चेतना जगाउन ‘नो सेभ नोभेम्बर’
काठमाडौँमा ‘नो सेभ नोभेम्बर’ फेसन रनवे सम्पन्न भएको छ । एन्ट फाउन्डेसन नेपाल र कलाकार तथा फेसन कोरियोग्राफर प्रशान्त ताम्राकारको नेतृत्वमा नो सेभ नोभेम्बर फेसन फर कज रनवे सम्पन्न भएको छ ।
परिजितालाई ‘द भ्वाइस’मा सफलता
नेपाली मूलकी परिजिता बाँस्कोटा अमेरिकी संस्करणको टेलिभिजन रियालिटी सो ‘द भ्वाइस’को अन्तिम–१० मा प्रवेश गर्नुभएको छ।
‘अवतार : द वे अफ वाटर’ महँगो चलचित्र
जेम्स क्यामरुन निर्देशित हलिउड चलचित्र ‘अवतार : द वे अफ वाटर’ अहिलेसम्मकै महँगो चलचित्र भएको समाचार एजेन्सीले जनाएको छ। निर्देशक क्यामरुनले ‘अवतार २’ अहिलेसम्म बनेकामध्ये महँगो चलचित्र बनेको बताउनुभएको छ। वितरण कम्पनी ‘ट्वेन्टिथ सेन्चुरी फक्स’का अधिकारीसँग पनि क्यामरुनले फिल्म इतिहासमै खराब ढङ्गले निर्माण खर्च बढेको गुनासो गर्नुभएको छ।
‘भो आँसु नझार’ सार्वजनिक
गायक रामकृष्ण ढकालको ‘भो आँसु नझार’ बोलको गीत सार्वजनिक भएको छ । नारायण कँडेलको शब्द सिर्जना, रमेश कायस्थको सङ्गीत, आशिष अविरलको एरेन्ज, विकास दाहालको सम्पादन र बुद्ध एन्ड टिमको छायाङ्कन रहेको भिडियोको निर्देशन प्रकाश धितालले गर्नुभएको हो ।
‘नम्बरी सुन’मा सापकोटा
चलचित्र ‘नम्बरी सुन’मा अभिनेत्री नम्रता सापकोटा अनुबन्धित हुनुभएको छ । चलचित्र निर्देशक राजु गिरी र निर्माता नारायण खातीले अभिनेत्री सापकोटाले कागजी सम्झौता गर्नुभएको हो ।
उत्साहजनक थ्रिलर ‘दृश्यम २’
सन् २०१५ मा प्रदर्शनमा भएको अजय देवगन अभिनीत चलचित्र ‘दृश्यम’को सिक्वेल हो ‘दृश्यम २’ । पहिलो सिक्वेलजस्तै यस चलचित्रले पनि थ्रिलर विधा बोकेको छ । जुन अहिले धेरै दर्शकको पहिलो रोजाइ बनेको छ । चलचित्रले दर्शकलाई सुरुदेखि अन्त्यसम्म सिनेमाघरमा बाँधेर राख्न बाध्य बनाउँछ ।
सिद्धार्थ र मिङ्मालाई ‘सुपर डान्सर नेपाल’को उपाधि
टेलिभिजन रियालिटी सो ‘सुपर डान्सर नेपाल’ पहिलो सिजनको उपाधि सिद्धार्थ श्रेष्ठको समूह टिम ‘सिड्मिङ’ ले हात पारेको छ।
‘उचाइ’ को विशेष प्रदर्शन
पर्यटन प्रवर्द्धनको हेतुले विभिन्न कार्य गर्दै आएको नेपाल पर्यटन बोर्डले नेपालमा छायाङ्कन भएको बलिउड चलचित्र ‘उचाइ’को विशेष प्रदर्शन आयोजना गरेको छ।
‘रातो कार’ सार्वजनिक
गायकद्वय लीला श्रेष्ठ र नकुल थापाको ‘रातो कार’ बोलको लोकदोहोरी गीत सार्वजनिक गरिएको छ।
कालापत्थरमा जेडी र छिरिङको नाच
कोरियोग्राफर तथा कन्टेम्पोररी डान्सर जेडी तमू र नेपालका डान्सिङ स्टार विजेता छिरिङ शेर्पाले विश्व कीर्तिमानका लागि सोलुखुम्बुमा रहेको सर्वोच्च शिखर सगरमाथाको फेदीमा रहेको कालापत्थरको पाँच हजार छ सय मिटर उचाइमा नृत्य प्रस्तुत गरी दाबी पेस गरेका छन्। उनीहरूले विश्वकै उच्च स्थानमा कोरियोग्राफ गरी नृत्य प्रस्तुत गर्दै विश्व रेकर्डमा दाबी पेस परेका हुन्। उनीहरूले विभिन्न नेपाली लोकनृत्यलाई समायोजन गरी तीन मिनेट लामो प्रस्तुति दिएका छिन्। नेपाली कला संस्कृति र पर्यटनलाई प्रोत्साहन गर्न उक्त कार्यक्रम गरिएको कोरियोग्राफर जेडीले बताए। सरस्वती धिमालले कोरियोग्राफ गरेको गीतलाई प्रेम पौडेलले छायाङ्कन गरेका हुन् भने ड्रोन अभय पोखरेलले चलाएका छन्।
‘ह्यारी कि प्यारी’ को पोस्टर सार्वजनिक
माघ २० गतेबाट प्रदर्शनमा आउन लागेको चलचित्र ‘ह्यारी कि प्यारी’ को अभिनेत्री साम्राज्ञी राज्यलक्ष्मी शाहको जन्मदिनको अवसर पारेर तीनवटा आधिकारिक पोस्टर सार्वजनिक गरिएको छ। पोस्टरमा अभिनेता जितु नेपाल र अभिनेत्री साम्राज्ञी राज्यलक्ष्मी शाह देखिनुभएको छ। कमेडी जनरामा निर्माण भएको सामाजिक पारिवारिक चलचित्रको बीआर प्रोडक्सनको प्रस्तुतिमा निर्माण भएको चलचित्रमा विजय बराल, लक्ष्मी गिरी, सुवास गजुरेल, नरेश पौडेल, रञ्जना भट्टराई, समीक्षा पौडेल, रमेश अधिकारी, डिल्लीराम खनालको पनि अभिनय रहेको छ। चलचित्रमा अभिनेत्री रेखा थापा विशेष भूमिकामा देखिँदै हुनुहुन्छ।
राजनीतिलाई फोहोरी खेल नभन्न आग्रह
प्रतिनिधि सभा र प्रदेश सभाका लागि आइतबार देशभर मतदान गरिएको छ। कलाकारले पनि आ–आफ्नो निर्वाचन क्षेत्रमा मतदान गर्नुभएको छ। मतदानसँगै कलाकारहरू अर्को चुनावमा आफू उम्मेदवार हुने इच्छा पनि व्यक्त गर्नुभएको छ। चलचित्र विकास बोर्डका अध्यक्ष भुवन केसीले अहिलेको चुनावले परिवर्तनको सङ्केत गरेको बताउनुभयो। उहाँले नेपाली कला, संस्कृति, चलचित्रको प्रवद्र्धनका लागि कलाकार उम्मेदवार विजयी हुनुपर्ने धारणा व्यक्त गर्नुहँुदै भविष्यमा उम्मेदवार बन्ने मौका पाए अवश्य बन्ने बताउनुभयो।
कलाकारद्वारा मतदान, मताधिकार सदुपयाेग गर्न आह्वान
हाँस्य कलाकार हरिवंश आचार्यले गत वर्षको निवार्चनको तस्विर समाजिक सञ्जालमा सार्वजनिक गर्दै लेख्नुभएको छ, “लोकतन्त्रको सुन्दर पक्ष भनेकै निर्वाचनबाट आफूलाई मन पर्ने जनप्रतिनिधि आफैँले छान्न पाउनु हो । सबैले निर्वाचनमा भाग लिई आफ्नो मताधिकार प्रयोग गरौँ।”
फिल्म 'गोविन्दा नाम मेरा'को पोस्टर सार्वजनिक
काठमाडौं, मङ्सिर ३ गते । भारतीय अभिनेता विक्की कौशल, नायिका कियारा आडवाणी र भूमि पेडनेकर अभिनित फिल्म 'गोविन्दा नाम मेरा'को पोस्टर सार्वजनिक गरिएको छ । फिल्मको पोस्टर 'डिज्नी हटस्टार'को इन्स्टाग्राम अकाउन्टबाट सार्वजनिक गरिएको हो ।फिल्ममा विक्कीले ‘गोविन्दा’ को भूमिका निर्वाह गरेका छन् । सामाजिक सञ्जालमा चलचित्रको पोस्टर सार्वजनिक गदै विक्कीले लेख्नुभएको छ, ‘गोविन्द नाम मेरो, नाच्ने काम मेरो, आउँदैछु चाँडै, आफ्नो कहानी लिएर ।करण जोहरको धर्मा प्रोडक्सनको ब्यानरमा बनेको यस फिल्मलाई शशाङ्क खेतानले निर्देशन गर्नुभएको हो । यस्तै, फिल्म एक क्राइम सस्पेन्स थ्रिलर कथामा आधारित छ ।
'सुपर डान्सर नेपाल'पहिलो सिजनको उपाधि सिद्धार्थ र मिङ्मालाई
काठमाडौं, मङ्सिर ३ गते । टेलिभिजन रियालिटी शो ‘सुपर डान्सर नेपाल’ पहिलो सिजनको उपाधि सिद्धार्थ श्रेष्ठको समूह टीम ‘सिड्मिङ’ले जित्नुभएको छ । शुक्रबार राति समापन भएको ग्राण्ड फिनालेमा सिद्धार्थ र उहाँका डान्स कोरियोग्राफर मिङ्मा डी लेप्चाले उपाधि जित्नुभएकाे हो । उहाँहरुले १५ लाख रुपियाँ नगद र अन्य पुरस्कारसमेत जित्नुभएकाे छ । शोका निर्देशक भूषण दाहाल हुनुहुन्छ भने निर्णायकमा भुवन केसी, जसिता गुरुङ र सुरेन राई हुन् । तर भुवनले भने बीचमै शो छाड्नुभएकाे थियाे ।
पुष्प र वर्षाको ‘नखरा कबुल’
कवाली शैलीको ‘नखरा कबुल’ बोलको म्युजिक भिडियो सार्वजनिक भएको छ। गीतमा गायक विकास राणाको स्वर समेटिएको छ। नारायण नेपालको शब्द रहेको गीतमा शशिविक्रम थापाको सङ्गीत रहेको छ। यस गीतलाई विनोद भुजेलले सङ्गीत संयोजन गर्नुभएको छ।
चलचित्रमा आमाबुवाको पीडा
गीतकार तारा अधिकारीद्वारा निर्देशित छोटो चलचित्र सर्ट फिल्म ‘धुकधुकी’ सार्वजनिक भएको छ। चलचित्रमा वृद्ध अवस्थामा बाबुआमाले आफ्नो सन्तानको साथ खोज्दा पनि नपाएको कथा देखाइएको छ। चाडबाडको बेलामा विदेशिएको सन्तानको यादको पीडा परिवारले कसरी भोग्छ भन्ने कुरा चलचित्रमा छ।
‘मतदान गर्न जागौँ, उठौँ सारा’
आगामी मंसिर ४ मा हुने प्रतिनिधिसभा र प्रदेशसभाको चुनावका लागि मतदान वा मतदाता शिक्षा बारे विभिन्न श्रव्यदृश्य सामाजिक सञजालमा देखिएका छन्।
पार्टीका चुनावी गीतका कारण मतदाता उत्साहित
मङ्सिर ४ गतेको प्रतिनिधिसभा र प्रदेशसभा सदस्यको निर्वाचनको नजिकिँदै जाँदा चुनावी माहौलमा विभिन्न पार्टीका चुनावी गीतले मतदाताहरूको उत्साह बढाएको छ ।
‘नखरा कबुल’ म्युजिक भिडियो सार्वजनिक
कवाली शैलीको ‘नखरा कबुल’ बोलको म्युजिक भिडियो सार्वजनिक भएको छ । यस गीतमा स्वर उड्डयन क्षेत्रका सफल व्यवसायी एवं गायक विकास राणाको रहेको छ ।
निर्वाचनमा कलाकारको दौडधुप
कला क्षेत्रबाट चुनावी मैदानमा होमिने कलाकारको सङ्ख्या यसपटक उच्च छ। आगामी मङ्सिर ४ मा हुने प्रतिनिधि र प्रदेश सभा सदस्यको निर्वाचनमा कलाकार दौडधुपमा व्यस्त हुनुहुन्छ। गायिका कोमल ओलीले नेकपा एमालेबाट दाङको निर्वाचन क्षेत्र नम्बर ३ बाट प्रतिनिधि सभा सदस्यका लागि उम्मेदवारी हुनुभएको छ। उहाँ प्रत्यक्ष निर्वाचित भएर जनताको सेवा गर्ने भन्दै घरदैलोमा पुगेर मत मागिरहनुभएको छ।
चलचित्रबाट ब्रेक लिँदै अमिर खान
बलिउड सुपरस्टार अमिर खानले ३५ वर्षको आफ्नो चलचित्रको करिअरपछि अभिनयबाट ब्रेक लिने हुनुभएको छ। अभिनेता खान केही महिनाअघि चलचित्र ‘लाल सिंह चड्डा’मा देखिनुभएको थियो तर यो चलचित्र बक्स अफिसमा खासै जम्न सकेन। योसँगै अभिनेताले अभिनयबाट ब्रेक लिने निर्णयले उहाँका फ्यानलाई ठूलो झट्का लागेको छ। अभिनयबाट ब्रेक लिनुका साथै उहाँले आफ्नो भावी योजनाका बारेमा पनि खुलासा गर्नुभएको छ।
नृत्यमार्फत गिनिज वर्ल्ड रेकर्डको तयारी
नायिका छिरिङ शेर्पा र कोरियोग्राफर जगदीश गुरुङ (जेडी तमु) ‘सर्वाधिक उचाइमा नृत्य गर्ने जोडी’का रूपमा गिनिज वल्र्ड रेकर्डमा नाम लेखाउने तयारीमा हुनुहुन्छ। छिरिङ शेर्पा डान्सिङ रियालिटी सो डान्सिङ स्टार्स नेपालको विजेता हुनुहुन्छ। उहाँले कोरियोग्राफर सरोज प्रजासँग मिलेर जित हासिल गर्नुभएको थियो। शेर्पा फिल्म्स सङ्घ नेपालकी अध्यक्षसमेत रहेकी छिरिङ, मिस्टर एन्ड मिस टिन शेर्पाकी आयोजक पनि हुनुहुन्छ।
कुसुमे रुमाल २ को भिडियो सार्वजनिक
नेपाली लोक सङ्गीत नादिङ लयको गीत कुसुमे रुमाल २ को भिडियो सार्वजनिक भएको छ । ओएसआर डिजिटलको युटुव च्यानल मार्फत भिडियो सार्वजनिक भएको छ ।