गोरखापत्र अनलाइन
जनकपुर चुरोट कारखाना सञ्चालन हुन्छ : मन्त्री बडू
उद्योग वाणिज्य तथा आपूर्तिमन्त्री दिलेन्द्रप्रसाद बडूले जनकपुर चुरोट कारखाना सरकारले सञ्चालनमा ल्याउने तयारी गरेको बताउनुभएको छ ।
सशस्त्र प्रहरीद्वारा करिब साढे दुई करोडको अवैध सामान बरामद
यहाँस्थित नेपाल–भारत नाकामा अवैध चोरी पैठारी र निकासी रोक्न सक्रिय रहेको सशस्त्र प्रहरीले ६ महिना अवधीमा करिब साढे दुई करोडको अवैध सामान नियन्त्रणमा लिएको छ । भन्सार राजस्व छलेर ठूलो परिमाणमा मालसामानको अवैध आयात निर्यात भैरहेको नेपालगञ्ज र सो वपिरिका नाकाबाट तस्करले भित्र्याउन खोजेको २ करोड ४१ लाख ६५ हजार ९१६ रुपियाँ बराबरमा अवैध सामान ६ महिनाको अवधीमा नियन्त्रणमा लिइएको सशस्त्र प्रहरी बल नम्बर ३० गण बागेश्वरी बाँकेले जनाएको छ ।
यूएईमा आदिवासी महोत्सव हुने
वैदेशिक रोजगारको सिलासिलामा युएईमा रहेका आदिवासी जनजातिहरुको साझा संस्था आदिवासी जनजाति महासंघ यूएईले २८औं अन्तर्राष्ट्रिय विश्व आदिवासी दिवसको अवसरमा ‘आदिबासी महोत्सव–२०२२’ कार्यक्रम गर्ने भएको छ ।
परिणाम देखिने गरी अनुसन्धान गर्नुहाेस् : स्वास्थ्य मन्त्री खापुङ
स्वास्थ्य तथा जनसङ्ख्या मन्त्री भवानीप्रसाद खापुङले परिणाम देखिने गरी अनुसन्धान गर्न नेपाल स्वास्थ्य अनुसन्धान परिषद्लाई निर्देशन दिनुभएको छ ।
राष्ट्रपतिबाट नवनियुक्त राजदूतको शपथ
राष्ट्रपति विद्यादेवी भण्डारीले नवनियुक्त राजदूतलाई पद तथा गोपनीयताको शपथ ग्रहण गराउनुभएको छ। बुधबार राष्ट्रपति कार्यालय, शीतल निवासमा राष्ट्रपति भण्डारीले राजदूतको पद तथा गोपनीयताको शपथ ग्रहण गराउनुभएको हो।
कङ्गो मिसनमा तैनाथ नेपाली सैनिक सुरक्षित
संयुक्त राष्ट्र सङ्घ शान्ति मिसन अन्तर्गत कङ्गो मिसनको फोर्स हेडक्वार्टर रहेको गोमा शहरमा साउन ९ गतेदेखि स्थानीय जनताहरुले विभिन्न माग राख्दै आन्दोलन गरेका छन् ।
जनप्रतिनिधि र कर्मचारीले लिए नियम विपरीत भत्ता
कैलालीको मोहन्याल गाउँपालिकाका जनप्रतिनिधि र कर्मचारीले नियम विपरीत दुई लाख १५ हजार २०० रुपियाँ अनुगमन भत्ता लिएको देखिएको छ । २०७८ मा तत्कालीन १२ जना जनप्रतिनिधि र १९ जना कर्मचारीले नियम विपरित अनुगमन भत्ता लिनु भएको हो ।
भिजिट भिसाको प्रयोग पर्यटकका लागि मात्रै : गृह मन्त्रालय
गृह मन्त्रालयले भिजिट भिसामा विदेश जाने नेपाली नागरिकहरुले भ्रमण भिसाको प्रयोग पर्यटकको रुपमा मात्र गर्न अनुरोध गरेको छ । मन्त्रालयले बुधबार विज्ञप्ति जारी गर्दै भ्रमण भिसाको प्रयोग गरी विदेश गएर सुरक्षित श्रम तथा रोजगारीको प्रलोभनमा नपर्न अनुरोध गरेको हो ।
बुटवल उपमहानगरले घटायो करका दर
बुटवल उपमहानगरपालिकाले नयाँ आर्थिक वर्ष २०७९–८० देखि करको दर घटाएको छ । स्वीकृत आर्थिक ऐन २०७९ अनुसार सम्पत्ति, घरबहाल, इ–रिक्सा, हाटबजार बैठकी कर लगायतमा करको दर घटेको हो ।
एसईईमा जीपीए चार ल्याउने साढे नौ हजार, यसरी हेर्न सकिन्छ नतिजा
राष्ट्रिय परीक्षा बोर्डले यस वर्षको माध्यमिक शिक्षा परीक्षा (एसईई)को नतिजा अहिले सार्वजनिक गर्दैछ।
बिरामी महिलाको निशुल्क हवाइ उद्धार
पेटमै बच्चा मरेपछि सुत्केरी हुन नसकेपछि महिलाको निःशुल्क हवाइ उद्धार गरिएको छ । मंगलसेन नगरपालिका–११ जुपु निवासी ३० वर्षीया सीता रावलको जिल्लामा उपचार हुन नसकेपछि निशुल्क हवाइ उद्धार गरेर सुर्खेत लगिएको हो ।
साफ यू–२० च्याम्पियनसिप : नेपालको लगातार दोस्रो जित
नेपालले साफ यू–२० च्याम्पियनसिप फुटबलमा लगातार दोस्रो जित निकालेको छ । भारतको भुवनेश्वरस्थित कालिंगा रंगशालामा जारी प्रतियोगिताको दोस्रो खेलमा बुधबार नेपालले श्रीलंकालाई ३–० गोलले हरायो ।
स्वीडेनलाई हराउँदै इङ्ल्यान्ड फाइनलमा
आयोजक इङ्ल्यान्ड महिला युरोकप फुटबलको फाइनलमा प्रवेश गरेको छ । ब्रमाल लेन सेफिल्डमा मंगलबार राति भएको खेलमा घरेलु टोली इङल्यान्डले स्वीडेनलाई ४–० गोलले हरायो ।
माग पूरा नभए तेस्रो चरणको आन्दोलन हुन्छ : राप्रपा
काठमाडौं, साउन ११ गते। राष्ट्रिय प्रजातन्त्र पार्टी (राप्रपा)ले सरकारले आफ्नो माग पूरा नगरे तेस्रो चरणको आन्दोलन गर्ने चेतावनी दिएको छ। बुधबार काठमाडौंमा बढ्दो महँगीविरुद्ध दोस्रो चरणको आन्दोलन गरेको राप्रपाले महँगीविरुद्ध पार्टीले सरकारलाई गराएको ध्यानाकर्षणको अवहेलना भए तेस्रो चरणको आन्दोलन गर्ने चेतावनी दिएको हो। बुधबार राप्रपा निकट राष्ट्रिय प्रजातान्त्रिक महिला सङ्गठनले राजधानी काठमाडौंसहित देशभरका जिल्ला सदरमुकाममा थाल ठटाएर विरोध प्रदर्शन गरेको हो। काठमाडौंको भृकुटीमण्डप, ललितपुर, भक्तपुरलगायत मुख्य सहरमा विरोध प्रदर्शन गरेको राप्रपाले जनाएको छ। विरोध प्रदर्शनपछि सञ्चारकर्मीसँग बोल्दै राष्ट्रिय प्रजातान्त्रिक महिला सङ्गठनकी अध्यक्ष एवं राप्रपा नेत्री अञ्जना रावलले मागको सम्बन्धमा सरकारले कुनै चासो नदेखाएपछि दोस्रो चरणको आन्दोलन बुधबारबाट सुरु गरेको बताउनुभयो। राप्रपाले पछिल्लो समय महँगी र भ्रष्टाचारविरूद्ध सडकमा आन्दोलन गर्दै आएको छ। राप्रपाले महंगीलाई नियन्त्रण गरेर जनतालाई राहत पुर्याउन सरकारलाई ध्यानाकर्षण गराउँदै आएको छ।
अवैध कल सेन्टर : दैनिक एक करोडको कारोबार हुने गरेको खुलासा
कपिल ज्ञवाली सिद्धार्थनगर, साउन ११ गते । अवैधरूपमा सञ्चालित कल सेन्टरको थप अनुसन्धानका लागि केन्द्रीय अनुसन्धान गर्न ब्यूरो (सीआईबी) को टोली रूपन्देही आइपुगेको छ ।तिलोत्तमा २ जानकीनगरस्थित ब्लू स्काई सोलुसन प्रालिको कल सेन्टरमा रूपन्देही प्रहरीले साउन ८ गते आइतवार छापा हानको थियो । नौजना संचालकलाइ नियन्त्रणमा लिए पनि अहिले भने दुईजनालाई हिरासतमा राखेर प्रहरीले ठगी मुद्दामा थप अनुसन्धान अगाडि बढाएको हो ।कल सेन्टरमा त्यहाँ भइरहेका गतिविधि यसका प्रभावका बारेमा सूक्ष्म अध्ययन अनुसन्धान गरिने इलाका प्रहरी कार्यालय बुटवलका प्रहरी नायब उपरीक्षक (डिएसपी) ठगबहादुर केसीले बताउनुभयो ।केसीले भन्नुभयो, ‘‘अहिले दुई जनालाई हामीले इलाकामा राखेका छौं, साइबर ब्युरोकोको टोलीले अनुसान्धान गरिरहेको छ, अब अनुसन्धानका आधारमा कुन मुद्दा आर्कषित हुन्छ, सोहि अनुसार कारबाही गरिने छ ।’’सूचना प्रविधिसम्बन्धी विज्ञ प्रहरी अधिकृतसहितको दुईजनाको टोलीले मंगलवारबाट अनुसन्धान थालेको हो । कल सेन्टरले भारतीय नागरिकलाई बैंकिङ ऋण प्रवाहका नाममा ठगी गर्ने गरेको प्रहरीले बताएको छ । यहाँ दैनिक एक करोड बराबरको कारोबार हुने गरेको पाइएको छ । मंगलवारदेखि सीआईबीको टोलीले बरामद गरिएका कम्प्युटर, ल्यापटप र कल सेन्टरमा ऋण प्रवाहका लागि प्रयोग गरिएका एप्सहरूबारे अनुसन्धान थालेको रुपन्देही प्रहरी प्रमुख रवीन्द्र रेग्मीले जानकारी दिनुभयो । साइबरसम्बन्धी जनशक्ति नहुँदा जिल्ला प्रहरी कार्यालय रुपन्देहीले अनुसन्धानका लागि सीआईबीबाट टोली मगाएको थियो । प्रहरी नायव उपरिक्षक (डिएसपी) ठगबहादुर केसीका अनुसार ठगी कसूरमा मुख्य अभियुक्तका रूपमा भारतको बिहारका २५ वर्षीय जिसाद दबङ भन्ने निरञ्जन कुमार र दाङको घोराही उपमहानगरपालिका–१३ का ४० वर्षीय हिमाल बाठामगरलाई पक्राउ गरेर थप अनुसन्धान अघि बढाइएको छ । प्रहरीले साउन ८ गते दिनमा ९ जना संचालक र २१५ जना कामदारलाई नियन्त्रणमा लिएको थियो ।बैंकिङ एप्समार्फत ऋणको प्रलोभनमा पारेर सर्वसाधारणलाई पीडित बनाएको आरोप लगाइएको छ । तिलोत्तमा–२ जानकीनगर रुरुपथस्थित प्रेमराज गुरुङको घरमा कल सेन्टरले मासिक ३ लाख २५ हजार रुपैयाँ तिरेर घर भाडामा लिएको थियो । तिलोत्तमाको कल सेन्टर र काठमाडौंको कल सेन्टरबीच सम्बन्ध रहेको हुनसक्ने प्रहरीले अनुमान गरेको छ । बुटवल आएको सीआईबीले काठमाडौंसहित देशका मुख्य शहरमा पनि कल सेन्टर सञ्चालन भएको हुनसक्ने आशंकासहित अनुसन्धान अघि बढाएको बताएको छ । आइतबार प्रहरीले त्यहाँ काम गर्ने १५० जना किशोर किशोरीलाई पक्राउ गरेको थियो । सेन्टरबाट अश्लील म्यासेज पठाउने, चिठ्ठा पर्यो भनी ठगी गने, मानिसलाई धम्क्याउने लगायतका गतिविधि हुने गर्दथे ।यहाँ १६ देखि २२ वर्ष उमेर समूहका किशोर किशोरीको प्रयोग गरेर चाइनिज सफ्टवेयरको प्रयोग मार्फत् गैरकानुनी काम हुने गरेको थियो ।
