गोरखापत्र अनलाइन
खोस्टाको फूल बनाउने तालिम
पाँचथरको फाल्गुनन्द गाउँपालिकाका महिलालाई सुकेको मकैका खोस्टाबाट फूल बनाउने तालिम दिइएको छ । महिलालाई आर्थिक रूपमा आत्मनिर्भर बनाउन भन्दै गाउँपालिकाले यस्तो तालिम दिएको हो । तालिममा सुकेको मकैका खोस्टाबाट उपहार दिन, घर तथा कार्यालयका टेबुलमा सजाउन र ब्याचका रूपमा प्रयोग गर्न मिल्ने सामग्री बनाउने तालिम दिइएको हो । पहिलो पटक १७ जना स्थानीय महिलालाई खोस्टाका फूल बनाउने तालिम दिएर उत्पादन सुरुवात गरेको अध्यक्ष वृजहाङ आङ्देम्बेले बताउनुभयो । नौ दिनसम्म तालिम लिएका सहभागीले कलात्मक फूल तयार गर्न थालेका छन् ।
किसानलाई स्याउका बिरुवा र तरकारीको बिउ वितरण
बेरोजगार किसानलाई स्याउका बिरुवा, औजार र तरकारीको बिउ सहयोग गरिएको हो । व्यावसायिक फलफूल खेतीका साथै किसान तरकारी खेती गर्नका लागि ती सामग्री निःशुल्क प्रदान गरिएको हो । सिमकोट गाउँपालिका–५ का किसान जय रावतले स्याउका बिरुवा, हजारी गार्डेन पाइप र तरकारीको बिउ सहयोग उपलब्ध भएको बताउनुभयो । उहाँले आफू जस्तै छनोटमा परेका किसानले बिरुवा, बिउ र सामग्री निःशुल्क पाएको बताउँदै त्यसबाट व्यावसायिक खेतीतर्फ आफू लागेको बताउनुभयो ।
गाउँमै अल्लो प्रशोधन गरी कपडा उत्पादन
ताप्लेजुङका गाउँमा नै अल्लो प्रशोधन गरी कपडा उत्पादन गर्न थालिएको छ । जङ्गलमा खेर गइरहेको अल्लो सङ्कलन गरी गाउँमै प्रशोधन गरेर धागो र कपडा उत्पादन गर्न थालिएको हो । जिल्लास्थित घरेलु तथा साना उद्योग कार्यालय र सम्बन्धित स्थानीय तहको सहयोगमा गाउँमा अल्लो प्रशोधन गरी धागो र कपडा उत्पादन गरिँदै आएको छ । अल्लो प्रशोधन गर्ने उपकरण र कपडा बुन्ने (निर्माण गर्ने) तानलगायतका सामग्री घरेल तथा साना उद्योग कार्यालय र स्थानीय तहले उपलब्ध गराएपछि गाउँमै धागो र कपडा उत्पादन गर्न थालिएको हो ।
नेपाल–दक्षिण कोरियाबिच सिधा उडानमा जोड
संस्कृति, पर्यटन तथा नागरिक उड्डयनमन्त्री हितबहादुर तामाङले नेपालमा बढीभन्दा बढी दक्षिण कोरियाली पर्यटक भित्र्याउन काठमाडौँ–कोरिया सिधा उडान थप प्रभावकारी हुने बताउनुभएको छ । कोरिया टुर्स एन्ड ट्रेकिङ अपरेटर एसोसिएसन अफ नेपाल (कोटान) स्थापनाको सातौँ वर्षिकोत्सव तथा नेपाल–कोरिया कूटनीतिक सम्बन्ध स्थापनाको ५० औँ वर्षगाँठका अवसरमा बुधबार आयोजित कार्यक्रममा बोल्दै उहाँले उक्त कुरा बताउनुभएको हो ।
‘सङ्गीतले अझै गम्भीर बनायो’
सानैदेखि गीत सङ्गीतमा रुचि राख्नुहुने रोल्पाको लुङ्ग्री गाउँपालिका–६ का लोकबहादुर रसाइली नायक राजेश हमालबाट प्रेरित भएर कलाकारिता क्षेत्रमा लागेको बताउनुहुन्छ । दुई दर्जन गीतमा मोडलिङ तथा आधा दर्जन गीत गाइसक्नुभएका उहाँले २०६७/६८ सालमा काठमाडौँ आएर म्युजिक भिडियोबाट अभिनय यात्रा सुरु गर्नुभएको थियो ।
घोप्टेभिरमा सडक ढलान
राष्ट्रिय गौरवको, कालीगण्डकी कोरिडोर, बेनी–जोमसोम–कोरला सडक आयोजना अन्तर्गत म्याग्दी र मुस्ताङको सीमा क्षेत्रमा पर्ने घोप्टेभिर क्षेत्रमा सडक ढलान गरिँदै ।
चित्रकला प्रदर्शनी
नेपाली महिला कलाकारको सामूहिक चित्रकला प्रदर्शनी सुरु भएको छ । ललितपुरस्थित क्लासिक ग्यालरीमा आयोजित सामूहिक चित्रकला प्रदर्शनीमा २९ जना महिला कलाकारको धार्मिक, सामाजिक, जीवनशैली, महिलाले निर्वाह गर्नुपर्ने जिम्मेवारीलगायत थुप्रै सन्देशमूलक ४१ वटा कलाकृति प्रदर्शनीमा राखिएका छन् ।
लेखनसँगै साहित्यतर्फ श्रेष्ठ
नेपाली गीत, सङ्गीतमा चर्चा कमाइसकेका ओमशङ्कर श्रेष्ठले २०४६ सालदेखि यो क्षेत्रमा काम गर्न थाल्नुभएको हो । जुन बेला पप गीतको सुरुवात भएको थियो, त्यही समयदेखि गीत लेख्न सुरु गरेको उहाँले बताउनुभयो । श्रेष्ठले मुक्ति एन्ड रिभाइबलदेखि लिएर अनुप्रस्थ ब्यान्डका लागि गीत लेखिसक्नुभएको छ । निमा रुम्बा, सञ्जीव प्रधानलगायतका पहिलो गीत भएको समय त्यसभित्र उहाँको रचना पनि समावेश हुने गरेको थियो । १९९६ मा बबिन प्रधानको सबै गीत आफूले नै लेखेको उहाँले बताउनुभयो । यस्तै १९९४ मा एउटा र १९९९ मा दुई वटा गीत त्यसमा एउटा अङ्ग्रेजी गीत पनि समावेश भएको उहाँ बताउनुहुन्छ ।
हराएका उत्तरपुस्तिका छानबिन गर्न पौडेलको संयोजकत्वमा समिति गठन
त्रिभुवन विश्वविद्यालयले उत्तरपुस्तिका हराएको घटनाबारे छानबिन गर्न त्रिभुवन विश्वविद्यालयका पूर्वरजिष्ट्रार प्राडा चन्द्रमणि पौडेलको संयोजकत्वमा तीन सदस्यीय एक उच्चस्तरीय समिति गठन गरेको छ ।
जलवायु परिवर्तनबाट कृषिमा पर्ने प्रभाव न्यूनीकरणमा सहकार्य
जलवायु परिवर्तनले कृषि क्षेत्रमा पारेको प्रभावबारे नेपाल कृषि अनुसन्धान परिषद् (नार्क) र कोरियाका कोपिया सेन्टरबिच सहकार्य हुने भएको छ । नार्क अन्तर्गतका राष्ट्रिय कृषि वातावरण अनुसन्धान केन्द्रका वैज्ञानिक र कोरियाका कृषि मन्त्रालय अन्तर्गतको कोपिया सेन्टरका वैज्ञानिकबिच भएको छलफल छ । सो छलफलका आधारमा जलवायु अनुकूलन प्रविधि विकासमा सहकार्य गर्न सहमति भएको राष्ट्रिय कृषि वातावरण अनुसन्धान केन्द्रका प्रमुख डा. ध्रुवराज भट्टराईले बताउनुभयो ।
रसियाका लागि श्रम स्वीकृति खुला
श्रम, रोजगार तथा सामाजिक सुरक्षा मन्त्रालयले रुस (रसिया) मा नेपाली श्रमिक पुनः श्रम स्वीकृति दिएर पठाउने निर्णय गरेको छ । युक्रेनसँग लडिरहेको सुरक्षा संवेदनशील मुलुक रसियाबाट बिदामा आएका नेपाली श्रमिकलाई पुनः श्रम स्वीकृति दिएर पठाउने निर्णय भएको वैदेशिक रोजगार विभागले विज्ञप्तिमार्फत जानकारी गराएको हो । विभागका अनुसार गत पुस १९ देखि रसियामा पठाउने श्रम स्वीकृति रोकिएकामा फागुन ९ गते पुनः श्रम स्वीकृति र चैत १६ गतेदेखि संस्थागत श्रम स्वीकृति दिने निर्णय भएको छ ।
हिमालमा चिकित्सकसहितको टोली
हिमालयन उद्धार सङ्घले आन्तरिक तथा बाह्य पर्वतीय पदयात्रीको उपचारका लागि सोलुखुम्बु र मनाङका तीन ठाउँमा विदेशी चिकित्सकसहितको टोली खटाएको छ । वसन्त ऋतु सुरु भएसँगै पर्वतीय पदयात्रामा जाने स्वदेशी तथा विदेशी पर्यटकको स्वास्थ्य सेवालाई ध्यानमा राख्दै सङ्घले स्वदेशी र विदेशी चिकित्सकको टोली खटाएको हो ।
इजरायली कारबाहीमा अस्पताल क्षेत्रमा दुई सयजनाको मृत्यु
हमासका वरिष्ठ व्यक्तिहरू भित्र रहेको सुराकीपछि गाजामा रहेको सबैभन्दा ठूलो शिफा अस्पतालमा इजरायलले कारबाही सुरू गरेको र अस्पताल परिसरमा कारबाही सु गरेदेखि एक हप्ताको समयमा २०० भन्दा बढी लडाकूहरू मारिएको इजरायली रक्षा बल ९आइडिएफ० ले बिहीबार जनाएको छ ।
किरियापुत्रीदेखि बालबन्दीसम्मले लेखे एसइई
बिहीबारदेखि सुरु भएको माध्यामिक शिक्षा परिषद् (एसइई) परीक्षामा किरियापुत्रीदेखि, बालबन्दी तथा विभिन्न उमेर समूहका विद्यार्थीको उत्साहपूर्वक सहभागी भएका छन् ।
बागमतीमा मन्त्रिपरिषद् विस्तार : हाम्रो नेपाली पार्टीबाट बज्राचार्यको शपथ
बागमती प्रदेशको मन्त्रिपरिषद् विस्तार भएको छ । बागमी प्रदेश सरकार अल्पमतमा परिरहेको समयमा मुख्यमन्त्री शालिकराम जम्कट्टेलले बिहीबार मन्त्रिपरिषद् विस्तार गर्नुभएको हो ।
