काठमाडौँ, असार ६ गते । सङ्गीतकार सुनील मास्केको एल्बम ‘अनुभव’ सार्वजनिक भएको छ । एल्बममा समावेश पाँच वटा गीतमा उदय र मनिला सोताङले आवाज दिनुभएको छ ।
गीतमा अर्जुनरत्न भिखारी, नूतन भुसाल, योगेन्द्रमणि दाहाल, तुलसी बस्नेत, सुनिता बस्नेत थापाको शब्द तथा प्रदीप श्रेष्ठ, सञ्जीव बराइली, रिदम कँडेल, सचिन सिंहको सङ्गीत संयोजन रहेको छ । एल्बममा ‘हात समाई मिठा बात गरेको’, ‘तिम्रो माया जीवनको खेल हो कि’, ‘कता गयो त्यो बैँस’, ‘तिमीसँगै जिन्दगानी बिताउन पाऊँ’ जस्ता बोलका गीत समावेश छन् । गीतका रेकर्डिस्ट राजेश श्रेष्ठ हुनुहुन्छ भने किशोर थापाले मिक्सिङ र मास्टरिङ गर्नुभएको छ । गीतको भिडियो युवराज वाइबाले निर्देशन गर्नुभएको छ ।
