बजेट पारित
सङ्घीय संसद्ले सरकारको आर्थिक वर्ष २०८२/८३ को विनियोजन विधेयक (बजेट) पारित गरेको छ । प्रतिनिधि सभाबाट असार १० गते पारित भएको विधेयक राष्ट्रिय सभाको बुधबारको बैठकले पारित गरेको हो ।
विधेयक सच्याउने ठाउँ छ : सभामुख
प्रतिनिधि सभाका सभामुख देवराज घिमिरेले समितिमा भएको सहमति प्रतिकूल हुने गरी प्रतिनिधि सभाबाट पारित भएको सङ्घीय निजामती विधेयक सच्याउने ठाउँ रहेको बताउनुभएको छ ।
प्रदेश प्रमुख सङ्घीयताका सेतु : राष्ट्रपति
राष्ट्रपति रामचन्द्र पौडेलले प्रदेशहरूको सफलता नै सङ्घीय लोकतान्त्रिक गणतन्त्रको सफलता भएको बताउनुभएको छ । बुधबार प्रदेश प्रमुखहरूसँग शीतल निवासमा भएको भेटघाटमा राष्ट्रपतिले सो धारणा व्यक्त गर्नुभएको हो ।
एकअर्कालाई सिध्याउने खेल भएको गुनासो
नेपाली कांग्रेस केन्द्रीय कार्यसमितिको बैठकमा नेताहरूले पार्टीभित्र आन्तरिक एकता कायम गर्न नेतृत्वको ध्यानाकर्षण गराएका छन् । असार १६ गतेदेखि जारी बैठकमा बुधबार बोल्ने केन्द्रीय सदस्यले पार्टीभित्र एकअर्कालाई सिध्याउने षड्यन्त्र भएको दाबी गर्दै नेतृत्वले यस्ता विषयमा ध्यान पुर्याउनुपर्ने बताएका हुन् ।
एमसिसीले लिन थाल्यो गति
अमेरिकी सरकारको विकास अनुदानमा आधारित मिलेनियम च्यालेन्ज कर्पोरेसन (एमसिसी) अन्तर्गत एमसिसी नेपाल कम्प्याक्टका परियोजनाको कार्यान्वयनले गति लिएको छ ।
निजामती विधेयकको त्रुटि जिम्मेवारी लिनबाट पन्छिए सबै
प्रतिनिधि सभाको राज्यव्यवस्था तथा सुशासन समितिले गरेको सहमति अनुसार प्रतिवेदन तयार नपारी सङ्घीय निजामती सेवा विधेयक प्रतिनिधि सभाबाट समेत पारित भएको त्रुटिको जिम्मेवारी लिन सम्बद्ध सबै पन्छिएका छन् ।
५२ पदाधिकारीको नियुक्ति सदर
दुई तिहाइभन्दा बढी कार्यकाल पूरा भइसकेपछि संवैधानिक निकायमा नियुक्त ५२ पदाधिकारीको नियुक्ति सर्वोच्च अदालतले सदर गरेको छ ।
प्रभावकारी देखिएनन् न्यायिक समिति
स्थानीय तहमा न्यायिक समितिले गर्दै आएको कार्यको प्रभावकारिता कमजोर पाइएको छ । स्थानीय तहमा समितिमार्फत जनतालाई न्यायिक अधिकार प्रदान गर्ने गरिएको भए पनि आठ वर्षको मूल्याङ्कनमा समितिको काम अपेक्षाकृत रूपमा प्रभावकारी हुन नसकेको पाइएको हो ।
जगदम्बा स्टील उद्योगमा विस्फोट
जगदम्बा स्टील उद्योगमा बुधबार राति सावा ९ बजेतिर ठुलो विस्फोट भएको छ। जितपुर सिमरा उपमहानगरपालिका स्थित मेनरोडमा रहेको सो उद्योगमा कबाडी फलाम पगाल्ने बिघुतीय भट्टी विस्फोट हुँदा एक भारतीय मजदुर घाइते भएको बाराका प्रहरी उपरीक्षक सन्तोष तामाङले जानकारी दिनुभयो ।
कुलिङ पिरियडमा षड्यन्त्र भयो, अन्तिममा पढ्नै दिइएन: प्रमुख सचेतक पाण्डे
नेकपा (माओवादी केन्द्र) का प्रमुख सचेतक हितराज पाण्डेले कुलिङ पिरियडबारे षड्यन्त्र भएको बताउनुभएको छ । बुधवारको राज्य व्यवस्था तथा सुशासन समितिको बैठकमा बोल्दै उहाँले यस्तो बताउनुभएको हो ।
सांसद राईले सभापति खतिवडालाई भने: अब सभापतिको कुर्सीमा बस्न सुहाउँदैन
नेकपा एमाले सांसद राजेन्द्रकुमार राईले राज्य व्यवस्था तथा सुशासन समिति सभापति रामहरि खतिवडाको राजीनामा माग गर्नुभएको छ । समितिको बुधवारको बैठकमा बोल्दै उहाँले समिति सभापति र समिति सचिव सुरजकुमार दुराको राजीनामा माग गर्नुभएको हो ।
युके पठाइदिने भन्दै एक करोड २० लाख ठगी गर्ने पक्राउ
युके पठाइदिने भन्दै एक करोड बिस लाख चवालिस हजार रुपियाँ ठगी गर्ने एक युवालाई प्रहरीले पक्राउ गरेको छ । प्रहरीले ललितपुर महानगरपालिका २५ का ४० वर्षीय प्रभाष रिसाललाई प्रहरीले पक्राउ गरेको जनाएको छ ।
देशको आवश्यकताअनुसार ठूला दल मिल्यौँ : गृहमन्त्री लेखक
गृहमन्त्री रमेश लेखकले देशको आवश्यकताअनुसार दुई ठूला दल मिलेको स्पष्ट पार्नुभएको छ । बैतडी आइपुग्नुभएका लेखकले आज आयोजित अन्तक्र्रियामा देशको आवश्यकताअनुसार नै नेपाली कांग्रेस र नेपाल कम्युनिष्ट पार्टी [एमाले] मिलेर गठबन्धनको सरकार बनेको हो भन्नुभयो ।
रासायनिक मल आपूर्तिका लागि २८ अर्ब ८२ करोड रुपैयाँ बजेट विनियोजन
कृषि तथा पशुपक्षी विकास मन्त्री रामनाथ अधिकारीले आगामी आर्थिक वर्षमा रासायनिक मलको आपूर्ति तथा व्यवस्थापनका लागि २८ अर्ब ८२ करोड रुपैयाँ बजेट विनियोजन गरिएको बताउनुभएको छ । राष्ट्रिय सभाको बुधवारको बैठकमा मन्त्रालयको विनियोजन विधेयकमाथि उठेका प्रश्नहरूको जवाफ दिँदै मन्त्री अधिकारी यस्तो बताउनुभएको हो ।
एसइई परीक्षामा डोटीका पाँच विद्यालयको नतिजा शून्य
यस वर्षको एसइईमा सहभागी भएका मध्ये डोटीका विभिन्न पाँच वटा सामुदायिक विद्यालयको नतिजा शून्य प्रतिशत आएको छ । शिक्षा विकास तथा समन्वय इकाई डोटीका निमित्त प्रमुख ममता पालका अनुसार पूर्वी चौकी गाउँपालिका–२ मा रहेका भारतोली माध्यमिक विद्यालय र नेत्रेश्वरी माध्यमिक विद्यालय,जोरायल गाउँपालिका –५ मा रहेको महाकाली माध्यमिक विद्यालय,जोरायल गाउँपालिका – ६ मा रहेको कृष्ण माध्यमिक विद्यालय र शिखर नगरपालिका –७ मा रहेको लाटामाण्डौं माध्यमिक विद्यालयबाट परीक्षामा संलग्न कुनै पनि विद्यार्थी उत्तीर्ण हुन सकेनन् ।
हिमताल संरक्षणमा नेपाललाई पाँच अर्बको अनुदान
हिमताल विस्फोटबाट हुनसक्ने क्षति कम गर्ने कार्यका लागि नेपालले हरित जलवायु कोषबाट ५ अर्ब नेपाली रुपियाँ बराबरको अनुदान प्राप्त गरेको छ ।
विश्वविद्यालय बलियो बनाउन सबैको जिम्मेवारी
लुम्बिनी प्राविधिक विश्वविद्यालयलाई बलियो बनाउनुपर्नेमा कार्यक्रमका सहभागीहरुले जोड दिनुभएको छ । उक्त विश्वविद्यालयको तेस्रो वार्षिकोत्सवको अवसरमा बुधबार नेपालगन्जमा आयोजना गरिएको औपचारिक कार्यक्रमका सहभागीले विश्वविद्यालयलाई बलियो बनाउनु पर्नेमा जोड दिनुभयो ।
एकीकृत समाजवादीद्वारा नेत्री झाँक्रीलाई स्पष्टीकरण
नेकपा (एकीकृत समाजवादी) ले पार्टी पोलिटब्युरो सदस्य रामकुमारी झाँक्रीलाई स्पष्टीकरण सोधेको छ ।
‘नोबेल पुरस्कार’सम्मै पुगेका गिरिजाबाबुका लागि कांग्रेसले के गर्यो, अब के गर्ने ?
विसं २०६६ मा तत्कालीन नेपाल सरकारले पूर्वप्रधानमन्त्री एवं नेपाली कांग्रेसका तत्कालीन सभापति गिरिजाप्रसाद कोइरालालाई नोबेल शान्ति पुरस्कारका लागि सिफारिस गरेको थियो ।
सञ्चारमन्त्रीसँग युएइको सेक्युरिटी प्रिन्टिङ प्रेस टिमको छलफल
सञ्चार तथा सूचना प्रविधिमन्त्री पृथ्वी सुब्बा गुरुङसँग युएई सरकारको उमोलेट सेक्युरिटी प्रिन्टिङ प्रेसका प्रतिनिधिले भेटवार्ता भएको छ ।
क्रसरले खनेको खाल्डोमा डुबेर बालिकाको मृत्यु
क्रसरले खनेको खाल्डोमा डुबेर बुधबार अपराह्न एक बालिकाका मृत्यु भएको छ । गौशाला नपा-१०, बटौवा गाउँकी १० वर्षीया करिना मण्डलको डुबेर मृत्यु भएको प्रहरीले जनाएको छ ।
ट्याक्टर दुर्घटना हुँदा चालकको मृत्यु
लमजुङको मध्यनेपाल नगरपालिका–४, तिलाहारस्थित एलिजा घाटमा ट्याक्टर दुर्घटना हुँदा चालकको मृत्यु भएको छ ।
कर्मचारी विधेयकमा दुई वर्षे कुलिङ पिरियड राख्न लगाउने समितिको निर्णय
राज्य व्यवस्था तथा सुशासन समितिले सङ्घीय निजामती सेवाको गठन, सञ्चालन र सेवाको सर्त सम्बन्धमा व्यवस्था गर्न बनेको विधेयकमा दुई वर्ष अवधिको कुलिङ पिरियडका विषयमा समितिको प्रतिवेदनको व्यवस्था र भावना आवश्यक संशोधन गर्ने व्यवस्थाका लागि राष्ट्रियसभालाई अनुरोध गर्ने निर्णय गरेको छ ।
कर्णाली विकास बैँकका पूर्वअध्यक्ष पशुपति दयाल मिश्र पक्राउ
कर्णाली विकास बैँकको घोटाला प्रकरणमा प्रहरीले सो बैँकका तत्कालीन अध्यक्ष पशुपति दयाल मिश्रलाई नेपालगन्जबाट पक्राउ गरेको छ । उहाँ विसं २०६६ सालदेखि २०७५ सालसम्म कर्णाली विकास बैङ्कको अध्यक्ष हुनुहुन्थ्यो ।
धारिलो हतियार प्रहार गरी श्रीमतीको हत्या
बाराको कलैया उपमहानगरपालिका-१०, मटिअर्वा टोलमा बुधबार दिउँसो श्रीमानले श्रीमतीको हत्या गरेका छन् । बच्चा मियाँले २३ वर्षीया श्रीमती सहिना खातुनको टाउको र घाटीमा प्रहार गरी हत्या गरेको जिल्ला प्रहरी कार्यालय बाराले जनाएको छ ।
