बङ्गलादेशमा आगलागी ३८ को मृत्यु
रासस/एएफपी) बङ्गलादेशको दक्षिणपूर्वी सहर चट्गाउँको सीताकुण्ड भन्ने स्थानमा रहेको एउटा ढुवानी कन्टेनर डिपोमा शनिबार भएको आगलागीमा परेर ज्यान गुमाउनेको सङ्ख्या ३८ पुगेको छ ।
२४ घण्टामा थप नौ जनामा कोरोना संक्रमण पुष्टि
काठमाडौं, जेठ २२ गते। पछिल्लो २४ घण्टामा थप नौ जनामा कोरोना संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार १५ सय ७९ जनाको पीसीआर परीक्षण गर्दा नौ जनामा संक्रमण पुष्टि भएको हो। त्यसैगरी एक हजार ५५ जनाको एन्टीजेन परीक्षण गर्दा तीन जनामा संक्रमण पुष्टि भएको छ। अहिले देशभर ११० जना सक्रिय संक्रमित रहेका छन् भने २४ घण्टामा नौ जना डिस्चार्ज भएका छन्।
नेपालमा मनसुन सरदर मितिभन्दा अगाडि प्रवेश
नेपालमा यस वर्ष मनसुन सरदर मितिभन्दा अगाडि नेपालको पूर्वी भेगबाट प्रवेश गरेको जल तथा मौसम विज्ञान विभागको मौसम पूर्वानुमान महाशाखाले जनाएको छ ।
भिरबाट लडेर महिलाको मृत्यु
ओखलढुङ्गाको श्रीचउरमा भिरबाट लडेर एक महिलाको ज्यान गएको छ । आईतबार मोलुङ गाउँपालिका –६ श्रीचौरकी ५५ बर्षिय दुधमाया कटुवालको भिरबाट लडेर ज्यान गएको हो ।
पाल्पाका स्थानीय तहलाई चार अर्ब आठ करोड बजेट
रेखीराम रानापाल्पा, जेठ २२ गते। पाल्पाका १० स्थानीय तहलाई आगामी आर्थिक वर्ष २०७९/०८० का लागि चार अर्ब आठ करोड २१ लाख बजेट विनियोजन भएको छ। गएको जेठ १५ गते अर्थमन्त्री जनार्दन शर्माले प्रस्तुत गर्नुभएको बजेटमा पाल्पाका दश पालिकालाई चार अर्ब आठ करोड २१ लाख बजेट छुट्टयाइएको हो।विनियोजित रकममध्ये समानीकरण अनुदानमा एक अर्ब १४ करोड ८३ लाख, सशर्त अनुदानतर्फ दुई अर्ब ७७ करोड १३ लाख, समपूरक अनुदान ११ करोड २० लाख र विशेष अनुदान पाँच करोड पाँच लाख रकम रहेको छ। दुई नगरपालिका र आठ गाउँपालिका रहेको जिल्लाका स्थानीय तहलाई अघिल्लो वर्षभन्दा यो वर्ष २६ करोड ४६ लाख बढी रकम विनियोजन गरिएको छ। जिल्ला सदरमुकाम तानसेनलाई समानीकरण अनुदानमा १७ करोड ६१ लाख, शसर्त अनुदानमा ४५ करोड ४२ लाख, समपूरक अनुदान तीन करोड र विशेष अनुदानमा ५० लाख गरेर जम्मा ६६ करोड ५३ लाख विनियोजन गरिएको छ। यस्तै रामपुर नगरपालिकालाई जम्मा ४९ करोड ८१ लाख विनियोजन भएको छ। सोमध्ये समानीकरण अनुदानमा १३ करोड ३७ लाख, सशर्त अनुदान अन्तर्गत ३४ करोड २४ लाख, समपूरक अनुदानमा एक करोड ७० लाख र विशेष अनुदानमा ५० लाख रकम रहेको छ।रैनादेवी छहरा गाउँपालिकालाई समानीकरण अनुदानमा ११ करोड ५५ लाख, सशर्त अनुदान अन्तर्गत ३२ करोड १० लाख, विशेष अनुदान एक करोड २० लाख र समपूरक अनुदान ८० लाख गरेर ४५ करोड ६५ लाख विनियोजन भएको छ। रिब्दीकोट गाउँपालिकाका लागि समानीकरण अनुदानमा नौ करोड ८० लाख, सशर्त अनुदान अन्तर्गत २४ करोड ९४ लाख र समपूरक अनुदानमा ७० लाख गरी ३५ करोड ४४ लाख बजेट विनियोजन गरिएको अर्थ मन्त्रालयले जनाएको छ। माथागढी गाउँपालिकामा विनियोजित कूल ३८ करोड ६३ लाख रकम विनियोजन गरेकोमध्ये समानीकरण अनुदानमा ११ करोड ३३ लाख, सशर्त अनुदानमा २६ करोड ३० लाख र समपूरक अनुदानमा एक करोड रहेको छ। रम्भा गाउँपालिकालाई ३४ करोड २५ लाख विनियोजन गरिएको छ। रम्भाको समानीकरण अनुदानमा १० करोड ३१ लाख, सशर्त अनुदान अन्तर्गत २३ करोड चार लाख र समपूरक अनुदानमा ९० लाख बजेट विनियोजन गरिएको छ।तिनाउ गाउँपालिकाका लागि ३० करोड ५४ लाख रकममध्ये समानीकरण अनुदानमा नौ करोड ६२ लाख, सशर्त अनुदान अन्तर्गत २० करोड ४७ लाख र विशेष अनुदानमा ४५ लाख रकम विनियोजन गरिएको छ। बगनासकाली गाउँपालिकाका लागि ३४ करोड ७३ लाख विनियोजन भएको रकममध्ये समानीकरण अनुदानमा १० करोड ७० लाख, सशर्त अनुदान अन्तर्गत २२ करोड ९३ लाख, समपूरक ७० लाख र विशेष अनुदान ४० लाख रहेको छ। पूर्वखोला गाउँपालिकालाई विनियोजित ३२ करोड ८८ लाख रकममध्ये समानीकरण अनुदानमा नौ करोड ९५ लाख, सशर्त अनुदान अन्तर्गत २० करोड ९३ लाख, समपूरक अनुदान ७० लाख र विशेष अनुदानमा एक करोड ३० लाख रहेको छ।निस्दी गाउँपालिकामा समानीकरण अनुदानमा १० करोड ५९ लाख, सशर्त अनुदान अन्तर्गत २६ करोड ७६ लाख, समपुरक अनुदानमा एक करोड ३० लाख र विशेष अनुदानमा एक करोड १० लाख गरी ३९ करोड ७५ लाख विनियोजन भएको छ।
मरस्याङ्दी एक हजार ३ सय ६ घरमा खानेपानी
लमजुङको मस्र्याङदी गाउँपालिकाले पाँच बर्षे अवधीमा एक हजार ३ सय ६ घरधुरीमा खानेपानीको सुविधा पुगेको जनाएको छ । गाउँपालिकाले आर्थिक बर्ष २०७४/७५ सालदेखि हालसम्म ३४ वटा योजना निर्माण गरी सो घरधुरीलाई खानेपानीको व्यवस्था गरेको हो ।
सडक, बिजुली र खानेपानी पुग्दा फेरियो गाउँको मुहार
प्रदेश सरकारले खानेपानी, सडक र स्थानीय सरकारले बिजुली पु¥याएपछि दुर्गम गाउँको मुहार फेरिएको छ । सुदूरपश्चिम प्रदेश सरकारले खानेपानी, सडक र स्थानीय सरकारले बिजुली बिस्तार गर्दा बैतडीको सिगास गाउँपालिका –३, गाउँको मुहार फेरिएको हो ।
वैदेशिक रोजगारबारे जनप्रतिनिधिहरुलाई सचेत
वैदेशिक रोजगारलाई सुरक्षित, मर्यादित र व्यवस्थित गराउने उद्देश्यले बागलुङका जनप्रतिनिधिलाई ‘वैदेशिक रोजगारबारे सचेत गराइएको छ । श्रम रोजगार तथा सामाजिक सुरक्षा मन्त्रालयले आइतबार बागलुङमा नवनिर्वाचित जनप्रतिनिधिसँग वैदेशिक रोजगार व्यवस्थापनका विविध पक्षबारे अन्तरक्रिया तथा छलफल गरेर जनप्रतिनिधिलाई सचेत गराएको हो ।
रानीवनमा वृक्षारोपण
विश्व बातावरण दिवसको अवसरमा नेपाली सेनाको बराह दल गुल्म रानीवनमा वृक्षारोपण गर्ने कार्यक्रम भएको छ । रानीवनको खाली पाखो क्षेत्रमा बिभिन्न जातका वृक्षारोपण गरिएको हो ।
छोटी भन्सारहरु पुनःस्थापना नहुँदा राजस्व चुहावटमा वृद्धि
सिराज खान नेपालगञ्ज, जेठ २२ गते । डेढ दशक भन्दा अघि सशस्त्र द्वन्द्वका बेला बन्द गरिएका छोटी भन्सार कार्यालयहरु अझै पुनःस्थापना नहुँदा बाँकेका विभिन्न नाकाहरुबाट अवैध आयातनिर्यात बढेकाले दैनिक ठूलो परिमाणमा राजस्व चुहावट भैरहेको छ । जिल्लाका विभिन्न नाकामा स्थापना गरिएको सात वटा छोटी भन्सार कार्यालयहरु सशस्त्र द्वन्द्वका बेला बन्द गरिएकोमा हालसम्म पनि पुनः सञ्चालनमा नल्याइएकाले ती नाकाहरु अवैध आयात निर्यातको केन्द्र बन्दै गएका छन् । नेपालगञ्ज भन्सार कार्यालयका अनुसार बाँकेको सुइया बगौडास्थित कटकुइया, नरैनापुर, भगवानपुर, खडैचा होलिया, हिरमिनियाको भघोटना, साई गाउँ र साइगाउँ पश्चिमतर्फको उढरापुर नाकामा छोटी भन्सार कार्यालय रहेका थिए । तर, लामो समयदेखि कार्यालय पुनःस्थापना नहुँदा अधिकांश छोटी भन्सार कार्यालयका भौतिक संरचनाहरु काम नलाग्ने गरी जीर्ण भएका छन् । नरैनापुर, खडैचा, साई गाउँमा छोटी भन्सार रहेका भवन अहिले भत्किएर काम नलाग्ने अवस्थामा पुगेको भन्सार कार्यालयले जनाएको छ । गाउँको बाटोबाट भित्रिने मालसामानको भन्सार गर्ने छोटी भन्सार पुनः स्थापना नगरिँदा भारतसँग सीमा जोडिएका गाउँको बाटोबाट खुलेआम तस्करी हुने गरेको स्थानीयको भनाइ छ । छोटी भन्सार नभएका नाकाबाट पैदल, मोटरसाइकल र साइकलमा राखेर दैनिक ठूलो परिमाणको मालसामान राजस्व छलेर नेपाल भित्रिने गरेको प्रत्यक्ष देखिएको उहाँहरुको भनाइ छ । बाँकेको सीमाना भारतसँग ६५ किलोमिटर खुला रहेको छ । साइड नाकाहरुमा नेपाली सुरक्षाकर्मीको पातलो उपस्थिति रहेकाले भन्सार छली निकै हुने गरेको नरैनापुरका स्थानीय दिलसाद खाँले बताउनुभयो । उहाँले छोटी भन्सार नहुँदा अवैध आयात निर्यात लामो समयदेखि भैरहेको र राज्यलाई लाखौंको नोक्सानी भैरहेको बताउनुभयो । छोटी भन्सार नहुँदा राजस्व चुहावट लामो समयदेखि हुँदै आएको नरैनापुर गाउँपालिकाका अध्यक्ष ईश्तियाक अहमद शाहले पनि बताउनुभएको छ । उहाँले छोटी भन्सार पुनस्थापनाका लागि पटक पटक आग्रह गरिए पनि सुनुवाई नभएको बताउनुभयो । सरकारले नीति तथा कार्यक्रममा पनि छोटी भन्सार सञ्चालन गर्ने उल्लेख गरेको वर्षौं बिते पनि अझैसम्म कार्यान्वयनमा आएको छैन । विभिन्न कारणले चालू आर्थिक वर्षको १० महिनामा लक्ष्यभन्दा दुई अर्ब कम राजस्व संकलन भएको नेपालगञ्ज भन्सार कार्यालयले जनाएको छ । नेपालगञ्ज भन्सार कार्यालयको तथ्यांकअनुसार, चालू आर्थिक वर्षको १० महिनामा २० अर्ब ७३ करोड ४४ लाख रुपियाँ राजस्व संकलन गर्ने लक्ष्य राखिएकोमा १८ अर्ब ८२ करोड ९४ लाख रुपियाँ मात्र संकलन भएको छ ।
महानगर प्रमुख साह र मुख्यमन्त्री पाण्डेबीच भेट
काठमाडौँ महानगरपालिका प्रमुख बालेन्द्र साह र बागमती प्रदेशका मुख्यमन्त्री राजेन्द्र पाण्डेबीच भेटवार्ता भएको छ । मुख्यमन्त्री पाण्डे निवास स्वयम्भूमा आज बिहान भएको भेटमा काठमाडौँ महानगरभित्रको फोहरमैलाको व्यवस्थापन, सुशासन, सेवा प्रवाह र सम्पदा संरक्षणको विषयमा छलफल भएको मुख्यमन्त्री पाण्डेका प्रमुख स्वकीय सचिव उमेश रुपाखेतीले जानकारी दिनुभयो ।
सिथी नखःमा पानीकाे स्राेत सफा हुँदै
नेवाः (नेवार) जातिका विभिन्न चाडपर्वमध्ये सिथी नखः भिन्न तरिकाले मनाइन्छ । नेवाः जातिका हरेक चाडपर्वमा भोज खाने, मन्दिर गएर पूजा गर्ने चलनभन्दा पृथक रूपमा याे पर्व मनाइन्छ ।
जनताले अनुभूति गर्ने खालका कामहरु गर्न जरुरी : वरिष्ठ नेता पौडेल
अमरराज नहर्की तनहुँ, जेठ २२ गते । नेपाली कांग्रेसका वरिष्ठ नेता रामचन्द्र पौडेलले स्थानीय तहमा निर्वाचित जनप्रतिनिधिहरुले जनताले अनुभूति गर्ने खालका काम गर्न जरुरी रहेको बताउनुभएको छ । तनहुँको व्यास नगरपालिकाले आयोजना गरेको नवनिर्वाचित जनप्रतिनिधिहरुलाई प्राथमिकीकरण अभ्यास कार्यशालाको उद्घाटन गर्दै नेता पौडेलले, विगतका भन्दा राम्रो कार्य गरेर जनताको मन जित्न ध्यान दिनुपर्ने बताउनुभयो । ‘जनताको माग र आवश्यकतालाई सर्वोपरी थानी जनप्रतिनिधिहरुले अहोरात्र खटेर काम गर्नुपर्छ’ वरिष्ठ नेता पौडेलले भन्नुभयो । जनताको इच्छाअनुसारको काम गर्न सके मात्रै जनप्रतिनिधिहरुको हाइहाइ हुने उहाँको भनाइ थियो । । ‘जनप्रतिनिधिहरु शासक हैन, जनताका सेवक बन्नुपर्छ’ नेता पौडेलले भन्नुभयो । साथै, वरिष्ठ नेता पौडलेले जनताको आम्दानी वृद्धि हुने र रोजगारी सिर्जना हुने योजना बनाउन ध्यान दिनुपर्ने बताउनुभयो ।
छ दिने रक्षा सम्वाददाता अभिभुखिकरण कार्यक्रम शुभारम्भ
गोरखापत्र अनलाइन काठमाडौं, जेठ २२ गते । नेपाली सेनाले छ दिने रक्षा सम्वाददाता अभिभुखिकरण कार्यक्रम शुभारम्भ गरेको छ । पोखराको विजयस्थित श्री मध्य कमाण्ड हेड क्वाटरमा सो कार्यक्रमलाई कमाण्ड सेनापति उपरथी बावुराम श्रेष्ठले शुभारम्भ गर्नुभएको हो ।सो कार्यक्रममा विभिन्न सञ्चारगृहका पाँचजना महिलासहित २५ जना रक्षा सम्वाददाताहरुलाई समाचार सम्पे्रषण गर्न सहज होस् भनेर नेपाली सेनाको सांगठनिक स्वरुप, भूमिका तथा नेपाली सेनाको काम, कर्तव्य र जिम्मेवारीलगायतका विषयवस्तुमा प्रशिक्षण दिइनेछ । यस्तै, विषयवस्तुसहित प्रशिक्षार्थीहरुलाई तनुहुँ हाइड्रोपावर, पोखरास्थित शान्ति स्तुपा, पाल्पास्थित पाल्पा संग्रहालय, लुम्बिनी भ्रमण तथा बुटवलस्थित जितगढीको फिल्ड भिजिट गराउने योजना रहेको नेपाली सेनाको जनसम्पर्क तथा सूचना निर्देशनालयद्वारा प्रकाशित विज्ञप्तिमा उल्लेख गरिएको छ ।
माओवादी केन्द्रको केन्द्रीय कार्यालयको बैठक सम्पन्न
गाेरखापत्र अनलाइनकाठमाडाैं, जेठ २२ गते । नेकपा माओवादी केन्द्रको केन्द्रीय कार्यालयको बैठक सम्पन्न भएको छ । बैठक प्रचण्ड निवास खुमलटारमा विहान बसेको हो । बैठकमा समसामायिक विषयवस्तु, पार्टी सगंठन र केन्द्रीय कार्यालयको विस्तारबारे कुराकानी भएको माओवादी केन्द्रको बागमति प्रदेशका इञ्चार्ज हितमान शाक्यले गोरखापत्र अनलाइनलाई जानकारी दिनुभयो ।
धुलो, धुँवा र वायु प्रदूषण: वातावरण विनाशका मुख्य कारक
वातावारणीय समस्या तथा चुनौतीसम्बन्धी राजनीतिक र सामाजिक चेतना जगाउने तथा वातावरण संरक्षणका निमित्त सकारात्मक जनचेतना अभिवृद्धि गर्ने उद्देश्यले ‘विश्व वातावरण दिवस’ मनाइन्छ ।
दुर्घटनाका घाइतेको उपचारमा ध्यान दिन गृहमन्त्रीको निर्देशन
गृहमन्त्री बालकृष्ण खाणले जनकपुरबाट भैरहवा जाँदै गरेको यात्रुबाहक बस आज बिहान रुपन्देहीको रोहिणी पुलबाट खसेर भएको दुर्घटनाका घाइतेको शीघ्र स्वास्थ्योपचारमा ध्यान दिन सम्बन्धित निकायलाई निर्देशन दिनुभएको छ ।
साइरन बजाएर यात्रु ओसार्ने एम्बुलेन्स कारवाहीमा
निकै हतार गरेर साइरन बजाउदै अघि बढेको एम्बुलेन्सलाई प्रहरीको आशंकापछि जाँच गर्दा नक्कली विरामी फेला पारेको छ । रामपुर अस्पतालको एम्बुलेन्सले यात्रु बोकेको फेला परेपछि पक्राउ गरी कारबाही प्रकृया अघि बडाएको छ । बा२झ १७४३ नंको एम्बुलेन्स भाडामा यात्रु बोकेको अवस्थामा ट्राफिक कारबाहीमा परेको हो ।
अनाथ तथा ज्येष्ठ नागरिकको सहयोगका लागि महायज्ञ
गोरखापत्र अनलाइन काठमाडौं, जेठ २१ गते। नेपाली काँग्रेसका उपसभापति एवम् पूर्वगृहमन्त्री पूर्णबहादुर खड्काले स्वर्णिम श्रीमद्भागवत भक्ति सत्संग महायज्ञको शनिबार शुभारम्भ गर्नुभयो। काठमाडौँको बूढानीलकण्ठ नगरपालिका वडा नम्बर ७ स्थित गल्फुटारमा आयोजित महायज्ञ नौ दिनसम्म सञ्चालन हुनेछ। आयोजक रिमा सेवा समाजका अध्यक्ष रिमा सापकोटाका अनुसार, अनाथ तथा ज्येष्ठ नागरिकको कल्याणका लागि महायज्ञ लगाइएको हो। हाल ज्येष्ठ नागरिक तथा अनाथलाई भाडाको घरमा राखिएको छ। महायज्ञबाट प्राप्त दान तथा उपहार पनि उहाँहरूकै हितमा खर्च गरिने जानकारी अध्यक्ष सापकोटाले दिनुभयो। समाजले सञ्चालन गरेको आश्रममा अहिले ५७ जना आश्रित छन्।
महेन्द्रको शालिक राख्ने विषयमा झापामा तनाव
विष्णुप्रसाद पोखरेलदमक, जेठ २१ गते। झापाको भद्रपुर नगरपालिकास्थित चन्द्रगढीमा रहेको पुरानो महेन्द्र पार्कलाई सौन्दर्यकरण गरेर राजा महेन्द्र शाहको शालिक पुनस्र्थापना गर्न आएको समूहलाई प्रशासनले बल प्रयोग गरेर फिर्ता पठाएको छ। शनिबार शालिक पुर्नस्थापनाको घोषणा भएपछि बिहानैदेखि यहाँ सुरक्षाकर्मी परिचालन गरेर प्रशासनले यो कार्यलाई रोक लगाउन बल प्रयोग गर्ने तयारी गरेको थियो। सशस्त्र र जनपथ प्रहरीले पार्कलाई घेरा हालेका थिए।स्वतस्फूर्त रुपमा समिति बनाएर पार्कमा पूर्वराजा महेन्द्र शाहको शालिक पुर्नस्थापनाको प्रयास भएको थियो। लोकतान्त्रिक आन्दोलनको क्रममा त्यहाँ रहेको शालिक तत्कालीन अवस्थामा माओवादीका कार्यकर्ताले तोडफोड गरेर ढालेका थिए।शालिक पुर्नस्थापनाको समितिका संयोजक सञ्जीव मैनालीसहितको टोलीलाई प्रहरीले पार्क प्रवेशद्वारमा रोकेपछि पार्कस्थलमा दुई घटनासम्म तनाव भएको हो। जिल्ला प्रहरी कार्यालय झापाका प्रवक्ता एवं प्रहरी नायब उपरीक्षक वसन्त पाठकका अनुसार सामान्य बल प्रयोग गरिएको हो।भद्रपुर नगरपालिकाको स्वामित्वमा रहेको महेन्द्र पार्कमा शालिक पुर्नस्थापनाको तयारी भएपछि यसलाई रोक्नका लागि नगरपालिकाले प्रशासनलाई आग्रह गरेको थियो। बुधबार प्रशासनमा भएको छलफलमा शालिक राख्नका लागि नदिने निर्णय भएपछि शनिबार बिहानैदेखि यसलाई रोक्न प्रहरी परिचालन भएको हो।समितिका संयोजक मैनालीले पार्कभित्र जसरी पनि पूर्वराजाको शालिक राखेरै छाडने बताउदै प्रशासनले यसमा हस्तक्षेप गर्नु नहुने बताउनुभयो। १६ वर्षसम्म पार्कको अवस्था दयनीय रहँदा कसैले नहेरेका कारण आफूहरुले यसको संरक्षणमा स्वतस्फूर्त रुपमा चासो दिएको पनि उहाँको भनाइ छ।नगरपालिकाबाट स्वीकृति नलिई सार्वजनिकस्थल र पार्कमा अनाधिकृत रुपमा संरचना निर्माण, रंगरोकन, शालिक निर्माण, अतिक्रमण जस्ता कार्य हुन नदिने निर्णय भएकाले यो रोक्नका लागि आफूहरुले प्रशासनसँग माग गरेको भद्रपुर नगरपालिकाका एक जनप्रतिनिधिले बताउनुभयो।
विना कर फनपार्क सञ्चालन
झापाको कनकाई नगरपालिका– ३ र २ को सिमानामा सञ्चालित हेप्पी लेण्ड फनपार्कले कनकाई नगरपालिकालाई बर्षौदेखि कर नतिरी सञ्चालनमा आएको पाइएको छ ।
जातीय विभेद हट्न सकेको छैन : दलित अगुवा
छुवाछूत मुक्त राष्ट्र घोषणा गरेको १६ वर्ष पूरा भएपनि समाजमा अझैं जातीय विभेद हट्न सकेको छैन । दलित समुदायले पशुपालनबाट उत्पादन गरेको घिउ चले पनि दूघ चल्न सकेको छैन ।
माछा मार्ने क्रममा डुबेर एक जनाको मृत्यु
गुल्मीमा माछा मार्ने क्रममा डुबेर एक जनाको मृत्यु भएको छ । शनिवार दिउँसो छल्दी खोलमा माछा मार्न गएका इश्मा गाउँपालिका २ का ४१ वर्षीय झबिलाल कुमालको डुवेर मृत्यु भएको जिल्ला प्रहरी कार्यालय गुल्मीका प्रहरी नायव उपरीक्षक माधब खरेलले जानकारी दिनुभयो ।
२४ वर्षदेखि चिन्तामै बित्छ दिनरात
शेरबहादुर सार्कीबाजुरा, जेठ २१ गते । खप्तड छेडेदह गाउँपालिका ३ धुर्तोलाका स्थानीयबासी वर्षा शुरु भएसँगै चिन्ता चिन्तामै रात बिताउन बाध्य हुन्छन् । गाउँको वरिपरी र माथिबाट निरन्तर बग्न थालेको पहिरोले बस्ती नै बगाउँछ भन्ने डरले उनीहरु चिन्तामै रात बिताउन बाध्य भएका हुन् ।हिउँदमा ढुक्क मनले रात बिताउँदै आएका थियौँ, अब वर्षा लाग्यो, गाउँमै पहिरो पुग्छ की भन्ने चिन्ताले रात काट्नु परेको खप्तड छेडेदहगाउँपालिका ३ धुर्तोलाका स्थानीय सङ्गम रावतले बताउनुभयो । उहाँले भन्नुभयो, “जसरी हिउँदमा ढुक्क मनले मेलापात गएपछि शान्त मनले काम गर्थ्याैं, त्यसरी अब वर्षाको समयमा गर्न सक्दैनौं, वर्षामा पानी प¥यो की जताततै पहिरो लाग्ने गर्छ, पहिरोबाट जीउ जोगाउने चिन्ता चिन्तैमा वर्षायाममा दिन रात बिताउँछौं ।,,२०५५ सालमा धुर्तोलाको गाउँमाथिबाट गएको पहिरोले त्यहाँका स्थानीयबासीको ठूलो मात्रामा धनजनको क्षति भएको थियो ।खेतीयोग्य जमिन र हिँड्ने बाटो पनि पहिरोमा परिणत भएपछि अहिले त्यहाँका स्थानीयलाई एक गाउँबाट अर्को गाउँ आउजाउ गर्न पनि निकै सास्ती भएको छ । पहिरो नजानुभन्दा पहिला खेतीपाती गरेर राम्रोसँग जिवन जीउँदै आएका धुर्तोलाबासीको जमिन अहिले सबै पहिरोले बगाइदिएपछि उहाँहरु अहिले त्यो ठाउँबाट अर्कै ठाउँमा बसाइ गर्न बाध्य हुुनुभएकाे छ । पहिरोले खेती गर्ने जमिन बगाएपछि उनीहरुलाई खेती गरेर खाने जमिन नहुँदा भोकमरीको समस्या आएको स्थानीयको भनाइ छ । यो पीडा खप्तड छेडेदह गाउँपालिका ३ धुर्तौलाबासीको मात्र होइन पीडा त ठेकगाउँ टुनीसैनका महिलाको पनि उस्तै छ ।त्यहाँका महिलाहरुलाई पनि मेलापात घाँस दाउँरा गर्न निकै समस्या भएको छ । महिलालाई वर्षायाममा जीउ जोगाउन निकै गाह्रो छ । गाईभैंसी पालेपछि मेलापात घाँस र दाउँरा गर्न जानै पर्ने उहाँहरुको दिनचर्या छ । त्यहाँका महिलाले यो पीडा अहिले मात्र भोगेका होइनन् । त्यो पीडा २४ वर्ष यसरी नै बितिसक्याे ।बावु बाजेले यो ठाउँ राम्रो मानेर बसोवास गरेका भए पनि अहिलेका पुस्तालाई भने पहिरोले निकै सताइरहेको टुनीसैनका ६० वर्षीया शान्ता खड्काले बताउनुभयो ।