभएको छ। माघ १० गतेको भूकम्पले घर भत्किँदा खाद्यान्न, भाँडाकुडा, लत्ताकपडा सबै पुरिएपछि तिमिल्सेना पालमा बस्दै आउनुभएको छ। तिमिल्सेनाले ऋण गरेर सानो घर बनाउनुभएको थियो। त्यही घरसमेत भूकम्पले भत्किएपछि अर्को घर कसरी बनाउने भन्ने चिन्ता उहाँमा छ। अहिले यताका अधिकांश स्थानीय भूकम्पको डरले सबै खुला आकाशमा त्रिपालको बासमा रहेको तिमिल्सेनाले बताउनुभयो।
डोलाडोलीमा ‘दुल्हेराजा दुल्हीरानी’
चिटिक्क सिँगारिएको डोला थियो। त्यसभित्र गलाभरि पैसाको माला लगाउनुभएका ‘दुल्हेराजा’ । डोलाको पछिपछि परम्परागत वेशभूषामा सजिएका महिला, युवकयुवतीसहित बालबालिका पनि बाजागाजाको तालमा नाचिरहेका थिए। सुदूरपश्चिम प्रदेशको तराईवासी, आदिवासी, जनजाति र रानाथारू समुदायको विवाहमा देखिएको दृश्य हो, यो। विवाहमा बेहुला (दुलहा)लाई डोला र बेहुली (दुलही)लाई डोलीमा बोक्ने रानाथारू समुदायको पुरानो चलन हो। डङ्गौरा, देउखरिया थारूले डोलाडोलीमा बेहुलाबेहुली बोक्ने चलनलाई मास्दै गएका बेला रानाथारू समुदायले भने आफ्नो पुरानो परम्परालाई जोगाएर राखेको छ।
एसपिएको रजत जयन्तीः चार महिला क्रिकेटर सम्मानित
धनगढी उपमहानगरपालिका–२ मा रहेकोे सुदूरपश्चिमाञ्चल एकेडेमी (एसपिए कलेज) को रजत जयन्तीका अवसरमा चार महिला क्रिकेटर सम्मान गरेको छ ।
भारत जाने कामदारको निःशुल्क दुर्घटना बीमा
बैतडीको पाटन नगरपालिकाले स्थानीय साझेदार संस्थासँग मिलेर भारतमा काम गर्ने जाने नेपाली कामदारको दुर्घटना बीमा गराउन थालेको छ । पाटन नगरपालिका र स्थानीय साझेदार संस्था रुडेस बैतडीले भारतमा काम गर्न जाने मजदुरको पाँचदेखि सात लाख रुपियाँसम्मको निःशुल्क बीमा सुरु गरेको हो । बिहीबारदेखि वडास्तरमै गएर बीमा गर्न नगरपालिकाले टोली नै खटाएको पाटन नगरपालिकाका निमित्त कार्यकारी प्रमुख राजेन्द्रप्रसाद भट्टले बताउनुभयो । बिहीबार पाटन नगरपालिका–६ मा खटिएको टोलीले भारतमा कम गर्न जाने कामदारको निःशुल्क बीमा भर्न थालेपछि एकै दिन २५० जनाले दुर्घटना बीमाको फाराम भरेको उहाँले जानकारी दिनुभयो ।
हिमपात नहुँदा भोकमरीको जोखिम
सुर्मा गाउँपालिका–१ दौलिचौरका राजेन्द्रबहादुर बुढा खेतबारीमा हेर्दै टोलाउनुहुन्छ । मङ्सिरमा छरेको गहुँ फागुनको मध्यतिर पनि नउठेपछि आउँदो वर्ष खाद्य सङ्कट होला भन्ने चिन्ताले उहाँलाई सताउन थालेको छ ।
बहुमत जुटाउन मुख्यमन्त्री शाहको दौडधुप
सुदूरपश्चिम प्रदेशका मुख्यमन्त्री कमलबहादुर शाहले विश्वासको मत प्राप्तिका लागि राजनीतिक दौडधुप बढाउनुभएको छ। उहाँले मुख्यमन्त्रीमा नियुक्त भएकै दिन विश्वासको मत चाँडै लिने प्रतिक्रिया दिनुभएको थियो। यद्यपि शाहले अहिलेसम्म विश्वासको मत प्राप्त गर्न सक्ने छाँटकाँट देखिएको छैन। त्यस्तै उहाँले विश्वासको मत लिने तिथिमितिको समेत अझै टुङ्गो लागेको छैन।
छ लेन सडक झिलिमिली
सुदूरपश्चिम प्रदेशको अस्थायी राजधानी धनगढीको छ लेन सडकको करिब ६.५ किलोमिटरमा स्मार्ट सडक बत्ती जडान गरिएको छ। स्मार्ट सडक बत्ती जडानले सडक झिलिमिली हुनुका साथै दुर्घटना न्यूनीकरणमा सहयोग पुग्ने अपेक्षा छ। सो सडक बत्तीको महसुल धनगढी उपमहानगरपालिकाले तिर्ने जनाइएको छ।
अढाई दशकपछि सपना साकार हुँदै
अढाई दशकपछि सुदूरपश्चिमवासीको सपना साकार हुने भएको छ । प्रक्रियागत उल्झनका कारण लामो समयदेखि अलपत्र रहेको कञ्चनपुरको दैजी–छेला औद्योगिक क्षेत्र स्थापना हुने भएको हो । २०५२ सालमा मनमोहन अधिकारी प्रधानमन्त्री रहेका बेलादेखि दैजीको छेलामा औद्योगिक क्षेत्र स्थापना हुने चर्चा चले पनि हालसम्म काम सुरु हुन सकेको थिएन । झन्डै अढाई दशकभन्दा बढी समयपछि औद्योगिक क्षेत्रको कार्यालय स्थापना गरिएको छ ।
एसपीए कलेजद्वारा मानव सेवा आश्रमलाई आर्थिक सहयोग
कैलालीको धनगढीमा रहेको एसपीए कलेजले धनगढीको तारानगरस्थित मानव सेवा आश्रमलाई एक लाख रुपियाँ सहयोग गरेको छ ।
गाडीको ठक्करबाट पैदलयात्रीको मृत्यु
कैलालीमा सवारी दुर्घटनामा परी एक जनाको मृत्यु भएको छ । गोदावरी नगरपालिका वडा ९ बल्मीमा बिहीबार हाइस गाडीको ठक्करबाट उहाँको मृत्यु भएको हो ।
छचोडामा पानी अभाव
करिब अढाई सय घरधुरी रहेको छचोडा गाउँमा खानेपानीको चरम अभाव छ। चार वर्षपहिले सो गाउँमा नयाँ धारा बनेका थिए। तर, धारामा पानी सञ्चालन नै भएन। अहिले धारा नै जीर्ण बनेका छन्। अमरगढी नगरपालिका–६ को छचोडा गाउँ नगरपालिकाकै सबैभन्दा ठूलो गाउँ हो। ठूलो दलित बस्ती रहेको गाउँमा खानेपानीको सधैँ अभाव छ। २०७६ सालमा अमरगढी नगरपालिकाको करिब पाँच लाख रुपियाँ लागतमा गाउँमा १० वटा धारा बनाइएको थियो। २०४८ सालमा निर्माण गरिएको खानेपानीको लाइन ट्याङ्कीहरू पनि मर्मत गरेर पानी सञ्चालन गरिएको पूर्ववडाध्यक्ष गोविन्दराज भट्टले जानकारी दिनुभयो।
शिक्षामा बजेट बढाउने प्रतिबद्धता
सुदूरपश्चिम प्रदेश सरकारका भौतिक पूर्वाधारमन्त्री प्रकाशबहादुर देउवाले शिक्षा क्षेत्रमा उल्लेख्य बजेट विनियोजन गर्न विशेष पहल गरिने बताउनुभएको छ। मन्त्री देउवाले शिक्षाका लागि राष्ट्रिय अभियान नेपालद्वारा बुधबार धनगढीमा आयोजित प्रदेशस्तरीय ‘प्रदेशमा नयाँ सरकार : शिक्षालाई प्राथमिकता कति ?’ छलफलमा यस्तो धारणा व्यक्त गर्नुभएको हो।
फोहोरमैला व्यवस्थापन केन्द्र निर्माण
कुहिने फोहोरमैला व्यवस्थापनको उद्देश्यसहित धनगढी उपमहानगरपालिका–२, दक्षिण बेहडीमा फोहोरमैला व्यवस्थापन केन्द्र निर्माण गरिएको छ। २० करोड ८४ लाख रुपियाँ लगानीमा फोहोरमैला व्यवस्थापन केन्द्र (वास्टे टु इनर्जी प्रोजेक्ट) निर्माण गरिएको हो।
शिवशिखर सहकारीविरुद्ध आन्दोलन
बचतकर्ताको रकम फिर्ता नदिएपछि शिवशिखर बहुउद्देश्य सहकारी संस्थाविरुद्ध नेपाल विद्यार्थी सङ्घ (नेविसङ्घ) डडेल्धुरा आन्दोलनमा उत्रिएको छ । डडेल्धुराका बचककर्ताबाट ४० करोड रुपियाँभन्दा बढी रकम सङ्कलन गरी दुई करोड रुपियाँ लगानी गरेको सो सहकारी संस्थाले बचत रकम फिर्ता गर्नै छोडेपछि नेविसङ्घ आन्दोलनमा उत्रिएको हो । बुधबार हातहातमा प्लेकार्ड बोकेर नेपाल विद्यार्थी सङ्घ डडेल्धुराले जिल्ला सदरमुकामस्थित बागबजारमा प्रदर्शन गरेको हो । विरोध प्रदर्शनपछि आयोजित कोण सभालाई सम्बोधन गर्दै नेपाली कांग्रेसका महाधिवेशन प्रतिनिधि तथा विद्यार्थी नेता जगत ऐरले समाजमा व्याप्त विकृतिविरुद्ध नेपाल विद्यार्थी सङ्घ सधैँ सक्रिय भएर लाग्दै आएको बताउनुभयो ।
धनगढीको छ लेन सडकमा बल्यो ‘स्मार्ट’ बत्ती
सुदूरपश्चिम प्रदेशको अस्थायी राजधानी धनगढीमा रहेको छ लेन सडकमा बुधबारदेखि स्मार्ट सडक बत्ती बल्न सुरु भएको छ।
