तनहुँका अधिकांश सरकारी कार्यालयमा आगजनी
व्यास नगरपालिकाभित्र रहेका दलका कार्यालयहरू, अदालतदेखि कारागारसम्म, करिब सबै मुख्य सरकारी निकायमा तोडफोड र आगजनी हुँदा कागजातदेखि सवारीसाधनसम्म जलेर नष्ट भएका छन् ।
रसुवा कारागारबाट ९८ जना कैदी फरार
रसुवाको सदरमुकाम धुन्चेस्थित कारागारबाट ९८ जना कैदीबन्दी फरार भएका छन्। जिल्ला प्रहरी कार्यालय रसुवाका प्रमुख हेमबहादुर शाहीका अनुसार रिहाइको माग राख्दै निरन्तर हड़तालमा रहेका कैदीहरूलाई नियन्त्रणमा लिन खोज्दा उनीहरू कारागार तोडेर भागेका हुन् ।
स्याङ्जाका पाँच पालिका अनिश्चितकालिन बन्द
पाँच नगरपालिका र छ गाउँपालिका रहेको स्याङ्जामा पाँच पालिकाले अनिश्चित कालका लागि पालिका बिदा गरेका छन्।
प्रमुख दलहरूको पार्टी कार्यालयमा तोडफोड
देशव्यापी आन्दोलनमा उत्रेको जेनजी पुस्ताले ताप्लेजुङमा नेपाली कांग्रेस, नेकपा (एमाले) र नेकपा (माओवादी केन्द्र) को पार्टी कार्यालय तोडफोड गरेका छन् ।
बर्दीबासमा जताततै आगजनी
जेनजीको नाममा बर्दीबास १ स्थित सङ्घीयमन्त्री शरदसिंह भण्डारीको घर, वडा नं ३, गौरीडाँडास्थित अख्तियार दुरुपयोग अनुसन्धान आयोगको कार्यालय र मधेश प्रदेशका भौतिक पूर्वाधार मन्त्री सरोज यादवको घरमा तोडफोड र आगजनी भएको छ ।
सप्तरी जिल्लामा दर्जनौं कार्यालयमा तोडफोड र आगजनी, कामकाज ठप्प
जेनजीको प्रदर्शनका कारण जिल्लाका राजविराज नगरपालिका, खड्क नगरपालिका, कञ्चनरूप नगरपालिका बोदेबरसाइन नगरपालिका लगायत जिल्लाका एक दर्जन गाउँपालिका नगरपालिकाको कार्यालय तोडफोड र आगजनी गरेको छ ।
त्रिभुवन अन्तर्राष्ट्रिय विमानस्थल साँझ ६ बजेसम्म बन्द रहने
त्रिभुवन अन्तर्राष्ट्रिय विमानस्थल साँझ ६ बजेसम्म बन्द रहने भएको छ । त्रिभुवन अन्तर्राष्ट्रिय विमानस्थलका प्रवक्ता रिन्जी शर्पाका अनुसार पछिल्लो समय उत्पन्न भएको असमान्य परिस्थितीका कारण विमानस्थल बन्द गरिएको हो ।
धादिङमा निषेधाज्ञा जारी, पाँच जनाभन्दा बढी भेला हुन नपाइने
भदौ २५ गते (आज) १२ बजेदेखि अर्को आदेश नभएसम्मका लागि निषेधाज्ञा लागु गरिएको धादिङका प्रमुख जिल्ला अधिकारी विजयराज सुवेदीले जानकारी दिनुभयो ।
महोत्तरीमा कर्फ्यू जारी
महोत्तरी जिल्लाभरि लगाइएको कर्फ्यू आदेशलाई निरन्तरता दिइएको छ।
अनाधिकृत हातहतियार सुरक्षाकर्मीलाई बुझाउन नेपाली सेनाको आग्रह
नेपाली सेनाले जेनजी नेतृत्वको आन्दोलनका क्रममा लुटिएका वा फेला परेका हातहतियार, गोलीगठ्ठा एवम् अन्य सुरक्षा सामग्री नजिकैको सुरक्षा निकाय वा सुरक्षाकर्मीलाई बुझाउन आग्रह गरेको छ ।
काठमाडौँ उपत्यकाको जनजीवन क्रमशः सामान्य बन्दै
काठमाडौँ उपत्यकाको जनजीवन क्रमशः सामान्य बन्दैगएको छ । नेपाली सेनासहितका सुरक्षा फौज देशमा शान्ति सुरक्षा कायम गर्न परिचालन भएपछि यहाँको जनजीवन क्रमशः सामान्य बन्दैगएको हो ।
-original-thumb.jpg)
कृषि कर्जा ब्याज अनुदानमा किसानको सहभागिता शून्यप्राय
प्रक्रियागत झन्झटका कारण कोशी प्रदेश सरकारले सञ्चालन गरेको कृषि कर्जा ब्याज अनुदान कार्यक्रमप्रति किसानको आकर्षण नभएको पाइएको छ ।
जेन जीलाई कलाकारको समर्थन
नेपालमा भ्रष्टाचारविरुद्ध सुरु भएको युवा पुस्ता (जेन जी) को प्रदर्शनलाई कलाकारले पनि खुलेर साथ दिएका छन् । वरिष्ठ कलाकार हरिवंश आचार्य र मदनकृष्ण श्रेष्ठ दुवैले (जेन जी) को प्रदर्शनलाई समर्थन जनाउनुभएको छ । सामाजिक सञ्जालमा कलाकार आचार्यले लेख्नुभएको छ, “मेरो घरछेउको बाटो पिच गरेको केही समयमै भत्कियो । म हरेक दिन मनमा सोच्थेँ यो बाटो यति चाँडो कसरी भत्कियो ? तर अहिलेको पुस्ता यस्ता प्रश्न मनभित्र मात्र राख्दैनन्, प्रश्न उठाउँछन् । जनताको करले बनेको बाटो किन भत्कियो ? कसरी भत्कियो ? यसको जिम्मेवारी कसको ?”
देशभरका हल बन्द
चलचित्र सङ्घको आह्वानमा मङ्गलबार देशभरका फिल्म हल बन्द भएका छन् । जेन जीको प्रदर्शनमा प्रहरीको गोलीबाट मृत्यु भएका १९ जनाको शोकमा हल बन्द गरिएका हुन् ।
‘मोहर’ हेर्दा ‘सुनको मोहर’ जित्ने अफर
चलचित्र ‘मोहर’ हेर्दा ‘सुनको मोहर’ जित्ने निर्माण पक्षले ‘अफर’ ल्याएको छ । चलचित्र प्रदर्शन भएको एक महिनापछि दर्शकका लागि ‘सुनको मोहर’ जित्ने अफर ल्याएको हो ।
तीन खर्ब ३३ अर्ब भित्रियो वैदेशिक लगानी
मुलुकमा प्रत्यक्ष वैदेशिक लगानी (एफडिआई) १२.७ प्रतिशतले बढेर तीन खर्ब ३३ अर्ब रुपियाँ भित्रिएको छ । नेपाल राष्ट्र बैङ्कले सार्वजनिक गरेको नेपालमा प्रत्यक्ष वैदेशिक लगानी सर्वेक्षण प्रतिवेदनले सन् २०२४/२५ मा विभिन्न ६० देशबाट सो वैदेशिक लगानी भित्रिएको हो ।
दर्जनौँ व्यापारिक संरचनामा आगजनी २० अर्बभन्दा बढीको क्षति
‘जेनजी’ आन्दोलनको दोस्रो दिन राजधानीका विभिन्न स्थानका ठुला व्यावसायिक र व्यापारिक संरचनामा तोडफोड र आगजनी भएको छ । तोडफोड र आगजनीमा होटेलदेखि चर्चित व्यावसायिक समूहका सोरुमसम्म परेका छन् ।
कोरलाबाट आउन थाले चिनियाँ सामान
नेपाल–चीन उत्तरी कोरला नाकामा चिनियाँ सामान ढुवानीका लागि दर्जनौँ कन्टेनर त्यहाँ पुगेका छन् । भन्सार विभागले कोरला नाकास्थित मुस्ताङ भन्सार कार्यालयलाई सक्रिय बनाएसँगै त्यहाँको नाकाबाट सामान ढुवानी गर्न व्यापारीका दर्जनौँ कन्टेनर त्यहाँ पुगेका हुन् ।
कालीमाटीमा थन्कियो तरकारी
देशकै ठुलो तरकारी बजार कालीमाटीमा उपत्यकावासी उपभोक्ताका लागि आएको तरकारी बिक्री हुन नपाएर थन्किएको छ । ‘जेनजी’ युवाको आन्दोलनका कारण कालीमाटी क्षेत्र बिहानदेखि नै तनावग्रस्त भएपछि सोमबार रातिदेखि मङ्गलबार बिहान ९ बजेसम्म उपत्यकाबाहिरबाट आएका तरकारी साना बजार र तरकारीका खुद्रा बजारमा जान नपाएर थन्किएको हो ।
संयम अपनाउन निजी क्षेत्रको आग्रह
नेपालका निजी क्षेत्रले युवाको चाहना अनुरूप समुन्नत समाज निर्माणमा योगदान दिन सबैमा आग्रह गरेको छ । नेपाल उद्योग वाणिज्य महासङ्घ र नेपाल उद्योग परिसङ्घले ‘जेनजी’ पुस्ताले विभिन्न सुधारका माग राखी सञ्चालन गरेको प्रदर्शनका क्रममा भएको जनधनको क्षतिप्रति दुःख, प्रदर्शनका क्रममा ज्यान गुमाएकाप्रति श्रद्धाञ्जली तथा घाइतेको शीघ्र स्वास्थ्य लाभको कामना गरेका छन् ।
दर्जनौँ कार्यालयमा आगजनी र तोडफोड
आन्दोलनरत जेनजी समूहले मङ्गलबार तनहुँका विभिन्न स्थानमा तोडफोड र आगजनी गरेका छन् । निषेधाज्ञा उल्लङ्घन गर्दै उनीहरूले मालपोत कार्यालयमा आगजनी गर्नुका साथै व्यास नगरपालिका, खानेपानी तथा सरसफाइ डिभिजन कार्यालय, जिल्ला सिँचाइ कार्यालय, डिभिजन वन कार्यालय, शैक्षिक तालिमकेन्द्रलगायतका कार्यालयका सवारीसाधनमा आगजनी गरेको प्रहरीले जनाएको छ ।
धैर्य र संयमता नगुमाऔँ
जेनजी पुस्ताले गरेको दुई दिनको आन्दोलनले मुलुकका प्रमुख दुई दल नेपाली कांग्रेस र नेकपा (एमाले) को शक्तिशाली सरकार ढलेको छ । सरकारको नेतृत्व गर्नुभएका प्रधानमन्त्री केपी शर्मा ओलीले आन्दोलनको दोस्रो दिन राजीनामा दिएसँगै
प्राकृतिक स्रोत र दिगो विकास
विकास मानवीय आवश्यकता पूर्ति गर्ने गतिशील प्रक्रिया हो । प्राकृतिक स्रोत कुनै पनि मुलुकको विकास र समृद्धिको पहिलो आधार हो । दिगो विकासका लागि भौतिक तथा मानवीय साधनका साथै प्राकृतिक साधनको निकै महत्वपूर्ण स्थान छ ।
प्रशासनिक गतिशीलताका चुनौती
मानव सभ्यता र विकासबारे जिज्ञासा राख्दा करिब २० हजार वर्षपूर्व हाम्रा पुर्खा जङ्गली अवस्थामा रहेको अनुमान गरिन्छ । उनीहरूको जीवनशैली फिरन्ते र जनावर झैँ गुफामा वा ओढारमा बसी जङ्गली हिंस्रक जनावरबाट बच्ने उपायतर्फ लाग्न थालेका थिए ।
लोकसेवा तयारी विशेष : वस्तुगत प्रश्नोत्तर
१. सुडानको डार्फरमा एक हजार जनाभन्दा बढी मानिसको ज्यान जाने गरी भीषण पहिरो कहिले गएको हो ? – सन् २०२५ अगस्त ३१ २. नेपालमा पहिलो पटक एकै व्यक्तिमा तेस्रो पटक मिर्गौला प्रत्यारोपण कहिले गरियो ? – विसं २०८२ भदौ ९
