फिल्म 'प्रेमा' चैत १७ मा
गोविन्द सिंह भण्डारीको लेखन तथा निर्देशनमा बनेको फिल्म 'प्रेमा'को टिजर सार्वजनिक भएको छ ।
फिल्म 'बुलाकी'को टिजर सार्वजनिक
फिल्म ‘बुलाकी’को टिजर सार्वजनिक गरिएको छ । लक्ष्मण सुनारको निर्देशनमा बनेको फिल्मलाई टोपेन्द्र विष्टले निर्माण गर्नुभएको हो ।
सिनेमाघरमा ‘मनसँग मन’ र ‘आँधी तुफान २’
शुक्रबारबाट दुई नयाँ चलचित्र प्रदर्शनमा आएका छन्। ‘मनसँग मन’ र ‘आँधी तुफान २’ प्रदर्शनमा आएका चलचित्र हुन्। चलचित्र ‘मनसँग मन’मा पुष्प खड्का र वर्षा सिवाकोटीको प्रमुख भूमिका रहेको छ। चलचित्रलाई कैलाश राईले निर्देशन गर्नुभएको छ। प्रेमकथा र एक्सन विद्याको चलचित्रमा रवीन्द्र झा र बुद्धि तामाङको पनि अभिनय छ। चलचित्रको एउटा गीतमा अभिनेता पल शाह र अभिनेत्री पूजा शर्मासमेत अतिथि भूमिकामा देखिनुभएको छ।
-original-thumb.jpg)
गायक भिष्मको पहिलो गीत ‘अम्खरामा पानी’ सार्वजनिक
लोकशैलीको ‘अम्खरामा पानी’ बोलको म्यूजिक भिडियो सार्वजनिक भएको छ । यस गीतमा लोकप्रिय गायिका अस्मिता अधिकारी र गायक भिष्म अधिकारीको स्वर सुन्न सकिन्छ । गायक अधिकारीको स्वरमा यो पहिलो गीत हो । गीतमा तेजश रेग्मीको शब्द, संगीत रहेको छ ।
नेफ्टा फिल्म अवार्डको औपचारिक घोषणा
११औँ नेफ्टा फिल्म अवार्डको औपचारिक घोषणा भएको छ। बिहीबार सोल्टी होटलमा आयोजित समारोहमा वरिष्ठ अभिनेता मदनकृष्ण श्रेष्ठले नेफ्टा आयोजकका पदाधिकारीलाई ट्रफी हस्तान्तरण गर्दै अवार्डको अमेरिकी संस्करण घोषणा गर्नुभयो।
फराज आतङ्कवाद र मानवीय पक्ष समेटिएको चलचित्र
२०१६ जुलाई १ को रमाइलो साँझ। बङ्गलादेशको राजधानी ढाकामा रहेको आर्टिसन क्याफेमा बन्दुक र बमसहित पाँच आतङ्ककारीले आक्रमण गर्दा त्यहाँ रहेका आतङ्कित बने। आतङ्ककारी हमलामा भारतीय महिलासहित २२ जनाको हत्या भएको थियो। निब्रास (आदित्य रावल) इस्लाम खतरामा छन् र काफिरहरूलाई मार्दा उसलाई र उनका साथीहरूलाई जन्नतमा लैजान्छ भन्ने भ्रममा छन् भने फराज आयाज हुसैन (जहान कपुर)लाई इस्लामिक कट्टरपन्थले बन्धक बनाएको छ। यहाँ प्रश्न उठ्छ कि– जब निब्रासले तपाईंलाई के चाहनुहुन्छ भन्ने प्रश्न गर्दा उसले भन्छ, “म तपाईंजस्ता मानिसबाट मेरो इस्लाम फिर्ता चाहन्छु।” इस्लामको विषयवरिपरि घुमेको कथा हो– चलचित्र ‘फराज’ ।
ऐन पास गर्न नसक्दा चलचित्र क्षेत्रको विकास भएन : भुवन केसी
चलचित्र विकास बोर्डका अध्यक्ष भुवन केसीले सरकारले नेपाली चलचित्र ऐन पास गर्न नसक्दा चलचित्र क्षेत्रले विकासमा फड्को मार्न नसकेको बताउनुभएको छ।
प्रधानमन्त्रीको कुर्सीमा बस्दा प्रधानमन्त्री बनेजस्तै भयो: मदनकृष्ण श्रेष्ठ
वरिष्ठ कलाकार मदनकृष्ण श्रेष्ठले नेफ्टा अवार्डको कार्यक्रममा प्रधानमन्त्री बस्ने कुर्सीमा आफू बस्नु नै आफूलाई पुरस्कार सरह भएको बताउनुभएको छ।
नाजिर हुसेनको 'मायामा यस्तो किन ?'
अभिनेता नाजिर हुसेन र कविता रायाको अभिनय रहेको म्यूजिक भिडियो 'मायामा यस्तो किन ?' सार्वजनिक गरिएको छ । विक्रम चौहानले निर्देशन गर्नुभएको भिडियोमा एलिना चौहानको स्वर सुन्न सकिन्छ ।
'बरको डाली' को म्यूजिक भिडियो सार्वजनिक
गायक रञ्जित विश्वकर्मा र गायिका लक्ष्मी नेपालीको स्वरमा गीत 'बरको डाली'को म्यूजिक भिडियो सार्वजनिक भएको छ । गीतमा खेमराज गौतमको शब्द सङ्गीत तथा एरेन्ज छ ।
चलचित्र विकास बोर्डका सल्लाहकार समितिका सदस्यद्वय खड्का र श्रेष्ठद्वारा राजीनामा
चलचित्र विकास बोर्डका सल्लाहकार समितिका सदस्यद्वय रवीन्द्र खड्का र सुशान्तकुमार श्रेष्ठले आफ्नो पदबाट राजीनामा दिनुभएको छ ।
नोभिस आर्टस्को ‘तिमीबिना बोल’
नोभिस आर्टस्को ‘तिमीबिना बोल’ गीतको भिडियो सार्वजनिक भएको छ । सनिश श्रेष्ठको आवाज रहेको गीतमा फोसिलले सङ्गीत भर्नुभएको छ । गीतमा शब्द मञ्जु रिजालको रहेको छ । गीतको भिडियोमा प्रकाशदीप तिमिल्सिना र गीता ढुङ्गानाको अभिनय रहेको छ । गीतलाई ललित विष्टले निर्देशन गर्नुभएको हो ।
सम्मानपत्र वितरण
लोक तथा दोहोरी गायिका टीका पुनको ‘टीका पुन साङ्गीतिक साँझ’ सम्पन्न भएको अवसरमा धन्यवाद ज्ञापन तथा सम्मानपत्र वितरण कार्यक्रम २०७९ आयोजना गरिएको छ। गायक प्रेमराजा महतको प्रमुख आतिथ्यमा सम्पन्न कार्यक्रममा वरिष्ठ अतिथिहरू लोक गायक तथा सर्जक नारायण रायमाझी, नेपाली कांग्रेसका युवा नेता तथा समाजसेवी भूपेन्द्रजङ्ग शाही, सङ्गीतकार बीबी अनुरागी, गायक रामजी खाँड, गायिका राधिका हमाल पुनलगायतको उपस्थिति रहेको थियो।
अभिनेत्री मानन्धरद्वारा साइबर ब्युरोमा उजुरी
अभिनेत्री करिश्मा मानन्धरले डिल्लीराम खनालविरुद्ध साइबर ब्युरोमा उजुरी दिनुभएको छ ।
'लालबहादुर : द स्पार्क' सिरिजको ट्रेलर सार्वजनिक
सरोज खनाल र सुनिल थापा अभिनीत सिरिज 'लालबहादुर : द स्पार्क'को ट्रेलर सार्वजनिक भएको छ ।
प्रियङ्कारानी जोशी समाजसेवामा
मिस वल्र्डको विधा ‘ब्युटी विथ पर्पस’ परियोजनाअन्तर्गत चितवनको इच्छाकामना गाउँपालिका–७ स्थित दुर्गम अपर दाङगढी गाउँ राष्ट्रिय विद्युत् प्रसारण लाइनसँग जोडिएको छ। मिस नेपाल वल्र्ड प्रियङ्कारानी जोशीले नेपाल विद्युत् प्राधिकरणसँग मिलेर उक्त गाउँमा बिजुली पु-याउनुभएको हो। विपन्न चेपाङ र गुरुङ समुदायको बस्ती रहेको गाउँमा बिजुली पुगेपछि ५८ घरधुरीका ३५८ जना लाभान्वित हुने भएका छन्।
गायक करण राईको गीत 'चङ्गा'
'द भ्वाइस अफ नेपाल' सिजन ४ का विजेता गायक करण राईको पहिलो आधिकारिक गीत 'चङ्गा' सार्वजनिक भएको छ ।
नयाँ वर्षमा ‘बुलाकी’
नारीप्रधान चलचित्र ‘बुलाकी’ नयाँ वर्ष अर्थात् वैशाख १ गते प्रदर्शन हुने भएको छ। लक्ष्मण सुनार निर्देशित चलचित्रका निर्माता टोपेन्द्र विष्टले सामाजिक सञ्जालमार्फत चलचित्रको नयाँ पोस्टरसहित प्रदर्शन मिति सार्वजनिक गर्नुभएको हो।
जितु र साम्राज्ञी ‘पर्फेक्ट’ कलाकार
डा. कपिल रिजाल पेसाले दन्तचिकित्सक हुनुहुन्छ। डा. रिजाल वरिष्ठ स्त्रीरोग विशेषज्ञ डा. भोला रिजालका छोरा हुनुहुन्छ। तीन दशकभन्दा बढी समयदेखि बेलायतमा कार्यरत डा. कपिल आफ्नो चिकित्सा पेसामा मात्र सीमित हुनुहुन्न। उहाँ निर्मातासँगै निर्देशक पनि हुनुहुन्छ। लन्डनमै बसेर चलचित्र निर्माणमा सक्रिय उहाँका सर्ट फिल्महरू ‘कर्मा : लाइफ इज अ बुम-याङ’, ‘यु गेट ह्वाट यु गिभ’ युट्युबमा हेर्न सकिन्छ। अहिले रिजालले निर्देशन गर्नुभएको चलचित्र ‘ह्यारीकी प्यारी’ देशभर प्रदर्शन भइरहेको छ। ‘ह्यारीकी प्यारी’ दुई फरक पात्रहरू प्रेममा पर्दा उनीहरूबीच आउने उतार–चढावको कथा भएको डा. रिजाल बताउनुहुन्छ।
नायक शाहलाई १५ दिन भित्र अदालतमा उपस्थित हुन आदेश
बलात्कार आरोपमा पुर्पक्षका लागि तनहुँ कारागारमा थुनामा रहेका नायक पल शाहको मुद्दामा उच्च अदालत पोखराले शाहलाई १५ दिन भित्र उपस्थित गराउन उच्च अदालत पोखराले आदेश दिएको छ ।
'ए चरी' बोलको म्युजिक भिडियो सार्वजनिक
गायिका अबुन पाण्डेको स्वरमा सजिएको 'ए चरी' बोलको म्युजिक भिडियो सार्वजनिक भएको छ।
‘आमाको ममता’ सार्वजनिक
गायक रामकृष्ण ढकालको स्वरमा रहेको गीत ‘आमाको ममता’ सार्वजनिक गरिएको छ। आइतबार काठमाडौँमा आयोजित एक कार्यक्रमका बीच उक्त गीतको भिडियो सार्वजनिक गरिएको हो। गीतमा अर्जुन सुवेदीको शब्द रचना रहेको छ भने अर्जुन पोखरेलको सङ्गीत रहेको छ। नक्षत्र प्रोडक्सनले निर्माण गरेको म्युजिक भिडियोमा एक अनाथ बच्चालाई कर्म दिएका आमा–बुवा र उनीहरूसँग पनि बिछोड भएपछि गर्नु परेको सङ्घर्ष देखाइएको छ।
क्यानबेरामा नेपथ्यको प्रस्तुति
नेपथ्यले अस्ट्रेलियाका शान्त केन्द्रीय राजधानी क्यानबेराको मञ्चमा आफ्नो ब्यान्डको पहिलो प्रस्तुति दिएको छ। कन्सर्ट सुरु हुँदा ब्यान्डले पहिलो गीत उसलाई स्थापना गराउने पहिलो सिर्जना अर्थात् ‘आँगनैभरि हिउँनै झरे’बाट सुरु गरेको थियो। त्यसपछि लगत्तै दोस्रो एल्बमको सर्वकालिक हिट गीत ‘छेक्यो छेक्यो’ सुनायो।
मिस कुमाल तनहुँको उपाधि सरिष्मालाई
मिस कुमाल तनहुँ-२०७९ को उपाधि व्यास नगरपालिका–४ दमौलीकी सरिष्मा कुमालले जित्नु भएको छ।
-original-thumb.jpg)
गायक मिङसोहाङको ‘तिम्रै हुनेछु’ सार्वजनिक
भोइस अफ नेपाल सिजन ४ प्रतियोगी गायक मिङसोहाङ लिम्बूले आफ्नो पहिलो डेब्यु म्यूजिक भिडियो ‘तिम्रै हुनेछु’ सार्वजनिक गरेका छन् ।
