पाँच हजार लिटर मही निःशुल्क वितरण
दोस्रो मही दिवसका अवसरमा शनिबार मुलुकभर पाँच हजार लिटर मही निःशुल्क वितरण गरिएको छ । नेपाल डेरी एसोसिएसन र प्रदेशमा रहेका स्थानीय डेरी उद्योगीको आयोजनामा उपत्यकासहित दशैभर विभिन्न चोक, सार्वजनिक स्थल, अस्पताल, ट्राफिक कार्यालयमा मही निःशुल्क वितरण गरिएको हो । ‘महीको विश्वास, स्वास्थ्यको विकास, घर घरमा फैलाऔँ अभियानको प्रयास’ भन्ने अभियानका साथ दोस्रो राष्ट्रिय मही दिवस शनिबार देशैभरि मनाइएको छ । शनिबार आयोजित कार्यक्रममा नेपाल उद्योग वाणिज्य महासङ्घका कार्यकारिणी सदस्य नरेशलाल श्रेष्ठले दुग्ध तथा दुग्ध पदार्थको निर्यातमा ठुलो सम्भावना भएकाले त्यसतर्फ लाग्नुपर्ने बताउनुभयो । गर्मी मौसममा महीको खपत बढाउन सके दुधको खपत वृद्धि गरी अर्थतन्त्रमा समेत टेवा पुग्ने उहाँको भनाइ छ ।
‘श्रमिकले विमानस्थलमा बिल देखाउनु नपर्ने’
अध्यागमन विभागले वैदेशिक रोजगारीमा जाने नेपाली श्रमिकले त्रिभुवन अन्तर्राष्ट्रिय विमानस्थल अध्यागमन कार्यालयमा हवाई टिकटको बिल तथा भुक्तानीको रसिद पेस गर्न नपर्ने स्पष्ट पारेको छ । वैदेशिक रोजगार विभागले टिकटको बिल र वैदेशिक रोजगार व्यवसायी (म्यानपावर) कम्पनीलाई तिरेको सेवा शुल्कको रसिद अनिवार्य रूपमा देखाउनुपर्ने व्यवस्था गरेपछि उत्पन्न अन्योलबिच अध्यागमन विभागले उक्त सूचनामार्फत स्पष्ट पारेको हो ।
सार्ने भए जग्गा र मुआब्जा माग
विश्वसम्पदा सूचीमा सूचीकृत लुम्बिनी क्षेत्र संरक्षणका लागि सर्वोच्च अदालतले प्रदूषणजन्य उद्योगलाई स्थानान्तरण गर्न दिएको आदेशपछि उद्योगी व्यवसायी अलमलमा परेका छन् । अदालतको ऐतिहासिक आदेशले लुम्बिनीआसपास १५ किलोमिटर क्षेत्रभित्र रहेका ६१ भन्दा बढी उद्योग हटाउन निर्देशन दिएपछि उद्योगीले अबको बाटोबारे स्पष्टता खोजिरहेका हुन् । सर्वोच्चको गत भदौमा भएको आदेशको पूर्ण पाठ केही दिनअघि मात्रै सार्वजनिक भएको थियो ।
चीनले रोकेपछि नेपालतर्फ बढ्दै सगरमाथा आरोही
वसन्तकालीनयामका लागि चीनले विदेशी नागरिकलाई सगरमाथा आरोहण गर्न अनुमति जारी नगरेपछि दक्षिणतर्फबाट हुने सगरमाथा आरोहण करिब ३० प्रतिशतले बढ्न सक्ने अपेक्षा गरिएको छ ।
गहुँ र चैते धानको समर्थन मूल्य बढ्यो
सरकारले गहुँ र चैते धानको न्यूनतम समर्थन मूल्य निर्धारण गरेको छ । कृषि तथा पशुपन्छी विकास मन्त्रालयले गहुँ र चैते धानको न्यूनतम समर्थन मूल्य निर्धारण गरेको हो । मन्त्रालयले चालु आर्थिक वर्ष २०८२/८३ का लागि गहुँ प्रतिक्विन्टल तीन हजार ९४५ रुपियाँ निर्धारण गरेको छ । गत आवमा गहुँको मूल्य तीन हजार ८६७ रुपियाँ निर्धारण गरिएको थियो । गत वर्षको तुलनामा गहुँको मूल्य प्रतिक्विटल ७७ रुपियाँ बढी मूल्य निर्धारण गरिएको छ ।
‘जेनजी घाइतेको अध्ययन कानुनसम्मत’
शिक्षा, विज्ञान तथा प्रविधि मन्त्रालयले जेनजी आन्दोलनकी घाइते एकता शाहलाई निःशुल्क एमबिबिएस अध्ययनको अवसर उपलब्ध गराउने सरकारको निर्णय प्रचलित कानुन अनुसारै भएको जनाएको छ ।
गहिरिँदै छ जन्मथलोको तिर्सना
“तपाईंको पहाड घर कता हो ?” केही दिनअघि सामाजिक सञ्जालमा निकै चर्चित यो वाक्यांशले बसाइँसराइको गम्भीर असर भोगिरहेको नेपाली समाजको ‘अर्थ सामाजिक’ चित्रण गर्दछ । शनिबार भक्तपुरको सल्लाघारीमा यही वाक्यांशलाई चित्रण गर्ने भिड देखियो । त्यहाँ खोटाङ, पर्सा र नवलपुरका सामाजिक संस्थाले छुट्टाछुट्टै आयोजना गरेका वनभोज कार्यक्रममा सयौँ मानिस सहभागी थिए । विभिन्न सिलसिलामा काठमाडौँ बसिरहेका खोटाङेको साझा सामाजिक संस्था खोटाङ सेवा समाजले आयोजना गरेको कार्यक्रममा सयौँ खोटाङे भेला भएका थिए । र, यसै गरी सोधिरहेका थिए– तपाईंको पहाड घर कहाँ हो ?
यातायातमा आरक्षित सिटको व्यवस्था अनिवार्य
यातायात व्यवस्था विभागले सार्वजनिक सवारीमा आरक्षित सिटको व्यवस्था अनिवार्य कार्यान्वयन गर्न निर्देशन दिएको छ । विभागले सूचना जारी गर्दै सवारी तथा यातायात व्यवस्था ऐन, २०४९ को दफा १०७ बमोजिम तोकिएका सिट आरक्षित गरी कार्यान्वयन गर्न निर्देशन दिएको हो ।
अवैध गतिविधिमाथि उच्च निगरानी
प्रहरीले देशभर हुने गरेका अपराधजन्य अवैध गतिविधि, असुली, तस्करी तथा विभिन्न क्षेत्रका सेवाग्राही तथा व्यवसायीलाई भौतिक तथा मनोवैज्ञानिक रूपमा डर, धाकधम्की दिनेविरुद्ध विशेष अपरेसनसहित निगरानी बढाएको छ ।
सुझाव सम्बोधन गर्ने तयारी
सरकारले तत्कालै सम्बोधन गर्नुपर्ने काम र आगामी आर्थिक वर्षको नीति तथा कार्यक्रममा समेट्नुपर्ने विकास निर्माणसहित दीर्घकालीन महत्वका योजना वर्गीकरण गरेर सम्बोधन गर्ने गृहकार्य अघि बढाएको छ । प्रधानमन्त्री वालेन्द्र शाहले छ वटा प्रदेशबाट प्रतिनिधि सभा सदस्यमा प्रत्यक्षतर्फ निर्वाचित सांसदसँग गर्नुभएको संवादपछि प्राप्त सुझावलाई वर्गीकरण गरेर सम्बोधन गर्ने तयारी सरकारले थालेको हो ।
भोलिदेखि शून्य बाँकी फाइल सप्ताह
सरकारले कार्यालयको कामलाई छिटोछरितो, पारदर्शी र उत्तरदायी बनाउन ‘शून्य बाँकी फाइल सप्ताह’ (जिरो पेन्डिङ फाइल विक) सुरु गर्ने भएको छ । यही चैत ३० देखि वैशाख ७ गतेसम्म सो अभियान सुरु गर्न लागिएको हो । यसका लागि सरकारले ‘शून्य बाँकी फाइल सप्ताह’ अभियान सञ्चालनसम्बन्धी मार्गदर्शन, २०८२ स्वीकृतसमेत गरिसकेको प्रधानमन्त्री तथा मन्त्रीपरिषद्को कार्यालयले जनाएको छ ।
सिंहदरबार पुन:निर्माण सुरु
जेनजी प्रदर्शनका क्रममा क्षतिग्रस्त सिंहदरबारको पूर्वी, उत्तरी र दक्षिणी मोहडा भवनको पुन:निर्माण सुरु गरिएको छ । गत भदौ २४ गते प्रदर्शनका क्रममा भएको आगजनीबाट सिंहदरबारको मूल भवन तथा सिंहदबार परिसरभित्र रहेका अन्य भवन क्षतिग्रस्त भएका थिए ।
भिरबाट लडेर महिलाको मृत्यु
हेटौँडा उपमहानगरपालिका १४ बस्ने एक महिलाको भिरबाट लडेर मृत्यु भएको छ । हेटौँडा १४ नयाँबस्ती टोलकी ३५ वर्षीया सन्तोषी वाइबाको शनिबार भिरबाट लडेर मृत्युभएको जिल्ला प्रहरी कार्यालय, मकवानपुरले जनाएको छ ।
नेपाल-भारत प्राध्यापक सम्मेलनमा बृहत् ग्रन्थको लोकार्पण
समालोचक प्रा.डा. वासुदेव त्रिपाठीले शङ्खघन्टध्वनिका साथ ‘नेपाल भारत विश्वविद्यालय प्राध्यापक सम्मेलन’को उद्घाटन गर्नुभयो ।
गाउँ पर्यटन प्रवर्द्धनमा योगदान : पत्रकार ढुंगाना सम्मानित
गाउँ पर्यटन प्रवर्द्धनमा पत्रकारितामार्फत उल्लेखनीय भूमिका निर्वाह गर्नुभएकी पत्रकार राधा ढुंगाना ‘डा. सुरेन्द्रभक्त प्रधानाङ्ग पर्यटन पुरस्कार–२०८२’ बाट सम्मानित हुनुभएको छ ।
एरिका कराते वान प्रिमियर लिगको फाइनलमा
चीनको लेसानमा शनिबार भएको सेमिफाइनलमा एरिकाले महिला ६८ केजी तौल समूहमा इटालीकी फेराकुटी क्लियोलाई ८–३ ले हराउनुभयो ।
आफैँले काटेको रुख लागेर एकको मृत्यु, दुई घाइते
बेलकोटगढी नगरपालिका–९, नलगाउँमा रुख काट्ने क्रममा एक जनाको मृत्यु भएको छ। आफैँले काटेको रुखले लागेर सोही स्थानका ३५ वर्षीय प्रेम तामाङको घटनास्थलमै मृत्यु भएको जिल्ला प्रहरी कार्यालयका प्रहरी नायब उपरीक्षक विक्रम लामाले जानकारी दिनुभयो ।
सडक आश्रित मानव व्यवस्थापन विषयमा छलफल
काठमाडौँ महानगरपालिकाले सहयोगापेक्षी सडक मानवमुक्त कार्यक्रम सञ्चालन गर्न लैङ्गिक तथा यौनिक अल्पसंख्यक, अपाङ्गता र पुनःस्थापनाका क्षेत्रमा काम गर्ने संघसंस्थाका अधिकारीहरुसँग संयुक्त छलफल गरेको छ ।
आइतबार ‘ओपिडी’ सञ्चालन गर्न सकिँदैन : चिकित्सक सङ्घ
स्वास्थ्य तथा जनसङ्ख्या मन्त्रालयले आइतबार पनि बहिरङ्ग (ओपिडी) सेवा सञ्चालन गर्न निर्देशन दिएपछि नेपाल चिकित्सक सङ्घले गम्भीर ध्यानाकर्षण भएको बताउँदै सो निर्णयमा पुनर्विचार गर्न माग गरेको छ ।
जेनजी घाइतेलाई निःशुल्क एमबिबिएस नियम विपरीत छैन : शिक्षा मन्त्रालय
शिक्षा, विज्ञान तथा प्रविधि मन्त्रालयले जेनजी आन्दोलनकी घाइते एकता शाहलाई निःशुल्क एमबिबिएस अध्ययनको अवसर दिने विषय ऐन नियम विपरीत नभएको प्रष्ट पारेको छ ।
राइजिङ नेपालको निमित्त प्रधान सम्पादकमा लम्साल
गोरखापत्र संस्थानको अंग्रेजी प्रकाशन दी राइजिङ नेपालको निमित्त प्रधान सम्पादकमा पत्रकार रमेशकुमार लम्साल नियुक्त हुनुभएको छ ।
कम्युनिस्ट आन्दोलनलाई पुनःगठित गरेर अगाडि बढ्छौँ : महासचिव पोखरेल
नेपाल कम्युनिस्ट पार्टी (एमाले)का महासचिव शङ्कर पोखरेलले कम्युनिस्ट आन्दोलनलाई पुनःजागृत र पुर्नगठित गरेर अगाडि बढ्ने बताउनुभएको छ ।
दुई दिने साहित्यिक कार्यक्रम सम्पन्न
नेपाली भाषा साहित्यको क्षेत्रमा निरन्तर कार्यक्रम गर्दै आएको एपेक नेपालले नेपाल भारत दुई दिने काव्य महोत्सव सम्पन्न गरेको छ ।
अन्तर्राष्ट्रिय चेसमा निहानालाई रजत
नेपालका उदयीमान खेलाडी निहाना श्रेष्ठले फिडे वर्ड स्कूल टिम चेस च्याम्पियनसिपअन्तर्गत एशियन कन्टिनेन्टल स्टेजको अन्तर्राष्ट्रिय प्रतिस्पर्धामा रजत पदक जित्नुभएको छ ।
वैदेशिक रोजगारीमा जानेले विमानस्थलमा रसिद पेस गर्नु नपर्ने
अध्यागमन विभागले वैदेशिक रोजगारीमा जाने श्रमिकहरूले श्रम स्वीकृति पत्रबाहेक भुक्तानी गरिएका कुनै पनि रसिद विमानस्थलमा पेस गर्नु नपर्ने स्पष्ट गरेको छ ।
