दुई सातापछि नयाँ सरकार
प्रतिनिधि सभा सदस्य निर्वाचन, २०८२ को परिणामबमोजिम सरकार गठन प्रक्रिया करिब दुई सातापछि मात्रै सुरु हुने छ । पहिलो हुने निर्वाचित हुने प्रणालीको अन्तिम परिणाम सार्वजनिक भए पनि समानुपातिक निर्वाचन प्रणालीबाट निर्वाचित हुने ११० जना उम्मेदवार टुङ्गो लाग्ने प्रक्रिया लम्बिने भएकाले सरकार गठनका लागि समय लाग्ने छ ।
-original-thumb.jpg)
प्रतिनिधि सभा सदस्य निर्वाचनको अन्तिम परिणाम आउँदै
निर्वाचन आयोगले प्रतिनिधि सभा सदस्य निर्वाचनको अन्तिम परिणाम २०८२ चैत पहिलो साता राष्ट्रपति रामचन्द्र पौडेलसमक्ष पेस गर्ने तयारी गरेको छ । कार्यवाहक प्रमुख निर्वाचन आयुक्त रामप्रसाद भण्डारीका अनुसार प्रत्यक्षतर्फ (पहिलो निर्वाचित हुने) प्रणालीको मतपरिणाम आइसकेको र समानुपातिकतर्फ मतगणना पनि सम्पन्न भएपछि प्रतिवेदन पेस गर्ने तयारीमा निर्वाचन आयोग जुटेको हो ।
सहकार्य गर्ने भारतको प्रतिबद्धता
नेपालको छिमेकी भारतका प्रधानमन्त्री नरेन्द्रदामोदर मोदीले प्रतिनिधि सभा सदस्य निर्वाचनमा सानदार जित हासिल गर्न सफल भएकोमा राष्ट्रिय स्वतन्त्र पार्टीका सभापति रवि लामिछाने र वरिष्ठ नेता बालेन्द्र शाहलाई बधाई दिनुभएको छ । उहाँले टेलिफोन गरेरै उहाँहरूलाई जितका लागि बधाई दिनुभएको हो ।
नगर सभाको अनुभव प्रतिनिधि सभामा
स्थानीय तहका तीन जना जनप्रतिनिधिले नगर सभामा प्राप्त गरेको अनुभव अब सङ्घीय संसद्मा उपयोग गर्नुहुने भएको छ । नागरिकको तल्लो तहका गुनासो र समस्याबारे प्रत्यक्ष अनुभूति र सुनुवाइ गरेका ती जनप्रतिनिधि अब सङ्घीय संसद्मा कानुन निर्माणमा जुट्नुहुने छ ।
सुरुङमार्गका लागि सात वटा कम्पनी छनोट
बहुप्रतिक्षीत नागढुङ्गा–सिस्नेखोला सुरुङमार्ग सञ्चालनका लागि आवेदन गरेका १० कम्पनीमध्ये प्राविधिक मूल्याङ्कनमा सात वटा छनोट भएका छन् । प्राविधिक मूल्याङ्कनमा छनोट भएका कम्पनीको आर्थिक मूल्याङ्कन सुरु गरिने नागढुङ्गा–सिस्नेखोला सुरुङमार्ग आयोजनाले जनाएको छ ।
प्रत्यक्षमा एक जना दलित विजयी
प्रतिनिधि सभा निर्वाचनको प्रत्यक्षतर्फ दलित समुदायको एक व्यक्ति मात्रै निर्वाचित हुनुभएको छ । राष्ट्रिय स्वतन्त्र पार्टी (रास्वपा) बाट बाँके क्षेत्र नम्बर ३ मा खगेन्द्र सुनार २९ हजार ५५१ मत ल्याएर विजयी हुनुभएको हो । उहाँ नै दलित समुदायबाट प्रत्यक्ष निर्वाचित एक मात्र सांसद हुनुहुन्छ ।
परिवर्तनका प्रतीक ‘स्वस्तिक’
४५ वर्षदेखि भएका निर्वाचनमा निरन्तर जित हारको निर्णयक बनेको छ मतपत्रमा लगाउने ‘स्वस्तिक’ छाप । त्यही छापले उम्मेदवारलाई राष्ट्रपति, प्रधानमन्त्री, सांसद, मेयर, वडाअध्यक्ष बनाएको छ ।
हारजितमा झिनो र फराकिलो मतान्तर
प्रतिनिधि सभा सदस्य निर्वाचनको प्रत्यक्षतर्फको मतपरिणाम सार्वजनिक हुँदा केही उम्मेदवार यस्तो भाग्यमानी ठहरिए, जो प्रतिस्पर्धीलाई अत्यान्त झिनो मतले उछिनेर भए पनि निर्वाचित भए । तर केही उम्मेदवार भने निकटतम प्रतिद्वन्द्वीलाई फराकिलो मतान्तरले पछि पारेर आरामसँग विजयी बने । यस्ता भाग्यमानी उम्मेदवारमध्येका एक हुनुहुन्छ राष्ट्रिय स्वतन्त्र पार्टी (रास्वपा) का तर्फबाट ओखलढुङ्गाका उम्मेदवार विश्वराज पोखरेल । पोखरेलले प्रतिस्पर्धीलाई मात्र पाँच मतको अन्तरले हराएर प्रतिनिधि सभा सदस्यमा निर्वाचित हुनुभयो ।
-original-thumb.jpg)
बुधबारसम्म समानुपातिक प्रणालीतर्फको मतगणना सकिने
यही फागुन २१ गते सम्पन्न प्रतिनिधिसभा सदस्यको निर्वाचनअन्तर्गत समानुपातिक प्रणालीतर्फको केही क्षेत्रको मात्र मतगणना बाँकी रहेकाले बुधबार बिहानसम्म परिणाम प्राप्त हुने निर्वाचन आयोगले जनाएको छ ।
जापनिज इन्सेफलाइटिस सङ्क्रमणपछि खोप अभियान
नवलपरासी (बर्दघाट सुस्तापूर्व) मा जापनिज इन्सेफलाइटिसको सङ्क्रमण दर बर्सेनि बढ्दै गएपछि ३५ वर्ष माथिका नागरिकलाई लक्षित गरी खोप अभियान सञ्चालन गरिने भएको छ ।
रूपन्देहीमा लाखौँ मूल्य बराबरका अवैध सामान बरामद
रूपन्देहीका विभिन्न स्थानबाट प्रहरीले भन्सार छली गरी ल्याइएका करिब रु चार लाख ७३ हजार मूल्य बराबरका सामान बरामद गरेको छ ।
विद्युतीय तार भूमिगत आयोजना : तीनपटक म्याद थप्दा ६७ प्रतिशत काम
तीनपटक ठेक्का म्याद थप्दा पनि पोखरामा विद्युतीय तार भूमिगत गर्ने आयोजनाको प्रगति न्यून देखिएको छ ।
'सरकारले प्रदेशको संरचनामा स्पष्ट नीति ल्याउनेमा विश्वस्त छु'
सुदूरपश्चिम प्रदेशका मुख्यमन्त्री कमलबहादुर शाहले सुशीला कार्की नेतृत्वको सरकारले सफलतापूर्वक निर्वाचन सम्पन्न गराएकोमा धन्यवाद व्यक्त गर्नुभएको छ ।
राना थारू समुदायले मनाए परम्परागत ‘खखडेहरा पर्व’
सुदूरपश्चिमका कैलाली र कञ्चनपुर जिल्लामा बसोबास गर्ने राना थारू समुदायले आज परम्परागत ‘खखडेहरा पर्व’ मनाएका छन् ।
-original-thumb.jpg)
कर्णालीभर ९० उम्मेदवारको जमानत जफत
प्रदेश निर्वाचन कार्यालय कर्णालीका अनुसार प्रतिनिधिसभा निर्वाचनमा विभिन्न दलबाट र स्वतन्त्र उम्मेदवारी दिएका ९० जनाको जमानत जफत भएको छ ।
-original-thumb.jpg)
कर्णालीमा समानुपातिकतर्फ कांग्रेस पहिलो
प्रत्यक्षतर्फ पाँच सिटका साथ कर्णालीमा पहिलो बनेको नेपाली कांग्रेसले समानुपातिकतर्फ पनि पहिलो स्थान कायम राखेको छ ।
मुस्ताङमा नेकपासहित ५ दलको जमानत जफत
प्रतिनिधिसभा सदस्य निर्वाचनमा मुस्ताङमा पाँच राजनीतिक दलका उम्मेदवारले जमानत जोगाउन सकेनन् ।
‘उज्यालो नेपाल अभियानमा अझ सशक्त रूपमा अघि बढ्ने’
उज्यालो नेपाल पार्टीका अध्यक्ष कुलमान घिसिङले अब बन्ने नयाँ सरकारले जनताको परिवर्तन र आर्थिक समृद्धिको आकांक्षा पूरा गरी देशमा सुशासन कायम गर्नेतर्फ केन्द्रित हुनुपर्नेमा जोड दिनुभएको छ ।
भाषा आयोगका सदस्य सुरेश मानन्धरको निधन
भाषा आयोगका सदस्य सुरेश मानन्धरको हृदयाघातका कारण सोमबार निधन भएको छ । ५९ वर्षीय मानन्धर नेपालभाषा टाइम्सका पूर्व सम्पादक, साहित्यकार एवम् लामो समयदेखि पत्रकारितामा हुनुहुन्थ्यो ।
नवलपरासीमा ५ प्रतिशत बढी मत बदर
प्रतिनिधि सभा सदस्य निर्वाचन अन्तर्गत पश्चिम नवलपरासीका दुई वटा निर्वाचन क्षेत्रमा पाँच प्रतिशत बढि मत बदर भएको छ । प्रत्यक्ष र समानुपातिकतर्फ कुल खसेको मत ३ लाख ४४ हजार ३९८ मध्ये १८ हजार ४६६ मत (५.३६ प्रतिशत) बदर भएको छ । प्रत्यक्ष तर्फ धेरै मत बदर भएको छ ।
रौतहटमा १२८ उम्मेदवारको धरौटी जफत
प्रतिनिधि सभा सदस्य निर्वाचन अन्तर्गत रौतहटका चार वटा निर्वाचन क्षेत्रका १२८ जना उम्मेदवारको धरौटी जफत भएको छ ।
कृत्रिम अभाव सिर्जना नगर्न प्रशासनको आग्रह
बजारमा एलपी ग्यासको कृत्रिम अभाव सिर्जना नगर्न जिल्ला प्रशासन कपिलबस्तुे आग्रह गरेको छ ।
पाल्पामा २३ जना उम्मेदवारको जमानत जफत
पाल्पामा पूर्वमन्त्रीसहित २३ जना उम्मेदवारहरूको जमाानत जफत भएको छ । पाल्पा-१ मा १३ र पाल्पा-२ मा १६ गरी २९ जना उम्मेदवारहरूमध्ये २३ जनाको जमानत जफत भएको जिल्ला निर्वाचन कार्यालय पाल्पाले जनाएको छ ।
दादुरा प्रभावित क्षेत्रमा स्वास्थ्यमन्त्री पाठक
गण्डकी प्रदेशका स्वास्थ्यमन्त्री कृष्ण पाठकले दादुरा प्रभावित क्षेत्रको स्थलगत निरीक्षण गर्नुभएको छ । पश्चिम बागलुङको ढोरपाटन नगरपालिका –७, ८ र ९ मा पर्ने बोबाङ, सेरावाङ र लाकुरीबोट गाउँ दादुरा संङक्रमणबाट प्रभावित छ ।
धारपानी मेलाबाट साढे नौ लाख रुपियाँ आम्दानी
दाङको धारपानीमा फागुन ३ गते लागेको महाशिवरात्रि मेलाबाट साढे नौ लाखभन्दा बढी रुपियाँ आम्दानी भएको छ। हरेक वर्ष महाशिवरात्री पर्वको अवसरमा लाग्ने उक्त मेलाबाट यस वर्ष ९ लाख ५१ हजार ३ सय १७ रुपियाँ आम्दानी भएको मन्दिर व्यवस्थापन समितिले जनाएको छ।
