गोरखापत्र अनलाइन
तीन समिति सभापतिविहीन
राष्ट्रिय सभाअन्तर्गतका तीनवटा संसदीय समिति तीन महिनादेखि सभापतिविहीन छन् । राष्ट्रिय सभामा २०७८ फागुन २० गतेदेखि एकतिहाइ सदस्यको कार्यकाल सकिएको थियो । सभापतिको पनि त्यतिबेला कार्यकाल समाप्त हुँदा समिति सभापतिविहीन भएका हुन् ।
तीन सर्जकलाई मधुपर्क सम्मान
यस वर्षको मधुपर्क सम्मान तथा मधुपर्क प्रतिभा सम्मानका लागि तीन जना सर्जक छनोट हुनुभएको छ । लेखक तथा साहित्यकार पुरुषोत्तम बस्नेत, साहित्यकार गणेश रसिक र युवा सर्जक मोमिला जोशी सम्मानित हुनुहुने भएको हो ।
अछामका विनोद मृत्यु प्रकरणः १३ जना विरुद्ध किटानी जाहेरी
हराएको पाँच दिनपछि मृत भेटिएका पञ्चदेवल विनायक नगरपालिका–४ कालिकास्थानका १६ वर्षीय विनोद शाहीको हत्यामा संलग्न भएको आरोपमा १३ जना विरुद्ध किटानी जाहेरी दर्ता गरिएको छ ।
रिट्ठेभीरको भित्तो ऐनाले भरियो
बीपी राजमार्गअन्तर्गत सिन्धुलीको सुनकोसी गाउँपालिका–५, रिट्ठेभीरस्थित सेतीदेवी मन्दिरमा ऐना चढाउनेको सङ्ख्या बढ्दै गएको छ ।बीपी राजमार्गमा ठूल्ठूला सवारी दुर्घटना हुन थालेपछि दुर्घटनालाई टार्न भन्दै उक्त राजमार्गका यात्रुले सेतीदेवीलाई खुसी पार्न ऐना चढाउन थालेका हुन् । यतिखेर यात्रुले चढाएको ऐनाले मन्दिर वरपर रहेको बीपी राजमार्गको किनारमा रहेको रिट्ठेभीरको भित्तो टपक्कै भरिएको छ । अहिले भित्तामा सयौँको ऐना झुण्डिएको देखिन्छ ।
थप तेइस उद्योगले पाए अनुमति
भैरहवास्थित विशेष आर्थिक क्षेत्र (सेज)मा उद्योग स्थापनाका लागि थप २३ उद्योगले अनुमति पाएका छन् । हाल सेजमा सात उद्योग सञ्चालन भइरहेका छन् । ती उद्योगले उत्पादन सुरु गरेर भारत निकासी गर्दै आएका छन् । सेजमा सञ्चालन भइरहेका सात र नयाँ अनुमति पाएको २३ गरी कुल ३० वटा उद्योग सञ्चालन हुने भएका छन् । गत फागुन १५ गते प्राधिकरणले भैरहवाको सेजमा खाली रहेको जमिन (प्लट)मा उद्योग स्थापना र सञ्चालनका लागि प्रस्ताव पेस गर्न सूचना जारी गरेपछि आएका प्रस्तावमध्ये २३ वटालाई अनुमति दिइएको हो ।
विद्युतीय मतदानको प्रतिवेदन दिन निर्देशन
प्रधानमन्त्री शेरबहादुर देउवाले निर्वाचनमा विद्युतीय मतदान मेसिन प्रयोग गर्नेबारे गरिएको अध्ययन प्रतिवेदन छिटोभन्दा छिटो तयार पार्न निर्देशन दिनुभएको छ । नीति अनुसन्धान प्रतिष्ठानको वार्षिक प्रतिवेदन बुधबार बुझ्नुहुँदै उहाँले प्रतिष्ठानका पदाधिकारीलाई यस्तो निर्देशन दिनुभएको हो । उहाँले निर्वाचनलाई बढी मर्यादित, स्वच्छ, निष्पक्ष र पारदर्शी बनाउन भोटिङ मेसिन कसरी प्रयोग गर्न सकिन्छ भन्ने विषय ज्यादै महìवपूर्ण भएकाले प्रतिष्ठानले यो कामलाई गम्भीरतापूर्वक सम्पन्न गर्नुपर्ने बताउनुभयो ।
ट्यांकी सफा गर्दा दुई युवाको मृत्यु
सेफ्टी ट्याङ्की सफा गर्ने क्रममा दुई जनाको मृत्यु भएको छ । भरतपुर महानगर पालिका वडा नम्वर १९ स्थित तमु टोलकी रामप्यारी गुरुङ्गको घरमा सेफ्टी ट्याङ्की सफा गर्ने क्रममा चिप्लिएर एक र उनको उद्धार गर्ने क्रमममा दोस्रोको मृत्यु भएको हो ।
भारतीय गाडी दुर्घटना हुँदा पाँच जना घाइते
पूर्वी चितवनको रत्ननगरमा भारतीय नम्वरको स्कार्पियो जीप रोकिराखेको ट्रकमा ठोक्किदाँ जीपमा चढेका पाँचजना घाइते भएका छन् ।
विद्युत् वितरण कमान्ड नियन्त्रण केन्द्र बन्दै
विद्युत् वितरण सेवा प्रभावकारी बनाउन अन्तर्राष्ट्रियस्तरको वितरण कमान्ड तथा नियन्त्रण केन्द्र निर्माण भइरहेको छ । केन्द्रमा काठमाडौँ उपत्यकाको विद्युत् वितरण प्रणालीलाई स्वचालित गराउन निर्माणाधीन भूमिगत वितरण प्रणालीको नियन्त्रण कक्ष बनाउन लागिएको प्राधिकरणले जनाएको छ ।यो केन्द्र काठमाडौँको स्युचाटारमा रहेको भारप्रेषण केन्द्र परिसरमा निर्माण भइरहेको छ ।
चितवनमा भेटियो छिमेकी चरा
चीन र भारतमा पाइने ‘चाइनिज पोन्ड हेरोन’ प्रजातिको चरा चितवनमा पनि भेटिएको छ । चरा विज्ञहरूले भेटेको यो चरा नेपालमा पहिलो पटक देखिएको चराका क्षेत्रमा लामो समयदेखि अध्ययन अनुसन्धान गर्दै आउनुभएका वासु बिडारीले जानकारी दिनुभयो ।
जाजरकोट जिससमा सत्ता गठबन्धन विजयी
जिल्ला समन्वय समितिको प्रमुख र उपप्रमुखमा सत्ता गठबन्धन दलका उम्मेदवार विजयी भएको छ । सता गठबन्धन दलको तर्फबाट प्रमुखमा नेपाली कांग्रेसका कालीबहादुर खत्री र उपप्रमुखमा नेकपा माओवादी केन्द्रका दलबहादुर सिंह विजयी हुनु भएको छ ।
मल अभावको तनाव
नेपाल र कृषि क्षेत्रको अन्योन्याश्रित सम्बन्धका धेरै प्रकाश पारिराख्नु आवश्यक छैन । परम्पराको निरन्तरताकै फलस्वरूप २१ शताब्दीको यस युगमा समेत जनसङ्ख्याको आधाभन्दा बढी हिस्सा कृषिमा नै आश्रित छ ।
निर्वाचनमा लाभ, हानिको बहस
निर्वाचनमा मतदातालाई प्रभाव पार्न उम्मेदवारले जे कुरा बोलेका हुन्छन्, त्यसको सार्वजनिक सत्यताको परीक्षण जनताले गरिरहेका हुन्छन् । प्लेटोकालीन युनानी राज्यव्यवस्थादेखि नै मानिसमा सत्य जान्ने जिज्ञासा प्रबल रूपमा थियो । आफ्नो अडानमा अटल भई बस्दा शुकरातले हेमलक विषपान लिन तयार भए तर वचन फेर्न तयार भएनन् । मानिसको विकास राज्यबाट बाहिर रहेर सम्भव नहुने भएकोले नै दलहरूले मानवोचित गुणहरूको विकासका लागि प्रतिस्पर्धाको राजनीति गरिरहेको यथार्थ हो ।
