दिगो आर्थिक वृद्धिमार्फत गरिबी निवारण बजेटको उद्देश्य
सरकारले उच्च दिगो एवम् फराकिलो आर्थिक वृद्धि हासिल गरी गरिबी निवारण गर्ने उद्देश्य लिएको छ । सङ्घीय संसद्को संयुक्त बैठकमा बिहीबार आगामी आर्थिक वर्ष २०८२/०८३ को राजस्व र व्ययको वार्षिक अनुमान (बजेट) प्रस्तुत गर्दै उपप्रधानमन्त्री एवम् अर्थमन्त्री विष्णुप्रसाद पौडेलले उद्यमशीलता विकास र सार्वजनिक तथा निजी लगानी विस्तार गरी रोजगारी सिर्जना गरिने बताउनुभयो ।
विद्युत क्षमता चार हजार आठ सय मेगावाट पुर्याइने
सरकाले आर्थिक वर्ष २०८२-८३ मा सम्पन्न हुने जलविद्युत आयोजनाबाट थप ९४२ मेगावाट विद्युत उत्पादन भई कुल जडित क्षमता चार हजार आठ सय मेगावट पुर्याउने भएकाे छ।
आँबुखैरेनी-पोखरा सडक स्तरोन्नति गर्न ८ अर्ब ५२ करोड
सरकारले आँबुखैरेनी-पोखरा सडक स्तरोन्नति गर्न ८ अर्ब ५२ करोड विनियोजन गरेको छ ।
मेडिकल कलेज निर्माण कार्य अगाडि बढाउन ५६ करोड विनियोजन
काठमाडौँ, जेठ १५ गते। सरकारले निर्माणाधीन तथा प्रस्तावित मेडिकल कलेज निर्माण कार्य अगाडि बढाउन ५६ करोड रकम विनियोजन गरेको छ। सङ्घीय संसद्को संयुक्त बैठकमा आगामी आर्थिक वर्ष २०८२ र ८३ को बजेट भाषण गर्दै अर्थमन्त्री विष्णुप्रसाद पौडेलले निर्माणाधीन तथा प्रस्तावित मेडिकल कलेज निर्माण कार्य अगाडि बढाउन ५६ करोड विनियोजन बजेट विनियोजन गरेको जानकारी दिनुभयो। उहाँले बुटवल, सुर्खेत, डडेलधुरामा निर्माणाधीन प्रस्तावित कलेजको पूर्वधार निमार्ण कार्य अगाडि बढाउन ५६ करोड बजेट विनियोजन गरेको जानकारी दिनुभएको हो। मेडिकल शिक्षामा उपलब्ध गराउँदै आएको छात्रवृतिलाई गरिब जेहेनदार र अतिदुर्गमका विद्यार्थी लक्षित बनाउने उहाँको भनाइ छ।
प्रदेश र स्थानीय तहलाई पाँच खर्ब ८२ अर्ब विनियोजन
आगामी आर्थिक वर्ष २०८२/८३ का लागि सङ्घ सरकारले प्रदेश र स्थानीय तहलाई वित्तीय हस्तान्तरणमार्फत् पाँच खर्ब ८२ अर्ब ८३ पठाउने भएको छ ।
नेपालमा ‘पोड वे’ यातायात सुरु गरिने
नेपाल सरकारले पोड वे सेवालाई अगाडि बढाउने भएको छ । अर्थमन्त्री विष्णुप्रसाद पौडेलले आर्थिक वर्ष २०८२÷०८३ को वार्षिक बजेट प्रस्तुत गर्दै सो जानकारी दिनु भएको हो ।
भृकुटीमण्डपमा अन्तर्राष्ट्रिय स्तरको प्रदर्शनी स्थल निर्माण गरिने
सरकारले काठमाडौँको भृकुटीमण्डपमा अन्तर्राष्ट्रिय स्तरको प्रदर्शनी स्थल निर्माण गर्ने भएको छ ।
पीडित सहकारी बचत कर्तालाई रकम फिर्ता गर्न चक्रिय कोष स्थापना गर्ने
सरकारले भूमिसम्बन्धी कानुनमा संशोधन गरी भूमिहिन दलित, सुकुम्वासी र अव्यवस्थित बसोवासीको समस्या स्थायी रूपमा समाधान गर्ने भएको छ । आर्थिक वर्ष ०८२/०८३ को बजेट भाषणका क्रममा उपप्रधानमन्त्री एवम् अर्थमन्त्री विष्णुप्रसाद पौडेलले यस्तो बताउनुभएको हो ।
दिवा खाजामा बजेट वृद्धि गरी १० अर्ब १९ करोड रुपियाँ
कक्षा १ देखि ५ सम्मका विद्यार्थीलाई उपलब्ध गराइँदै आएको दिवा खाजा कार्यक्रमको बजेटमा वृद्धि गरी १० अर्ब १९ करोड रुपियाँ बजेट विनियोजन गरिएको छ ।
निःशुल्क उपलब्ध औषधी आपूर्तिका लागि दुई अर्ब छ करोड बजेट
सरकारले आधारभूत स्वास्थ्य सेवा, आधारभूत अस्पतालबाट निःशुल्क उपलब्ध हुँदै आएको औषधी आपूर्तिका लागि दुई अर्ब छ करोड बजेट विनियोजन गरेको छ।
सरकारले सार्वजनिक सूचनामा नागरिकको सहज पहुँच विस्तार गर्ने
सरकारले सार्वजनिक सूचनामा नागरिकको सहज पहुँच कामय गर्ने भएको छ । बिहीबार बसेको प्रतिनिधिसभा बैठकमा उपप्रधानमन्त्री एवं अर्थमन्त्री विष्णुप्रसाद पौडेलले आगामी आर्थिक वर्ष २०८२र८३ को बजेट प्रस्तुत गर्दै भन्नुभयो, “प्रेस स्वतन्त्रताको प्रवर्द्धन गरी पारदर्शीता र जवाफदेहितामा अभिवृद्धि गरिनेछ, नागरिकको वैयक्तिक स्वतन्त्रता र गोपनियताको हकको रक्षा गरिने छ ।”
शिक्षा मन्त्रालयका लागि दुई खर्ब ११ अर्ब १७ करोड
शिक्षा, विज्ञान तथा प्रविधि मन्त्रालयका लागि दुई खर्ब ११ अर्ब १७ करोड विनियोजन गरिएको छ । अर्थमन्त्री विष्णु पौडेलले आगामी आर्थिक वर्ष २०८२-८३ को बजेट सार्वजनिक गर्नुहुँदै सो जानकारी दिनुभयो ।
स्वास्थ्य तथा जनसङ्ख्या मन्त्रालयका लागि ९५ अर्ब ८१ करोड बजेट
सरकारले स्वास्थ्य तथा जनसङ्ख्या मन्त्रालयका लागि ९५ अर्ब ८१ करोड बजेट विनियोजन गरेको छ ।
कृषि तथा पशुपन्छी क्षेत्रका लागि कुल ५७ अर्ब ४८ करोड विनियोजन
अर्थमन्त्री विष्णुप्रसाद पौडेलले संसदमा प्रस्तुत गर्नुभएको आगामी अर्थिक वर्षको बजेटमा कृषि तथा पशुपन्छी विकास तर्फ कुल ५७ अर्ब ४८ करोड रुपिया विनियोजन गरिएको छ ।
विकट हिमाली क्षेत्रका विद्यार्थीको छात्रवृत्तिका लागि दुई अर्ब ४४ करोड
लक्षित समुदाय र विकट हिमाली जिल्लाका विद्यार्थीलाई प्रदान गरिँदै आएको छात्रावृत्तिलाई निरन्तरता दिइनेछ । यसका लागि दुई अर्ब ४४ करोड रकम विनियोजन भएको छ।
सहकारीको रकम अपचलन गर्नेको सम्पत्ति लिलाम हुने
आर्थिक वर्ष २०८२/८३ को बजेट प्रस्तुत गर्दै अर्थमन्त्री विष्णु पौडेलले सहकारीको रकम अपचलन गर्नेको सम्पत्ति लिलाम बिक्री गरी पीडितलाई वितरण गर्ने जानकारी गराउनुभएको हो।
टियु क्रिकेट रङ्गशालाका लागि ४० करोड विनियोजन
सरकारले टियु क्रिकेट रङ्गशालाका लागि ४० करोड विनियोजन गरेको छ । आगामी आर्थिक वर्षको बजेट पेस गर्नुहुँदै उपप्रधानमन्त्री एवम् अर्थमन्त्री विष्णुप्रसाद पौडेलले राष्ट्रिय खेदकुद गर्न ५४ करोड विनियोजन गरिएको बताउनुभएकाे हाे ।
खेलकुदमा ६ अर्ब आठ करोड बजेट
सरकारले युवा तथा खेलकुद मन्त्रालयका लागि ६ अर्ब आठ करोड रुपियाँ बजेट विनियोजन गरेको छ ।
नेपाल दुई वर्षभित्र चामलमा आत्मनिर्भर बन्ने
उपप्रधानमन्त्री एवं अर्थमन्त्री विष्णुप्रसाद पौडेलले बिहीबार संसद्को संयुक्त बैठकमा प्रस्तुत गर्नुभएको आगामी आर्थिक वर्षको बजेटमा यसका लागि विभिन्न कार्यक्रमको व्यवस्था गरिएको बताउनुभयो।
उपत्यकाभित्र सञ्चालित उद्योगलाई उपत्यका बाहिर स्थानान्तरण गरिने
काठमाडौँको प्रदूषण न्युनीकरणका गर्न उपत्यकाभित्र सञ्चालित उद्योगहरूलाई उपत्यका बाहिर स्थानान्तरण गरिने भएको छ ।
नि:शुल्क सेनेटरी प्याड वितरण कार्यक्रम एक अर्ब २९ करोड
शिक्षा क्षेत्रमा निःशुल्क सेनेटरी प्याड वितरणलाई निरन्तरता दिई एक अर्ब २९ करोड विनियोजन गरिएको छ ।
फिल्म छायाङ्कन स्टुडियो निर्माणमा निजी क्षेत्रलाई प्रोत्साहन गरिने
सरकारले इन्डोर र आउटडोर चलचित्र छायाङ्कन स्टुडियो निर्माणका लागि निजी क्षेत्रलाई प्रोत्साहन गर्ने भएको छ ।
स्वास्थ्य बिमाका लागि १० अर्ब विनियोजन
सङ्घीय संसद्को संयुक्त बैठकमा आगामी आर्थिक वर्ष २०८२/८३ को बजेट भाषण गर्दै अर्थमन्त्री विष्णुप्रसाद पौडेलले स्वास्थ्य बिमा कार्यक्रमको लागि १० अर्ब विनियोजन जानकारी दिनुभएको हो ।
दिवा खाजा कार्यक्रममा वृद्धि गरी दस अर्ब १९ करोड विनियोजन
कक्षा ५ सम्मका विद्यार्थीलाई उपलब्ध गराइने दिवा खाजा कार्यक्रम वृद्धि गरी दस अर्ब १९ करोड विनियोजन गरिएको छ ।
२२ जिल्लामा चैते धान खेती प्रवर्धन कार्यक्रम सञ्चालन हुने
दुई वर्षभित्र चामलमा आत्मनिर्भर हुन तराई र भित्रि मधेशका २२ जिल्लामा चैते धान खेती प्रवर्धन कार्यक्रम सञ्चालन हुने भएको छ ।
