गोरखापत्र अनलाइन
परराष्ट्रमन्त्री साउदलाई रास्वपाको ध्यानार्कषणपत्र
राष्ट्रिय स्वतन्त्र पार्टी (रास्वपा)ले रुसी सेनामा स्वस्फुर्त भर्ना भएका नेपालीको यकिन विवरण पत्ता लगाई नेपाल फर्काउन र बन्धक बनाइएकाको सकुशल रिहाइ गर्न सरकारको ध्यानार्कषण गराएको छ ।
पञ्चकन्यालाई राष्ट्रपति रनिङ शिल्ड उपाधि
प्रथम राष्ट्रपति रनिङ शिल्ड तथा शैक्षिक महोत्सब २०८० को उपाधि पञ्चकन्या माबिले हात पारेको छ । पञ्चकन्याले ११ स्वर्ण, ११ रजत र चार कास्य पदकसहित २६ पदकका साथ रनिङ शिल्ड, मेडल र प्रमाणपत्र प्राप्त गरेको हो ।
माल्टा पठाउने भनी सात लाख बढी ठगी गर्ने पक्राउ
माल्टामा वैदेशिक रोजगारीमा पठाउने भनी सात लाख पाँच हजार रुपियाँ ठगी गरी सम्पर्किबिहीन रहेका ३३ वर्षीय धर्मेन्द्र शाहीलाई प्रहरीले पक्राउ गरेको छ ।
लेटाङ बुधबारे सडक शिलन्यास
कोशी प्रदेशका मुख्यमन्त्री केदार कार्कीले लेटाङ-६ बुधबारे सडक उत्तर पूर्वी पहाडका जिल्लासँग कोशी प्रदेशको राजधानी विराटनगरलाई जोड्ने सबैभन्दा छोटो सडक हुने बताउनुभएको छ ।
नागढुङ्गाबाट दुई किलो सुनसहित तीन जना पक्राउ
काठमाडौँ उपत्यका अपराध अनुसन्धान कार्यालयको प्रहरी टोलीले आज काठमाडौँको नागढुङ्गाबाट दुई किलो सुनसहित तीन जनालाई पक्राउ गरेको छ । पक्राउ पर्नेमा रसुवा गोसाइँकुण्ड गाउँपालिका घर भएका २६ वर्षीय विरु तामाङ, २८ वर्षीय ग्याल्सेङ तामाङ र २१ वर्षीय सुनिल भुजेल रहेका केन्द्रीय प्रहरी प्रवक्ता तथा प्रहरी नायब महानिरीक्षक कुवेर कडायतले जानकारी दिनुभयो ।
हिउँ पर्न थालेपछि चिसो बढ्यो
ताप्लेजुङको उच्च हिमाली भेगमा हिउँ पर्न थालेपछि चिसो ह्वात्तै बढेको छ । बिहीबार साँझपछि सामान्य वर्षासँगै जिल्लाको उच्च हिमाली भेगमा हिमपात भएपछि चिसो बढेको हो ।
हात्तीबाट ज्यान जोगाउन रातभर जाग्राम
साँझ पर्न नपाई बस्ती छिर्न थालेका जङ्गली हात्तीको बथानदेखि भाउन्नेका स्थानीय आतङ्कित बन्नु परेको छ । दिनभरि नजिकै रहेको जङ्गलमा करिब तीन दर्जनको सङ्ख्यामा रहेका हात्ती साँझ आहाराका लागि बस्ती छिर्न थालेपछि स्थानीय त्रसित बन्नुपरेको छ ।
-original-thumb.jpg)
आगलागीमा ज्यान गुमाएका परिवारलाई महानगरपालिकाले राहत दिने
विराटनगर महानगरपालिका ७ सातघुम्तीस्थित कवाडी पसलमा आगलागी हुँदा ज्यान गुमाएका पीडित परिवार र घाइतेलाई विराटनगर महानगरपालिकाले राहत उपलब्ध गराउने भएको छ ।
समितिले एनसेल शेयर खरिद प्रकरणबारे प्रधानमन्त्रीसँग जानकारी लिने
राज्य व्यवस्था तथा सुशासन समितिले प्रधानमन्त्री पुष्पकमल दाहाल ‘प्रचण्ड’लाई बोलाएर एनसेलको शेयर खरिद बिक्री प्रकरणको सम्बन्धमा जानकारी लिने भएको छ ।
हजार जनाको आँखा परीक्षण गर्दा १४९ जनामा मोतिबिन्दु
बाँकेको राप्तीसोनारी गाउँपालिकामा आँखाका बिरामीका लागि सञ्चालन गरिएको निःशुल्क मोतिबिन्दु छनौट तथा आँखा शिविरमा एक हजार चार जनाको आँखा जाँच गरिएको छ।
‘प्रत्यक्षतर्फ तेत्तीस प्रतिशत महिलालाई जिताउनुपर्छ’
प्रतिनिधिसभाका उपसभामुख इन्दिरा रानाले संविधानमा व्यवस्था गरिएको ३३ प्रतिशत महिला कोटामा प्रत्यक्षतर्फ नै महिलालाई जिताउनुपर्ने जरुरी भएको बताउनुभएको छ ।
साविक विजेता अर्जेन्टिना र पेरु एउटै समूहमा
सन् २०२४ मा आयोजना हुने कोपा अमेरिका कप फुटबलमा साविक विजेता अर्जेन्टिना र पेरु एउटै समूहमा परेका छन् ।
सङ्क्रमणकालीन न्याय सम्बन्धी विधेयक आगामी अधिवेशनबाट पारित हुन्छः सभामुख घिमिरे
काठमाडौं, मङ्सिर २२ गते। प्रतिनिधि सभाका सभामुख देवराज घिमिरेले सङ्क्रमणकालीन न्याय सम्बन्धी विधेयक संसद्को आगामी अधिवेशनमा पारित हुने विश्वास व्यक्त गर्नुभएको छ। शुक्रबार काठमाडौंमा आयोजित १५ औं मानव अधिकार राष्ट्रिय महाभेलाको उद्घाटन समारोहाम बोल्दै उहाँले प्रतिनिधि सभा र राष्ट्रिय सभाका सांसदले त्यसलाई टुङ्ग्याउने गरी छलफललाई अघि बढाएकाले संसद्को आगामी अधिवेशनबाट पारित हुने बताउनुभएको हो। सभामुख घिमिरेले सङ्क्रमणकालीन न्यायसँग सम्बन्धित ऐन निर्माणका लागि आफूले असहमत राजनीतिक शक्ति, नेतृत्व र पक्षसँगको छलफललाई अघि बढाएको र त्यसलाई टुंगो लगाउने विषयमा नेतृत्वदायी भूमिका निर्वाह गरिरहेको दाबीसमेत गर्नुभयो। उहाँले भन्नुभयो, ‘‘सङ्क्रमणकालीन न्याय सम्पादन गर्ने र सदाका लागि विगतका दिनलाई बिर्सिएर पीडितले शान्ति महसुस गर्ने, पीडाको रिलिफ महसुस गर्ने, परिपूरण प्राप्त गर्ने र सही कुराहरु के हो ? यसको समाधान खोज्ने। सत्यको आधारमा जे भएको छ। त्यसलाई लिएर जाने र समानताका साथ समाजलाई अगाडि लिएर जाने कुरामा अझै पनि कानुन पूरा हुने कुरा बाँकी छ। अहिले संसदको कानुन तथा न्याय समितिमा छलफल भएर पनि करिब टुङ्गिन लागेको छ। प्रतिनिधि सभा र राष्ट्रिय सभाबाट यसलाई टुङ्ग्याउने अधिकार हुन्छ। मलाई विश्वास छ, संसद्को आगामी अधिवेशनमा टुङ्ग्याउने काममा उहाँहरुलले सफलता हासिल गर्नु हुनेछ। त्यसलाई सफलतापूर्वक टुङ्ग्याइसकेपछि हामीले एउटा उपलब्धि हासिल गर्नेछौं। ’त्यस अवसरमा सभामुख घिमिरेले मानव अधिकारसँग सम्बन्धित कानुन निर्माणमा पनि आफूले सक्दो पहल गर्ने प्रतिबद्धता व्यक्त गर्नुभयो।
टोट्टनहाम र न्युक्यासललाई धक्का
टोट्टनहाम र न्युक्यासल युनाइटेडलाई इङ्लिस प्रिमियर लिग फुटबलमा धक्का लागेको छ । घरेलु मैदानमा बिहीबार राति भएको लन्डन डर्बीमा टोट्टनहाम वेस्ट हाम युनाइटेडसँग २–१ गोलले पराजित भयो । अर्को खेलमा न्युक्यासल एभर्टनसँग ३–० गोलले स्तब्ध बन्यो ।
गौतमबुद्ध अन्तर्राष्ट्रिय विमानस्थलः नियमित उडानको माग गर्दै व्यवसायी आन्दोलित
गौतमबुद्ध विमानस्थलबाट अन्तर्राष्ट्रिय उडान नियमित हुन नसकेपछि रुपन्देहीका उद्योगी–व्यवसायी सडक आन्दोलनमा उत्रिएका छन् ।
