वन उपभोक्ताको हकहित सुरक्षित गर्न सरकार प्रतिबद्ध : मुख्यमन्त्री आचार्य
लुम्बिनी प्रदेशका मुख्यमन्त्री चेतनारायण आचार्यले सामुदायिक वन उपभोक्ताहरूको हकहित सुरक्षित गर्न सरकार दृढ रहेको बताउनुभएको छ ।
ट्राफिक नियम तोड्नेलाई भिडियोका आधारमा कारबाही
कपिलवस्तुमा ट्राफिक नियम पालनामा सुधार ल्याउन र बढ्दो सडक दुर्घटना न्यूनीकरण गर्न सुरक्षाकर्मी र सर्वसाधारणबिचको सहकार्यमा नयाँ अभ्यास सुरु गरिएको छ ।
गाउँपालिकाबिच भगिनी सम्बन्ध
बुटवल उपमहानगरपालिका र मुस्ताङको घरपझोङ गाउँपालिकाबिच आपसी सहकार्य र धार्मिक पर्यटन प्रवर्धनमा जोड दिँदै भगिनी सम्बन्ध स्थापना हुने भएको छ ।
पाँच वर्षमा त्रिसट्ठी जनाको मृत्यु
गत वैशाख १५ गते गुलरिया नगरपालिका–८ मा मामाघर आएकी नौ वर्षीय बालिका मेलिना खड्काको सर्जु सामुदायिक वनमा चितुवाको आक्रमणमा परी मृत्यु भयो ।
अपाङ्गता भएकालाई भारतमा लगेर कृत्रिम अङ्ग
कोहलपुर नगरपालिकाले नगरभित्रका सम्पूर्ण वडाका अपाङ्गता भएका नागरिकलाई कृत्रिम अङ्ग (हात, खुट्टा र क्यालिफरलगायतका सहायक सामग्री) जोड्नका लागि भारत लगेको छ ।
दाङमा विकास बजेट खर्च : संघको ३५ प्रतिशत र प्रदेशको ४८ प्रतिशत
दाङमा चालु आर्थिक वर्ष २०८१/०८२ को दश महिनामा सङ्घीय सरकारअन्तर्गतको विकास बजेट ३५ प्रतिशत खर्च भएको छ । चालु आर्थिक वर्षको वैशाखसम्म कुल पुँजीगत बजेट चार अर्ब ५० करोड ३० लाख ४७ हजार रुपियाँमध्ये ३५ प्रतिशत अर्थात एक अर्ब ६१ करोड १७ लाख ५१ हजार पाँच सय ५८ रुपियाँ खर्च भएको हो ।
-original-thumb.jpg)
दोस्रो मुसिकोट मेयर रनिङ कप हुने
गुल्मीको मुसिकोट नगरपालिकाले दोस्रो मुसिकोट मेयर रनिङ कपको आयोजना गर्नेभएको छ । मुसिकोट नगरपालिका नगर खेलकुद विकास समितिको आयोजनामा दोस्रो मुसिकोट मेयर रनिङ कप अन्तर्गत अन्तर स्थानीय तह पुरुष भलिबल प्रतियोगिताको आयोजना गर्न लागेको हो ।
प्युठानका स्थानीय तहमा घट्यो बेरुजु
महालेखा परीक्षकको कार्यालयले ६२ औं वार्षिक प्रतिवेदन अनुसार प्युठान जिल्लामा अघिल्लो वर्षको तुलनामा बेरुजु रकम घटेको छ । अघिल्लो वर्षको तुलनामा पाँच करोड २१ लाख एक हजार कम बेरुजु आएको हो ।
लुम्बिनीमा यस वर्ष वन डढेलोका घटनामा कमी
लुम्बिनी प्रदेशमा गत वर्षभन्दा यस वर्ष आगलानी तथा वन डढेलोका घटनामा कमी भएको पाइएको छ ।गत वर्ष वैशाख २५ गतेसम्ममा यहाँका चार सय २१ स्थानमा डढेलो लागेकामा यस वर्ष जेठको ७ गतेसम्म दुई सय ९३ स्थानमा डढेलो लागेको प्रदेश वन निर्देशनालयले जनाएको छ ।
अध्यक्ष दाहाल रूकुमपूर्वमा
नेपाल कम्युनिष्ट पार्टी (माओवादी केन्द्र) का अध्यक्ष पुष्पकमल दाहाल ‘प्रचण्ड’ नेतृत्वको मध्यपहाडी लोकमार्ग अभियान टोलीले रूकुम पूर्वको भूमे गाउँपालिकामा सञ्चालित मारिन बहुउद्देश्यीय सहकारी संस्थाअन्तर्गतको अर्गानिक सहकारी मार्टको अवलोकन गरेको छ ।
उन्नाइस जना नाबालकको उद्धार
बौद्ध गुम्बामा पढाउने भन्दै अनधिकृत रूपमा भारततर्फ लैजाँदै गरिएका १९ जना नेपाली नाबालकलाई सुनौली–बेलहिया सीमानाकाबाट उद्धार गरिएको छ । बसमा चढाएर भैरहवा नाकासम्म ल्याइएका ती बालकलाई नेपाल–भारतबिचको दसगजा सिमानाबाट उद्धार गरिएको हो ।
बलबहादुरलाई घरको चिन्ता
गुल्मीको इस्मा गाउँपालिका–४, कोटकोटरी पुतलीबजारका ४१ वर्षीय बलबहादुर दर्जीको आधा शरीर जलेको छ । २०४३ सालमा घरमा आगो ला
बन्दै प्रादेशिक सडक गुरुयोजना
लुम्बिनी प्रदेश सरकारले प्रादेशिक सडक गुरुयोजना निर्माणको काम अन्तिम चरणमा पु-याएको छ । लुम्बिनी प्रदेशका भौतिक पूर्वाधार विकासमन्त्री भूमिश्वर ढकालले सडकको प्राथमिकता र लक्ष्य निर्धारण गरेर सडक विस्तार गुरुयोजना बनाइएको बताउँदै अर्को साता बस्ने मन्त्रीपरिषद् बैठकले सडक गुरुयोजना पास गर्ने बताउनुभयो ।
मोबाइलमा दुधको घण्टी !
गुल्मीको सत्यवती–४, एक्सिङकी राधिका गैरे गाहाको मोबाइलमा महिना मर्नेबित्तिकै दुधको भुक्तानी घण्टी बज्छ । स्याङएक्सिङ कृषि तथा पशुपाल
ढिलो कार्यालय पुग्ने कर्मचारीलाई प्रवेशमा रोक
बाँकेको बैजनाथ गाउँपालिकाका कर्मचारीलाई पटक–पटक दिएको निर्देशनलाई अटेरी गरेर कार्यालयमा ढिलो उपस्थित हुन थालेपछि बुधबार गाउँपालिका उपाध्यक्ष निर्मला रोकायले पालिकाको कार्यालयको मूल गेटमा ताला लगाउनुभयो।
हावाहुरीले दुई दिनदेखि विद्युत अवरुद्ध
दाङको देउखुरीमा हावाहुरीका कारण २० वटा विद्युत पोलसँगै दुई वटा ट्रान्सफर्मरमा क्षति पुर्याउँदा राजपुरमा दुई दिनदेखि विद्युत सेवा अवरुद्ध भएको छ ।
गौतम बुद्धको कर्मवाद अनुसरण गरौँ : महासचिव शंकर पोखरेल
नेकपा (एमाले)का महासचिव शंकर पोखरेलले वर्तमान समयमा गौतम बुद्धको कर्मवाद उत्तिकै समय सान्दर्भिक रहेको बताउनुभएको छ ।
हावाहुरीले मर्भुङ्गमा घरको छाना उडाउँदा ४५ हजारको क्षति
वर्षातसँगै आएको हावाहुरीले मालिका गाउँपालिका–८ किसानटारीका डाइमन लम्सालको घरको छानो उडाएको छ । लम्सालको दुई तले पक्की घरको माथिल्लो तलामा उडाएको जिल्ला प्रहरी कार्यालय गुल्मीका सूचना अधिकारी प्रहरी नायब उपरीक्षक गंगाबहादुर सारुले जानकारी दिनुभयो ।
गुल्मीका स्थानीय तहको बेरुजु १५ करोडभन्दा बढी
गुल्मीका स्थानीय तहको बेरुजु १५ करोडभन्दा बढी देखिएको छ । महालेखापरीक्षकको कार्यालयले सार्वजनिक गरेको ६२ औँ वार्षिक प्रतिवेदन अनुसार यस जिल्लाका दुई नगरपालिका र दश गाउँपालिका गरी १२ स्थानीय तहमा आर्थिक वर्ष २०८०/०८१ मा १५ करोड ७४ लाख ६४ हजार रुपियाँ बेरुजुु देखिएको हो ।
राजनीतिक स्थायित्वका लागि दुई शक्ति एक ठाउँमा : महासचिव पोखरेल
सत्तारुढ दलका नेता एवम् नेकपा एमालेका महासचिव शंकर पोखरेलले राजनीतिक स्थायित्वका लागि दुई शक्ति एक ठाउँमा आएको बताउनुभयो ।
विद्युत कटौतीका कारण तानसेनमा खानेपानी वितरणमा समस्या
पाल्पामा बिनासूचना विद्युत कटौती हुँदा खानेपानी वितरणमा समस्या हुने गरेको छ । अनियमित विद्युत आपूर्ति भएपछि यसको प्रत्यक्ष असर खानेपानी उपभोक्ता समितिलाई परेको छ । जसले गर्दा खानेपानी प्रयाप्त मात्रामा उपलब्ध गराउन नसक्दा स्थानीयवासीलाई समस्या भएको छ ।
हावाहुरीले ३३ केभीको विद्युत टावर ढल्दा बाँकेमा विद्युत अवरुद्ध
बुधबार बिहान आएको हावाहुरी र वर्षाले कोहलपुर–नेपालगन्ज ३३ केभी प्रसारण लाइनको विद्युत पोल र टावरमा क्षति पुर्याएकाले बाँकेका विभिन्न स्थानको विद्युत सेवा अवरुद्ध भएको छ ।
अखाद्य वस्तु बिक्री गर्ने पाँच कम्पनीविरुद्ध मुद्दा दर्ता
खाद्य प्रविधि तथा गुण नियन्त्रण कार्यालय नेपालगन्जले उपभोक्ताको स्वास्थ्यमा खेलबाड गर्ने बजारमा रहेका मापदण्ड विपरीतका पाँच वटा सेवामूलक फर्म तथा कम्पनीविरुद्ध मुद्दा दर्ता गरेको छ ।
विद्यार्थीलाई सिपसँग जोड्दै शारदा
रमेश विश्वकर्मा गुल्मी, जेठ ७ गते। गुल्मीको ग्रामीण भेगमा पर्ने एक विद्यालयले विद्यार्थीलाई किताबी ज्ञानसँगै व्यवहारिक सीप सिकाउँदै आएको छ। यस जिल्लाको चन्द्रकोट गाउँपालिका वडा नम्बर( १ सराङ्गस्थित शारदा माध्यमिक विद्यालयले विद्यार्थीलाई शिक्षण सिकाइसँगै व्यवहारिक ज्ञानसँग सम्बन्धित अतिरिक्त क्रियाकलापमा सरिक गराउन थालेको पाइएको छ। यस विद्यालयले विद्यार्थीको सिकाइलाई सिपसँग जोड्न गत वर्ष देखि विभिन्न क्रियाकलाप गर्दै आएको छ। विद्यार्थीहरूले गत वर्ष दसैँ बिदाको सदुपयोग गर्दै लसुन खेती सुरु गरेका थिए। सिकाइलाई सिपसँग जोड्ने कार्यक्रम अनुसार मल्चिङ विधिको प्रयोग गर्दै शिक्षक र विद्यार्थीको सक्रियतामा लसुन खेती गरिएको विद्यालयका प्रधानाध्यापक विष्णुप्रसाद सुवेदीले बताउनुभयो। विद्यालयमा लगाइएका सात सय अकबरे खुर्सानीका बोटबाट छ क्विन्टल खुर्सानी उत्पादन गरिएको थियो। खुर्सानीले राम्रो बजार पाएपछि विद्यार्थी उत्साहित हुँदै गत वर्ष देखि लसुन खेती समेत सुरु गरिएको हो। कक्षा कोठामा सैद्धान्तिक कुरा मात्र गरेर भन्दा फिल्डमा विद्यार्थीलाई धेरै कुरा सिकाउन सकिन्छ। विद्यार्थीहरूमा श्रमप्रति सम्मान र व्यवहारिक सीपको विकास गर्ने उद्देश्यसहित विद्यालयले यस वर्ष पनि अकबरे खुर्सानी खेती गरेको उहाँले बताउनुभयो। साधारण धारको प्रस्तावित विद्यालय भए पनि शैक्षिक एवम् सिर्जनात्मक कार्यमा विद्यालय निरन्तर लागेको छ। विद्यालयका कक्षा ९, १० र ११ का विद्यार्थीहरूले मल्चिङ विधिको प्रयोग गर्दै करिब पौने एक रोपनी क्षेत्रफलमा १२ सयभन्दा बढी अकबरे खुर्सानीका बिरुवा रोपेका छन्। विद्यार्थीहरूले कृषि सिपको व्यावसायिक र आत्मनिर्भरता सम्बन्धी सिकाइ गर्ने बताइएको छ। विद्यार्थीमा श्रमको सम्मान, माटोसँगको सम्बन्ध र उत्पादनको मूल्य बुझ्ने संस्कार विकास गरिएको प्रधानाध्यापक सुवेदीले बताउनुभयो। गत वर्ष रोपिएको अकबरे खुर्सानीको बिरुवाले यस वर्ष पनि फल दिइरहेको छ। नजिकको बजारमा बिक्रीका लागि खुर्सानी पठाइएको बताइएको छ। यसरी खेती गर्दा विद्यालयको खाली जग्गाको पनि सदुपयोग भएको छ। विद्यार्थीले विद्यालयमा सिकेको ज्ञान सीपलाई व्यवहारिक रूपमा प्रयोग गर्न जरुरी छ। जसरी विद्यालयमा अकबरे खुर्सानी र लसुन खेती गरिएको छ। उहाँले भन्नुभयो, ूत्यसरी नै विद्यार्थीले आफ्नो घरमा पनि खेती गर्नुपर्ने छ। विद्यालयमा गरिने यस्ता अभ्यासले विद्यार्थीलाई आत्मनिर्भर र उत्पादनशीलसँगै गाउँघरमै रोजगारी सिर्जनामा समेत प्रेरणा मिल्छ। कार्यक्रममा सहभागी विद्यार्थीले विद्यालयमा पढाइसँगै व्यवहारिक ज्ञान पनि सिक्न पाउँदा अत्यन्तै खुसी लागेको बताउनुभयो । आफ्नो घरमा पनि यसै गरी खेती गरिएको उहाँहरूको भनाइ छ।
विद्यालय परिसरभित्र बेवारिसे बम फेला
तिलक घर्तीमगर रोल्पा, जेठ ७ गते । रोल्पाको त्रिवेणी गाउँपालिका–२ दहवनमा रहेको भगवती माध्यमिक विद्यालय परिसरमा दुई वटा सकेट बम फेला परेको छ । विद्यालयको भवन बनाउन जक खन्ने क्रममा सकेट बम फेला परेको जिल्ला प्रहरी कार्यालय रोल्पाले जनाएको छ ।बम भेटिएपछि प्रहरी चौकी नुवागाउँ र इलाका प्रहरी कार्यालय होलेरीबाट प्रहरी टोली त्यस स्थानमा पुगेको थियो । फेला परेको दुई वटै बमलाई लिवाङमा रहेको सूर्यदल गणबाट खटिएको सेनानी शङ्कर थापाको डिस्पाेजल टोलीले मङ्गलवार सुरक्षित स्थानमा डिस्पाेजल गरेको जिल्ला प्रहरी कार्यालयका सूचना अधिकारी प्रहरी निरीक्षक विजय चापागाईँले जानकारी दिनुभयो ।यस अघि २०७७ सालमा त्रिवेणी गाउँपालिका–७ गैरीगाउँको जङ्गलमा बेवारिसे अवस्थामा भेटिएको बम बालबालिकाले खेलाउने क्रममा विस्फोट भएर चार जना बालबालिकाको ज्यान गएको थियो ।
