गोरखापत्र अनलाइन
नगरलाई पूर्ण खोप, पूर्ण साक्षर र बालमैत्री घोषणा गरिसकेका छौँ
रौतहट जिल्लाका १६ वटा नगरपालिकामध्ये क्षेत्रफलको दृष्टिकोणले दोस्रो ठुलो नगरपालिका गुजरा नगरपालिका हो । बकैया, घाघी, लमहा, सथियारी र धनसार खोलाले छोएको यो नगरपालिकाको मध्यभागमा रहेको गुजरा खोलाको नामबाट गुजरा नगरपालिका नामकरण गरिएको हो ।
व्यावसायिक कृषितर्फ उन्मुख हुन प्रेरित गर्दै प्राविधिक शिक्षालय
विद्यालयमा पढाइसँगै तरकारी खेती र मौरीपालन गरेर म्याग्दीको एक विद्यालयका विद्यार्थीले यस वर्ष रु दुई लाख ५० हजार आम्दानी गरेका छन् । जिल्लाको एकमात्र प्राविधिक शिक्षालयले छात्रछात्रालाई व्यावसायिक कृषितर्फ उन्मुख हुन प्रेरित पनि गरेको छ ।
अपहरण गरेर मन्त्री बनाएको भन्दै सरकारलाई दिएको समर्थन फिर्ता : हाम्रो नेपाली पार्टी
हाम्रो नेपाली पार्टीले बागमती प्रदेश सरकारलाई दिएको समर्थन फिर्ता यथावत् रहेको जनाएको छ । सो पार्टीका बागमती प्रदेश संसदीय दलका नेता शैलेन्द्रमान बज्राचार्यले प्रदेशको मन्त्रीमा शपथ लिएको एक दिनपछि शुक्रवार हेटौँडामा हाम्रो नेपाली पार्टीले पत्रकार सम्मेलन गरी सालिकराम जमरकट्टेल नेतृत्वको सरकारलाई दिएको समर्थन फिर्ता निरन्तर रहेको जनाएको हो ।
सहकारी खारेज प्रक्रिया सुरु
बाँके जिल्लाको कोहलपुर नगरपालिकाले मनोमानी रूपमा ऐन नियमविपरीत चलेका २२ वटा सहकारीलाई खारेज गर्ने प्रक्रिया सुरु गरेको छ । कोहलपुर नगरपालिकाभित्र सञ्चालनमा रहेका २२ वटा सहकारी ‘कोहलपुर नगरपालिकाको सहकारी ऐन, २०७४’ अनुसार सञ्चालन नगरेको पाइएकोले ती सहकारीलाई खारेजीका लागि प्रक्रिया अगाडि बढाइएको नगरपालिकाले जनाएको छ ।
सडेगलेको मासु बिक्री
बुटवलका केही मासु पसलले सड्न लागेको अवस्थामा पुगेको मासुसमेत बिक्रीका लागि राखेको पाइएको छ । बुटवल उपमहानगरपालिकाले बुधबार बुटवलको नेपालगन्ज रोड र इँटाभट्टीका ११ वटा मासु पसलमा गरिएको अनुगमनका क्रममा सडेगलेको मासु बेचेको, सरसफाइमा ध्यान नदिएको, खसीबोका र कुखुराको मासु एकै ठाउँमा भण्डारण गरेको पाइएको हो ।
राष्ट्रिय सभाको बैठक बस्दै
सङ्घीय सांसदअन्तर्गत आज राष्ट्रिय सभाको बैठक बस्दै छ । बैठक आज दिउँसो १ बजे सुरु हुनेछ ।
भूकम्पपीडितले पाएनन् दोस्रो किस्ता
जाजरकोट भूकम्पको पाँच महिना बित्दासमेत भूकम्पपीडितले अस्थायी आवासको दोस्रो किस्ता पाउन सकेका छैनन् । जिल्लामा ४२ हजार ५२४ लाभग्राही कायम रहेकोमा हालसम्म नौ हजार १४९ जनाको मात्र दोस्रो किस्ताका लागि विपत् पोर्टलमा नाम प्रविष्ट भएको छ ।
राष्ट्रपति पौडेल शनिबार देवघाट आउनुहुँदै
राष्ट्रपति रामचन्द्र पौडेल भोलि देवघाट आउनुहुने भएको छ । तनहुँ र चितवन जोड्ने पुल उद्घाटन गर्नु हुने भएको छ । पौडेलले देवघाट धामको दर्शन तथा तनहुँको देवघाट गाउँपालिका–५ घिनाटार र चितवनको भरतपुर महानगरपालिका–१ ठिमुरा जोड्ने त्रिशूली नदीमाथि निर्मित पुलको उद्घाटन गर्न आउन लाग्नु भएको हो ।
स्वास्थ्य रणनीतिको फितलो कार्यान्वयन
स्वास्थ्य सेवाको पहुँच जनस्तरमा पुर्याउन २०७७ सालमा ल्याइएको प्रदेश स्वास्थ्य रणनीतिको कार्यान्वयन अवस्था फितलो देखिएको छ । कर्णाली प्रदेश सरकारले स्वास्थ्य सेवालाई जनस्तरमा लैजान तीन वर्षअघि स्वास्थ्य रणनीति बनाएको थियो । सो रणनीतिमा कार्यान्वयन गरिने योजना, कार्यक्रम र रणनीति समावेश गरिएको थियो ।
वन्यजन्तुको चोरीसिकारी
बारेकोट गाउँपालिकाका सामुदायिक जङ्गलका लोपोन्मुख वन्यजन्तुको अवैध रूपमा चोरीसिकारी बढेको छ । बारेकोट गाउँपालिका–४ का मोहन सिंहका अनुसार लोपोन्मुख वन्यजन्तु कस्तुरी, मृग, रेडपान्डा, भालु, बाघ, चिरकालिज, बँदेल, रतुवा, झारल जस्ता वन्यजन्तुको चोरीसिकारी भइरहेको छ । बारेकोटमा विश्वमै लोपोन्मुख वन्यजन्तु पाइन्छ । चोरीसिकारी रोक्न सरकारी पक्षको कुनै पहल भएको छैन । बारेकोटका सामुदायिक वनमा वन्यजन्तुका लागि फलामे पासो, पासा, नाइलनको पासो, प्लास्ट्रिक पासो अवैध रूपमा प्रयोग भइरहेको छ । बारेकोट गाउँपालिका मात्र होइन जिल्लाका सात वटै स्थानीय तहमा वन्यजन्तुको चोरीसिकार भइरहेको जनगुनासो छ । कुशे गाउँपालिकामा अत्यधिक मात्रामा अवैध चोरीसिकारी भइरहेको स्थानीय रेशम पौडेलले जानकारी दिनुभयो ।
सञ्चारकर्मीहरूलाई सभामुखको शुभकामना
प्रतिनिधिसभाका सभामुख देवराज घिमिरेले नेपालका पत्रकारहरुको साझा संस्था नेपाल पत्रकार महासङ्घको ६९ औँ स्थापना दिवसको अवसरमा सम्पूर्ण सञ्चारकर्मीहरूमा हार्दिक शुभकामना व्यक्त गर्नुभएको छ ।
-original-thumb.jpg)
समृद्धिका लागि सहकार्य
सङ्घीय मामिला तथा सामान्य प्रशासनमन्त्री भानुभक्त जोशीले समृद्धिका लागि समन्वय र सहकार्य आवश्यक रहेको बताउनुभएको छ । जिल्ला समन्वय समितिको छैटौँ सभालाई सम्बोधन गर्दै उहाँले यस्तो बताउनुभएको हो । मन्त्री नियुक्त भइसकेपछि पहिलो पटक गृह प्रदेश भ्रमणमा रहेका मन्त्री जोशीले सङ्घीय सरकारबाट सञ्चालित योजनाको अनुगमन गर्नुभएको छ ।
गेटमा ‘फ्लड लाइट’
कैलालीको धनगढी उपमहानगरपालिकास्थित छ लेन सडकमा निर्माण गरिएको स्वागत गेटमा ‘फ्लड लाइट’ जडान गरिएको छ । उपमहानगरपालिका–१३ स्थित मोहनपुरमा निर्माण गरिएको स्वागत गेटमा ‘फ्लड लाइट’ लगाइएको हो । गेटमा जडान गरिएको लाइटका कारण जोकोहीले ‘आहा धनगढी सहर’ भन्ने गरेका छन् । चार लाख ४७ हजार रुपियाँ लगानीमा स्वागत गेटमा ३२ वटा ‘फ्लड लाइट’ जडान गरेको उपमहानगरपालिकाले जनाएको छ ।
दिक्तेल–चखेवाभञ्ज्याङ सडकखण्डका तीन पुल निर्माणको अन्तिम चरणमा
सोल्मास्थित भालुखोला र नेर्पास्थित मेवाखोलामा निर्माणाधीन २० मिटर लामा पुलको भौतिक र आर्थिक प्रगति ८० प्रतिशत भएको मध्यपहाडी राजमार्ग योजना कार्यालयका सूचना अधिकारी हर्क प्रधानले बताउनुभयो ।
कुलो खन्न गएकी महिलाको जलेर मृत्यु
वन डढेलोमा परी गम्भीर घाइते भएकी एक महिलाको मृत्यु भएको छ । बिहीबार अपराह्न जङ्गलमा लागेको आगोले घाइते हुनुभएकी शिखर नगरपालिका–४ सेलबुङ्गाकी ४१ वर्षीय चन्द्रादेवी भण्डारीको उपचारका क्रममा आज बिहान मृत्यु भएको हो ।
