गोरखापत्र अनलाइन
चार साना वाम दलले गरे आन्दोलनको घोषणा
काठमाडौं, साउन १० गते। संसदबाहिर रहेका चार साना वाम दलले आन्दोलनको घोषणा गरेका छन्। मङ्गलबार काठमाडौंमा पत्रकार सम्मेलनमार्फत उनीहरुले आन्दोलनका कार्यक्रम सार्वजनिक गरेका हुन्।ऋषि कट्टेल नेतृत्वको नेकपा, नेत्रविक्रम चन्दको नेकपा, विष्णुभक्त दुलालको वैज्ञानिक समाजवादी कम्युनिष्ट पार्टी र कर्णजीत बुढाथोकीको नेकपा माओवादी समाजवादीले सरकारको विरोध गर्ने घोषणा गरेका हुन्। कार्यक्रममा बोल्दै वैज्ञानिक समाजवादी कम्युनिष्ट पार्टीका नेता आहुतिले अमेरिकी आर्थिक सहायता मिलिनियम् च्यालेन्ज कर्पोरेशन (एमसीसी) परियोजना विरोधका बाबजुत पनि पारित गरिएको बताउनुभयो। यसैगरी, उहाँले स्टेट पार्टनरसीप प्रोग्राम (एसपीपी) मा पनि त्यसै भएको बताउनुभयो। यी गतिविधिबाट नेपालमा सैन्य हस्तक्षेपको कोसिस भएको उहाँले बताउनुभयो। यसअघि साउन ८ गते यी पार्टीबीच बसेको बैठकको निर्णय सुनाउनु हुँदै नेकपा नेता ऋषि कट्टेलले साउन १० गते संयुक्त पत्रकार सम्मेलन, साउन १३ गते संयुक्त देशव्यापी कोणसभा, साउन १५ गते देशव्यापी मसाल जुलुस, साउन १८ गते काठमाडौंमा अन्तरक्रिया र साउन २१ गते प्रदेश, सदरमुकाम तथा काठमाडौंमा विरोध प्रदर्शनको कार्यक्रम रहेको बताउनुभयो। यसपछि अर्को चरणको संयुक्त संघर्षका कार्यक्रम सार्वजनिक गर्ने उहाँको भनाइ छ।
एकै दिन ६३८ जनामा सङ्क्रमण, दुईको मृत्यु
पछिल्लो २४ घण्टामा ६३८ जनामा कोरोना सङ्क्रमण पुष्टि भएको छ भने दुई जनाको मृत्यु भएको छ । स्वास्थ्य तथा जनसङ्ख्या मन्त्रालयका अनुसार कुल पाँच हजार ५५ कोरोना परीक्षण गर्दा ६३८ जनामा सङ्क्रमण पुष्टि भएको हो ।
संविधानले सुम्पिएको जिम्मेवारी निर्वाह गर्न सरकारले ध्यान दिनु जरुरी : सांसद थापा
नेपाली कांग्रेसका महामन्त्री एवम् सांसद गगनकुमार थापाले विश्वविद्यालय बनाउन र संविधानले सुम्पिएको जिम्मेवारी निर्वाह गर्ने बाटोमा सरकारले ध्यान दिन जरुरी रहेको बताउनुभएको छ ।
तथ्याङ्कलाई दुरुस्त राखे मुलुक ठीक बाटोमा हिँड्छ : सांसद विश्वकर्मा
नेपाली कांग्रेसका सांसद मीनबहादुर विश्वकर्माले गलत तथ्याङ्कका कारण देश अधोगतितर्फ गएको हुनसक्ने आशङ्का व्यक्त गर्नुभएको छ । मङ्गलबार सरकारले प्रतिनिधिसभाको बैठकमा प्रस्तुत गरेको तथ्याङ्क विधेयकको छलफलमा सहभागी हुनुहुँदै सांसद विश्वकर्माले सो कुरा बताउनुभएको हो ।
साफ यू–२० च्याम्पियनसिप : नेपाल र श्रीलङ्काको खेल बुधबार
साफ यू–२० च्याम्पियनसिपको दोस्रो खेलमा नेपालले बुधबार (भोली) श्रीलंकासँग प्रतिस्पर्धा गर्दैछ । भारतको भुवनेश्वरमा सोमबार देखि सुरु भएको च्याम्पियनसिपको पहिलो खेलमा माल्दिभ्समाथि ४–० गोलको जित निकालेको नेपाली युवा टोली लगातार दोस्रो जित निकाल्ने लक्ष्यमा छ ।
तीन तहका सरकारबीच तालमेल नमिल्दा सङ्घीयता कार्यान्वयनमा समस्या: मुख्यमन्त्री भट्ट
सुदूरपश्चिम प्रदेश सरकारका मुख्यमन्त्री त्रिलोचन भट्टले तीन तहका सरकारबीच समन्वयात्मक तालमेल नमिल्दा सङ्घीयता कार्यान्वयन नभएको बताउनुभएको छ ।
नेप्से परिसूचक उच्च अङ्कले गिरावट
मौद्रिक नीतिपछि लगातार दुई दिन बढेको नेप्से परिसूचक मङ्गलबार उच्च अङ्कले गिरावट आएको छ । आज नेप्से सूचक ४४.८० अङ्कले घटेर २०८८.१६ बिन्दुमा झरेको हो । त्यस्तै, सेन्सेटिभ इण्डेक्स ८.९९ अङ्कले घटेको छ भने फ्लोटइण्डेक्स ३.२१ अङ्क र सेन्सेटिभ फ्लोट इण्डेक्स ३.३२ अङ्क घटेको छ ।
भारतमा चौध हजारभन्दा बढीमा कोरोना सङ्क्रमण
भारतमा बितेका २४ घण्टामा देशका विभिन्न भागमा १४ हजार आठ सय ३० जनामा कोभिड–१९ सङ्क्रमण पुष्टि भएको केन्द्रीय स्वास्थ्य तथा परिवार कल्याण मन्त्रालयले मङ्गलबार जनाएको छ ।
सात करोड लगानीको धर्मशाला बन्ने
धार्मिक तथा पर्यटकीय क्षेत्रले महत्वपूर्ण विश्व सिमसार क्षेत्र घोडाघोडीमा ठूलो लगानीमा धर्मशाला निर्माण हुनेभएको छ । जैविक विविधताको महत्व रहेको घोडाघोडी धार्मिक तथा पर्यटकीय क्षेत्रको रुपमा त्यहाँ घुम्न र दर्शन गर्न आन्तरिक तथा बाह्य पर्यटक आउने गर्छन् ।
केन्या सडक दुर्घटना: तीस जनाको मृत्यु
गत आइतबार केन्याको एक नदीमा बस खसेर भएको दुर्घटनामा परी मृत्यु हुनेको सङ्ख्या ३० पुगेको छ । राजमार्गमा कुदिरहेका बेला गत आइतबार बेलुका बस नदीमा खसेको सरकारी अधिकारीहरुले जानकारी दिएका छन् ।
कर्मचारी कमिसनको मारमा किसान
पर्वतको कुश्मा नगरपालिकाबाट ५० प्रतिशत अनुदानमा विक्रीवितरण हुने उपकरणमा विक्रेतासँग कर्मचारीले कमिसन लिने गरेको पाइएको हो । बजारमा व्यक्तिगत रुपमा खरिद गर्दा ४० हजारसम्ममा पाइने हलोमा कृषकहरुले ५२ हजार तिर्ने गरेको पाइएको हो ।
स्रोत नखुलेको नगदसहित तीन भारतीय नागरिक पक्राउ
प्रहरीले धनुषा, पर्सा र रुपन्देहीबाट स्रोत नखुलेको नगदसहित तीन भारतीय नागरिकलाई पक्राउ गरेको छ । नेपाल प्रहरी प्रधान कार्यालयका अनुसार जनकपुर उपमहानगरपालिका–१२ कुवाँबाट स्रोत नखुलेको २३ लाख ८९ हजार ४८० रुपियाँसहित एक जनालाई सोमबार दिउँसो प्रहरीले पक्राउ गरेको छ ।
अस्पतालमा स्वास्थ्य बीमा गराएका विरामी बढे
निजी अस्पताल र मेडिकल कलेजमा सरकारले स्वास्थ्य बीमा कार्यक्रम बन्द गरेपछि स्वास्थ्य बीमा गराएका विरामीको संख्या सरकारी अस्पतालमा ह्वात्तै बढेको छ ।
सांसदहरुलाई मास्क प्रयोग गर्न सभामुखको आग्रह
सभामुख अग्निप्रसाद सापकोटाले सांसदहरुलाई मास्क प्रयोग गर्न आग्रह गर्नुभएको छ । मङ्गलबारको प्रतिनिधिसभा बैठकमा सभामुख सापकोटाले कोभिड–१९ सङ्क्रमणदर बढ्दै गएकाले अनिर्वाय मास्क प्रयोग गर्न सांसदहरुलाई आग्रह गर्नुभएको हो ।
सुत्केरीपछि पाठेघर भित्र छाेडियाे प्याड
गुल्मी अस्पतालमा असार २८ गते सुत्केरी भएका महिलाको पाठेघर भित्रै प्याड रहेको रहस्य सार्वजनिक भएको छ । गुल्मी अस्पतालमा साउन २८ गते सुत्केरी भएका छिमेकी जिल्ला अर्घाखाँची छत्रदेव गाउँपालिका ८ की २१ वर्षीया अप्सरा पाण्डेको पाठेघरभित्रै प्याड छोडिएको भन्दै पाण्डेका परिवारले आरोप लगाएका छन् ।
